Dagblaðið Vísir - DV - 01.07.2014, Blaðsíða 30

Vikublað 1.–3. júlí 201430 Sport
Hár verðmiði ekki
ávísun á velgengni
n Dýrustu ungu leikmenn sögunnar n Luke Shaw dýrastur n Fleiri United-menn á listanum
L
uke Shaw varð fyrir helgi
dýrasti ungi leikmaðurinn
í sögunni, þegar hann var
keyptur frá Southampton til
Manchester United fyrir 31,5
milljónir punda. Þessi enski vinstri
bakvörður er ein helsta vonarstjarna
Englendinga og lék í vetur frábær-
lega fyrir Southampton. En það að
vera keyptur fyrir metfé, ungur að
árum er ekki ávísun á velgengni, eins
og fram kemur hér fyrir neðan. Það
er hins vegar ekki dónalegt að feta
í fótspor manna á borð við Michael
Laudrup, Dino Baggio, hinn brasil-
íska Ronaldo og Wayne Rooney, sem
allir eiga það sameiginlegt að hafa
verið keyptir á metfé áður en þeir
náðu 20 ára aldri. Hér fyrir neðan eru
tíu dýrustu táningarnir sem keypt-
ir hafa verið í boltanum og mat lagt
á það hvernig þeir hafa staðið sig.
Daily Mail tók listann saman. n
baldur@dv.is / einar@dv.is
1 Wayne Rooney (18 ára)Keyptur: Frá Everton til Manchester
United Ár: 2004 Verð: 25,6 milljónir punda
Rooney sló tóninn strax í sínum
fyrsta leik með þrennu á móti
Fenerbache. Hefur leikið tíu tímabil
með United og hefur alltaf skorað meira en
tíu mörk á leiktíð. Var bestur 2012 þegar
hann skoraði 34 mörk en er enn, þrátt fyrir
nokkra lægð, lykilmaður fyrir United.
2 Javier Saviola (19 ára)Keyptur: Frá River Plate til
Barcelona Ár: 2001 Verð: 24 milljónir punda
Var sex ár í herbúðum Barcelona en var lánaður burt í tvígang. Hann þótti afar efnilegur á sínum tíma en
tókst aldrei að slá í gegn. Frá Barcelona fór
hann til Real Madrid þar sem hann staldraði
stutt við og var að lokum látinn fara á
frjálsri sölu. Leikur með Olympiacos í dag.
3 Marquinhos (19 ára)Keyptur: Frá Roma til PSG Ár: 2013
Verð: 23,5 milljónir punda
Þessi tvítugi leikmaður er
brasilískur miðvörður og spilaði
afar vel á sínu fyrsta tímabili með
Paris Saint Germain. Hefur unnið sér sæti í
brasilíska landsliðinu og gæti orðið risastórt
nafn í boltanum á næstu árum. Afar
hæfileikaríkur ungur knattspyrnumaður.
4 Sergio Ramos (19 ára)Keyptur: Frá Sevilla til Real Madrid
Ár: 2005 Verð: 21 milljón punda
Mikið var gert úr þessum kaupum á
sínum tíma, enda töluverð upphæð
á þeim tíma. Óhætt er að segja að
Ramos hafi staðið fyrir sínu. Hann hefur
leikið meira en 400 leiki fyrir Real Madrid og
verið lykilmaður um langt skeið. Hann
skoraði til dæmis jöfnunarmarkið
mikilvæga gegn Atletico í úrslitaleik
Meistaradeildarinnar á dögunum.
5 Anderson (19 ára)Keyptur: Frá Porto til Manchester
United Ár: 2007 Verð: 18 milljónir punda
Miklar væntingar voru gerðar til
leikmannsins þegar hann kom til
Old Trafford. Það er óhætt að segja
að hann hafi ekki staðið undir þeim.
Anderson var lánaður til Fiorentina í vetur
og stóð ekki heldur undir væntingum þar.
Framtíð hans hjá United er í óvissu.
6 Antonio Cassano (19 ára)Keyptur: Frá Bari til Roma Ár: 2001
Verð: 18 milljónir punda
Roma greiddi ótrúlega fjárhæð fyrir
Cassano enda var hann lygilega
efnilegur þegar hann braust fyrst
fram á sjónarsviðið í ítölsku deildinni.
Staðreyndin er sú að hann stóð aldrei undir
væntingum hjá Roma og lenti upp á kant
við hvern þjálfarann á fætur öðrum. Árið
2006 var hann seldur til Real Madrid fyrir
fjórar milljónir punda.
7 Romelu Lukaku (18 ára)Keyptur: Frá Anderlecht til Chelsea
Ár: 2011 Verð: 17 milljónir punda
Þessi ungi Belgi er enn í hópi
efnilegustu framherja heims. Þó
að þrjú ár séu síðan Chelsea festi
kaup á honum hefur hann ekki enn fengið
tækifæri til að láta ljós sitt skína hjá
Chelsea. Hann hefur staðið sig vel sem
lánsmaður hjá West Brom og Everton en
spurningin er hvort hann muni gagnast
Chelsea á komandi misserum.
8 Alex Pato (17 ára)Keyptur: Frá Internacional til Milan
Ár: 2007 Verð: 17 milljónir punda
Mikið var látið með þennan unga
brasilíska framherja á sínum tíma
þegar Milan klófesti hann árið 2007.
Hann byrjaði ágætlega og skoraði í heildina
63 mörk í 150 leikjum. Meiðsli settu þó strik í
reikninginn og var hann seldur til
Corinthians á síðasta ári fyrir 12 milljónir
punda. Pato tókst ekki að standa undir
þeim væntingum sem til hans voru gerðar.
9 Sergio Aguero (18 ára)Keyptur: Frá Independiente til
Atletico Madrid Ár: 2006 Verð: 16,5 millj-
ónir punda
Aguero lék í fimm ár með Atletico
Madrid og stóð sig frábærlega hjá
félaginu áður en hann var seldur til
Manchester City. Á þessum fimm tímabilum
skoraði Aguero 101 mark og var einn af
mönnunum á bak við sigur þeirra í
Evrópudeildinni 2010. City borgaði 38
milljónir punda fyrir hann árið 2011.
10 John Obi Mikel (19 ára)Keyptur: Frá Lyn til Chelsea Ár:
2006 Verð: 16 milljónir punda
Stuðningsmenn Chelsea skiptast í
tvær fylkingar varðandi Obi Mikel.
Hann hefur vissulega sannað gildi
sitt sé tekið mið af því að hann hefur unnið
ensku úrvalsdeildina, meistaradeildina og
enska bikarinn fjórum sinnum með félaginu.
Chelsea lagði mikið á sig til að klófesta
þennan nígeríska landsliðsmann og
nappaði honum úr greipum Manchester
United á sínum tíma.
Dýrastur Aðeins tíminn mun leiða í ljós hvort Luke Shaw feti í fótspor Wayne Rooney og verði frábær fyrir United eða hvort hann valdi
vonbrigðum eins og Anderson.