Dagblaðið Vísir - DV - 01.07.2014, Blaðsíða 4

Vikublað 1.–3. júlí 20144 Fréttir
Var að koma
til lendingar
Samkvæmt vakthafandi lækni á
gjörgæsludeild Landspítalans er
líðan mannsins sem slasaðist við
lendingu í fallhlíf á Helluflugvelli
um helgina, stöðug. Honum er
haldið sofandi í öndunarvél.
Lögreglan á Selfossi fer með
rannsókn málsins. Jón Hlöðver
Hrafnsson rannsóknarlögreglu­
maður segir að rannsókn á slys­
inu sé langt á veg komin en að
það eigi eftir að fara yfir ákveðna
þætti sem geta gefið frekari vís­
bendingar um hvað hafi gerst.
Jón Hlöðver segir að maður­
inn hafi ekki fallið úr mikilli hæð.
Hann hafi verið að koma inn til
lendingar á flugvellinum þegar
eitthvað kom upp á með þeim af­
leiðingum að hann slasaðist. Jón
Hlöðver segir að maðurinn sé
vanur stökkvari.
Að sögn Jóns var maðurinn
með hópi fallhlífarstökkvara
sem hafa aðstöðu á vellinum og
stunda oft fallhlífarstökk þar um
helgar. Hann segir að nokkur
vitni hafi verið að slysinu og að
rætt hafi verið við þau eftir slysið
og þeim veitt áfallahjálp.
Fólk fari varlega
Almannavarnadeild ríkislög­
reglustjóra vekur athygli á veður­
spá næstu daga. Veðurstofa Ís­
lands gerir ráð fyrir óvenju öflugri
lægð miðað við árstíma í dag,
þriðjudag, sem fer yfir landið
á miðvikudag. Almannavarna­
deildin biður fólk um að fara var­
lega á ferðum sínum og ganga vel
frá öllum lausamunum utandyra.
Þá er vakin athygli á því að Veð­
urstofan uppfæri veðurspár sínar
reglulega og má finna þær á vefn­
um vedur.is. Auk þess má fylgjast
með veðurmælingum og færð
á vegum á vef Vegagerðarinnar,
vegagerdin.is.
Ákærður eftir kæru
frá Jóni Ásgeiri
n Fékk óvart tölvupóst um Iceland-keðjuna n Jón Ásgeir svaraði ekki
Í
slenskur karlmaður á sextugsaldri
hefur verið ákærður af lögreglunni
á höfuðborgarsvæðinu fyrir brot á
lögum um fjarskipti á grundvelli
kæru frá Jóni Ásgeiri Jóhannes­
syni, fjárfesti og fyrrverandi eiganda
fjölmiðlafyrirtækisins 365. Maðurinn
fékk óvart sendan tölvupóst frá Jóni
Ásgeiri síðla árs 2012 og áframsendi
póstinn á einhvern, eða einhverja,
sem tengdust honum. Á endanum
rataði tölvupósturinn til DV sem gerði
frétt um efni hans.
Maðurinn vill ekki koma fram
undir nafni en honum hefur verið tjáð
að hann hafi verið ákærður í málinu
og þurfi að mæta fyrir dóm til að svara
til saka fyrir að áframsenda tölvupóst­
inn. Pósturinn var sendur á nokkra
einstaklinga sem tengdust Jóni Ásgeiri
og rekstri Iceland­keðjunnar og virð­
ist tölvupóstfang þessa manns, sem
hafði engin tengsl við Jón Ásgeir eða
Iceland, hafa slæðst með fyrir slysni.
Í 47. grein laga um fjarskipti segir,
og má ætla að ákæran byggi á meintu
broti á því lagaákvæði, að sá: „… sem
fyrir tilviljun, mistök eða án sérstakr­
ar heimildar tekur við símskeytum,
myndum eða öðrum fjarskiptamerkj­
um og táknum eða hlustar á símtöl
má ekki skrá neitt slíkt hjá sér eða not­
færa sér það á nokkur hátt. Jafnframt
ber honum að tilkynna sendanda að
upplýsingar hafi ranglega borist sér.
Skylt er að gæta fyllsta trúnaðar í slík­
um tilfellum.“
Tölvupóstur um rekstur Iceland
Í tölvupóstinum ræðir Jón Ásgeir
um fjármögnun matvöruverslunar­
innar Iceland en hún var stofnuð til
höfuðs Bónus og Krónunni. Í opin­
berri umræðu kom fram að Jón Ásge­
ir kæmi ekki að rekstri Iceland­keðj­
unnar. Meðal annars sagði faðir hans,
Jóhannes Jónsson, á Beinni línu DV.is:
„Jón kemur ekki að rekstri Iceland.“
Í umræddum tölvupósti kemur
skýrt fram að Jón Ásgeir stýrði hluta­
fjáraukningu keðjunnar og var hann
í honum að gefa skipanir um hvern­
ig að aukningunni skyldi staðið. Með­
al þess sem Jón Ásgeir sagði í tölvu­
póstinum var að hann væri með
„krosslagða fingur“ um að 160 millj­
ónir króna bærust frá eigendum
Iceland í Bretlandi þann 10. nóvem­
ber 2013. Jón Ásgeir ræddi líka um að
breyta þyrfti samþykktum Iceland­
keðjunnar á Íslandi til að gera ráð fyrir
hinum nýju hluthöfum. Af þessum
tölvupóstsamskiptum að dæma var
alveg ljóst að Jón Ásgeir kom að rekstri
Iceland­keðjunnar.
Spurði en fékk ekki svar
Í samtali við DV segir maðurinn að
hann hafi fengið tölvupóstinn sendan
og í kjölfarið hafi hann svarað og spurt
Jón Ásgeir af hverju hann hefði feng­
ið þennan tölvupóst sendan. Mað­
urinn segir að hann hafi einnig spurt
hvað hann ætti að gera við póstinn,
hvort hann ætti að eyða honum og
svo framvegis. Við þeirri spurningu
fékk hann ekkert svar. Hann segir að
honum hafi fundist dónaskapur að fá
ekki svar við fyrirspurninni sem hann
sendi Jóni Ásgeiri. Hann segir jafn­
framt að þegar hann sendi tölvupóst­
inn frá sér þá hafi markmið hans ekki
verið að hann rataði til fjölmiðla.
Maðurinn er einn ákærður en
Jón Ásgeir kærði fleiri aðila í málinu,
meðal annars Inga F. Vilhjálmsson,
fréttastjóra DV, sem skrifaði fréttina
um málið. Lögreglan felldi niður mál­
ið gegn Inga og öðrum manni sem til
rannsóknar var.
„Lítilsháttar mistök“
Í gegnum tíðina hafa komið upp sam­
bærileg mál á Íslandi þar sem ein­
hver sendir óvart tölvubréf á rangan,
eða ranga, aðila. Þekktasta dæmið er
sennilega af þáverandi þingmanni
Framsóknarflokksins, Bjarna Harðar­
syni, sem óvart sendi póst um Valgerði
Sverrisdóttur á alla fjölmiðla lands­
ins í nóvember árið 2008. Bjarni hafði
ætlað að senda aðstoðarmanni sínum
harðort bréf um Valgerði frá tveim­
ur framsóknarmönnum með það fyr­
ir augum að fá hann til að senda bréf­
ið nafnlaust á alla fjölmiðla landsins.
Umræddur tölvupóstur Bjarna rataði
hins vegar til helstu fjölmiðla lands­
ins.
Bjarni reyndi að lagfæra mistök sín
með því að senda eftirfarandi orð á
fjölmiðla landsins:
„Mér urðu á lítilsháttar mistök
áðan við sendingu á bréfi til aðstoðar­
manns míns.
Bréf þetta sem átti aðeins að
fara milli okkar tveggja lenti óvart á
hópsendingarlista fjölmiðla ég vil því
vinsamlegast fara þess á leit við ykk­
ur að þið eyðið þessu bréfi og nýtið
hvorki efni þess né þessi mistök mín
sem urðu til þess að bréfið rataði rang­
lega í ykkar hendur á nokkurn hátt í
miðlum ykkar.“
Fjölmiðlarnir urðu hins vegar ekki
við þessari beiðni Bjarna og gerðu
fréttir um málið. Bjarni sagði af sér
þingmennsku í kjölfarið.
Engir eftirmálar
Öfugt við mál Jóns Ásgeirs Jóhannes­
sonar höfðu fréttaskrifin um mál
Bjarna ekki þá eftirmála að lögð væri
fram kæra hjá lögreglu á hendur til­
teknum fjölmiðlum og enn síður að
einhver yrði ákærður fyrir brot á lög­
um um fjarskipti. Lögreglan tók mál
Bjarna heldur ekki til rannsóknar hjá
sér af sjálfsdáðum líkt og hún hefði
sjálfsagt heldur ekki gert með mál
Jóns Ásgeirs en ákæruvaldinu ber
hins vegar að taka afstöðu til kæra
sem því berast og er maðurinn þess
vegna ákærður. n
„Skylt er að gæta
fyllsta trúnaðar í
slíkum tilfellum.
Engin kæra Bjarni Harðarson gerði þau mis-
tök í nóvember 2010 að senda einkapóst um
Valgerði Sverrisdóttur á fjölmiðla. Gerðar voru
fréttir úr póstinum þrátt fyrir beiðni Bjarna um
annað en hann aðhafðist ekkert í því.
Mörg nauðgunarmál
Fjölmörg kynferðisbrotamál
koma upp í tengslum við
útihátíðir á ári hverju.
Mynd SrphoTo@frodI.IS
Sýknaður af nauðgunarákæru
Sakaður um kynferðisofbeldi í tjaldi á Þjóðhátíð
H
éraðsdómur Suðurlands
hefur sýknað karlmann sem
ákærður var fyrir nauðgun
á Þjóðhátíð í Vestmanna­
eyjum árið 2012. Var hon­
um gefið að sök að hafa með ofbeldi
þröngvað stúlku til samræðis, rifið í
hár hennar, haldið höndum hennar
niðri, bitið hana í neðri vör og reynt
að setja getnaðarlim sinn í enda­
þarm hennar.
Stúlkan lýsti málsatvikum þannig
að maðurinn hefði löðrungað hana,
elt hana inn í tjald, rifið niður buxur
hennar, tekið harkalega í hár henn­
ar og nauðgað henni. Allan tímann
hafi hún barist um og kallað á hjálp.
Á meðal þeirra sem báru vitni í mál­
inu var læknir sem tók á móti stúlk­
unni á neyðarmóttöku umrædda
nótt. Hann kvaðst ekki muna hvern­
ig andlegu ástandi stúlkunnar hefði
verið háttað, en hún hefði grátið og
verið reið. Líkamlegir áverkar hafi
ekki verið sjáanlegir, en við þreifingu
hafi þó fundist eymsli í hársverði.
Ákærði neitaði sök og hefur allt
frá því að málið kom upp staðið fast
á því að gagnkvæmt samþykki hafi
verið fyrir hendi, enda hafi stúlkan
tekið þátt í samræðinu. Héraðsdóm­
ur Suðurlands taldi að skynsamleg­
ur vafi léki á að ákærði hefði með
ofbeldi þröngvað brotaþola til sam­
ræðis, og sýknaði manninn. n
Sendi óvart póst
á rangan mann Jón
Ásgeir Jóhannesson
sendi óvart tölvupóst
á rangan mann og
hefur þessi maður nú
verið ákærður fyrir að
áframsenda póstinn.
Mynd SIgTryggur ArI
NÝ SENDING AF SÓFASETTUM
Teg. Giulia 3 - 1 - 1 og 3 - 2 - l leður.
Reykjavíkurveg 66 220 Hafnarfirði sími 565 4100