Dagblaðið Vísir - DV - 01.07.2014, Síða 20

Útgáfufélag: DV ehf. • Stjórnarformaður: Þorsteinn Guðnason • Ritstjóri: Reynir Traustason • Aðstoðarritstjóri: Ingibjörg Dögg Kjartansdóttir Ritstjórnarfulltrúi: Ingi
Freyr Vilhjálmsson • Umsjónarmaður innblaðs: Viktoría Hermannsdóttir • Umsjónarmaður helgarblaðs: Kristjana Guðbrandsdóttir • Framkvæmdastjóri
og vefstjóri DV.is: Jón Trausti Reynisson • Sölu- og markaðsstjóri: Heiða B. Heiðarsdóttir • Umbrot: DV ehf. • Prentun: Landsprent • Dreifing: Árvakur
Heimilisfang
Tryggvagötu 11
Hafnarhvoli, 2. hæð
101 Reykjavík
FRéttASkot
512 70 70FR jál S t, ó Háð DAg b l Að DV áskilur sér rétt til að birta aðsent efni blaðsins á stafrænu formi og í gagnabönkum án endurgjalds. Öll viðtöl blaðsins eru hljóðrituð. Notkun á efni blaðsins er óheimil án samþykkis.
512 7000
512 7010
512 7080
512 7050
AðAlnÚmeR
RitStjóRn
áSkRiFtARSími
AUglýSingAR
Sandkorn
20 Umræða Vikublað 1.–3. júlí 2014
Ég er gallaður Ég læt ekki beita
mig þrýstingi
Magnað hvað fólk getur
nagað og nöldrað
Illskiljanlegur og úreltur framsóknarandi
Hilmir Snær leikari um heiðarleika og glansmyndir. – DV Jónína Ben sem ætlar ekki í pólitík. – DV Fjölnir Þorgeirsson um áhuga annarra á lífi hans. – Facebook
Á
ætlaður flutningur Fiskistofu
frá Reykjavík til Akureyrar
er illskiljanleg ákvörðun hjá
ráðherrum Framsóknar­
flokksins. Sjálfstæðismenn
virðast líka eiga í erfiðleikum með að
skilja ákvörðunina, enda stenst hún
ekki og er enn sem komið óútskýrð.
Til hvers að flytja ríkisfyrirtæki frá
stað A (Reykjavík) á stað B (Akureyri)
og bjóða starfsmönnunum að halda
störfum sínum? Jú, af því Sigmundur
Davíð Gunnlaugsson og Sigurður Ingi
Jóhannsson geta flutt Fiskistofu frá
Reykjavík til Akureyrar og þeim þykir
það jákvætt og gott í sjálfu sér ef starf­
semi ríkisins færist í auknum mæli frá
Reykjavík og til landsbyggðarinnar.
Eiginlega hafa þeir báðir viður­
kennt að ástæðurnar fyrir þess­
um flutningi séu ekki flóknari en
þetta. Sigurður Ingi mun hafa sagt
starfsmönnum Fiskistofu að „það
væri í anda stefnu ríkisstjórnarinn­
ar að flytja störf út á landsbyggðina“
og Sigmundur Davíð sagði í þjóð­
hátíðarræðu sinni að ríkisstjórnin
vildi efla landsbyggðina: „Þegar við
hugsum um framfarir á Íslandi, fólks­
fjölgun, uppbyggingu innviða, bætt
kjör og velferð, fjárfestingu, atvinnu­
tækifæri og þjónustu við íbúana hljót­
um við öll að vilja að þær framfarir nái
til landsins alls.“ Það þarf ekki meira
til: Ef markmiðið er að efla lands­
byggðina og „búa“ til störf þar þá
helgar tilgangurinn meðal.
Þetta virðist vera byggðastefna
Framsóknarflokksins, hið nýja kjör­
dæmapot: Að flytja 70 störf frá A til
B án sýnilegrar ástæðu annarrar en
þeirrar að þetta sé í „anda stefnu rík­
isstjórnarinnar“. En kannski er hún
ekkert svo ný: Framsóknarflokkur
Halldórs Ásgrímssonar færði Íbúða­
lánasjóð að hluta til Sauðárkróks og
alls kyns opinberum verkefnum var
útvistað í Skagafjörðinn. Lendingin
í málinu verður örugglega sú að
fáir starfsmenn Fiskistofu í Reykja­
vík munu flytjast hreppaflutningum
með stofnuninni norður í land. Fólk
þarf að taka tillit til ýmissa hagsmuna
eins fjölskyldu og vina, það á jafnvel
fasteign eða er með bundinn leigu­
samning, sem það þarf að taka tillit
til áður en það getur elt starf þvert yfir
landið. Fyrir vikið mun ríkisstjórn­
inni ekki aðeins hafa tekist að flytja
Fiskistofu til Akureyrar heldur einnig
væntanlega búa til tugi nýrra starfa
fyrir Akur eyringa á Akureyri þar sem
starfsmennirnir munu ekki flytja með
stofnuninni.
Málið myndi horfa allt öðruvísi
við ef ríkisstjórnin væri að beita sér
fyrir því að komið yrði á fót atvinnu­
skapandi starfsemi á Akureyri sem
hefði í för með sér sköpun nýrra
starfa. Hér er hins vegar bara verið
að færa stofnun frá bæ á suðvestur­
horninu og yfir í bæ á Norðurlandi.
Sú ákvörðun er vitanlegra einfaldari
og krefst minni vinnu en að búa til
ný störf á nýjum vettvangi fyrir fólk á
Akureyri sem vantar vinnu.
Kannski er niðurstaðan hins
vegar sú sama: Sigmundur Davíð
og Framsóknarflokkurinn kaupa
sér stuðning og hylli íbúa á lands­
byggðinni, sérstaklega á Akureyri og
Norðausturlandi í þessu tilfelli, með
því að „búa“ til „ný“ störf í héraði og
einhverjir kunna að líta á þetta sem
æskilega byggðastefnu. Þá er kannski
ekki spurt að því að hvort tugir starfs­
manna í Reykjavík missi vinnuna
fyrir vikið eða ekki enda skiptir það
ekki máli þegar markmið Fram­
sóknarflokksins er að styðja og efla
landsbyggðina.
Sömu sjónarmið myndu að
sjálfsögðu eiga við ef ríkisstjórn­
in hefði tekið ákvörðun að færa
starfsemi Fiskistofu frá Akureyri til
Reykjavíkur, ef hún væri á fyrrnefnda
staðnum, án þess að geta gefið al­
mennilega skýringu á því. Af hverju
væri það gott í sjálfu sér, án annarrar
ástæðu, að flytja störf frá Akureyri til
Reykjavíkur?
Flutningur Fiskistofu virðist
snúast um það eitt að það er í anda
pólitíkur Framsóknarflokksins að
vilja færa störf frá Reykjavík til lands­
byggðarinnar. Öðrum ástæðum virð­
ist ekki til að dreifa ef marka má svör
Sigurðar Inga Jóhannssonar um
ákvörðunina. Þessi andi er hvorki
skiljanlegur né skynsamlegur en
hann er vinsælda­ og atkvæðaskap­
andi fyrir Framsóknarflokkinn. Ætli
það sé ekki nóg.
Á sama tíma viðheldur Fram­
sóknarflokkurinn þessari ótrúlega
hvimleiðu togstreitu á milli „borgar­
innar“ á suðvesturhorninu og „lands­
byggðarinnar“. Þau mælskubrögð
Framsóknarflokksins eru hvimleið
og þreytandi; landið er ekki og má
ekki verða ein heild þar sem hugað
er að heildarhagsmunum. Stjórnmál
snúast um hagsmunabaráttu á milli
Reykvíkinga og landsbyggðarfólks og
tekur Framsóknarflokkurinn stöðu
með þeim síðarnefndu eins og þessir
hópar séu stríðandi fylkingar en ekki
ein heild.
Kannski verður það eitt af lykil­
atriðunum í íslenskum stjórnmálum
á 21. öldinni að reyna að breyta
þessum hugsunarhætti. Kjördæma­
potið er innbyggt og inngróið í ís­
lensk stjórnmál, og ekki bara í
Framsóknarflokknum, eins og Ár­
bótarmálið sýndi okkur fram á, þó
það sé lífseigast þar. Tilvera Fram­
sóknarflokksins gengur ennþá út
á það að hluta að viðhalda þessari
gömlu og úreltu spennu á milli bæj­
anna á suðvesturhorninu og annarra
þétt­ og dreifbýlisstaða í landinu.
Flutningurinn á Fiskistofu er bara
enn ein birtingarmyndin á þeirri
staðreynd. Það er ekkert jákvætt við
þessa byggðastefnu heldur er hún
þvert á móti neikvæð. n
Jón Ásgeir og
Jónínupóstur
Jón Ásgeir Jóhannesson hefur
sannarlega átt viðburðaríkan fer­
il og komið að einu og öðru sem
fréttnæmt hefur
verið. Fréttablaðið
hans var í miðju
Baugsmálsins þar
sem meðal annars
birtist safaríkur
tölvupóstur milli
Styrmis Gunnars-
sonar og Jónínu Benediktsdóttur.
Umræddur tölvupóstur var tek­
inn ófrjálsri hendi frá Jónínu,
samkvæmt því sem hún sjálf
segir, og birtist svo í Fréttablað­
inu og renndi stoðum undir sam­
særiskenningar forsvarsmanna
Baugs. Nú hefur Jón Ásgeir fengið
mann ákærðan á grundvelli kæru
fyrir að áframsenda tölvupóst
sem hann fékk og þykir saman­
burðurinn við Jónínumálið nokk­
uð vandræðalegur.
Ástæða „leifturárásar“
Fréttin um flutning Fiskistofu
hefur vakið mikla athygli. Margir
spyrja sig nú að því hvort búið
sé að segja alla
söguna í málinu
eða hvort Sigurður
Ingi Jóhannsson og
Sigmundur Davíð
Gunnlaugsson hafi
ekki sagt hvaða
ástæður liggi
á bak við ákvörðunina. Starfs­
fólk Fiskistofu sendi frá yfirlýs­
ingu í gær þar sem talað var um
„leiftur árás“ ríkisstjórnarinnar
gegn stofnuninni. Eitt af því sem
menn velta fyrir sér er hvort verið
sé að refsa starfsmönnum Fiski­
stofu fyrir að stíga á rangar tær
en stofnunin sér meðal annars
um ýmiss konar eftirlit með fisk­
veiðum.
Stefán trúverðugur
Stefán Eiríksson hefur átt farsælan
feril sem lögreglustjóri á höfuð­
borgarsvæðinu og má segja að
hann hafi verið
lítt umdeildur.
Nú ætlar Stef­
án hins vegar að
söðla um og hefur
sótt um starf for­
stjóra Samgöngu­
stofu. Stefán hefur
einnig verið skipaður formað­
ur nefndar sem meta á hæfni
umsækjenda um starf seðla­
bankastjóra og má segja að skip­
un hans ljái nefndinni trúverð­
ugleika. En talað hefur verið um
að tilgangurinn með því að aug­
lýsa starfið sé að losna við Má Guð-
mundsson þar sem ríkisstjórnin
hafi pólitískt horn í síðu hans.
Sigurður fyrirsjáanlegur
Sigurður G. Guðjónsson hæstaréttar­
lögmaður hefur í gegnum árin
skrifað marga pistla á Pressuna
þar sem hann ver
menn sem eru til
rannsóknar hjá
embætti sérstaks
saksóknara og
gagnrýnir emb­
ættið. Lögmað­
urinn er verjandi
nokkurra manna sem embættið
hefur haft til rannsóknar og er
því skýr hagsmunaaðili. Pistlarn­
ir hans eru því afar litaðir af hags­
munum og þess vegna er skrítið
að hann haldi áfram að skrifa þá
þar sem flestir sjá í gegnum hann.
Nýjasti skotspónn Sigurðar er vef­
miðillinn Kjarninn sem fjallað hef­
ur með gagnrýnum hætti um sak­
borninga hrunsins.
Ingi Freyr Vilhjálmsson
ingi@dv.is
Leiðari „Það er ekkert
jákvætt við þessa
byggðastefnu heldur er
hún þvert á móti
neikvæð.
Svarthöfði
Hver verður næsti Sith-lávarður Íslands?
K
æri Davíð. Svarthöfði er
áhyggjufullur þessa dagana
þar sem alvarlegt tómarúm er
að skapast í stjórnmálum á Ís­
landi. Þú ert helsti Sith­lávarður Ís­
lands, en brátt ferð þú á eftirlaun og
enginn sýnilegur kandídat virðist
geta tekið við af þér.
Nokkrir hafa komið til greina frá því
að þú steigst af valdastól, en Svarthöfði
hefur afskrifað þá hvern af öðrum eft­
ir miður skemmtilegar uppákomur.
Enginn virðist hafa það sem til þarf;
vægðarleysi, metnað, ást á Íslending­
um og samstöðu, og orðheppni.
Í stuttan tíma kom Bjarni Bene­
diktsson til greina. Það kom hins
vegar fljótlega í ljós að hann skortir
flest það sem einkennir góðan Sith­
lávarð. Svarthöfði hefur heyrt að
hann sé samvinnuþýður og komi vel
fram við aðra þingmenn, að hann
stundi aumingjadýrkun í laumi, og
svo er hann einfaldlega alltof mik­
ill uppi. Hann getur í besta falli talist
í meðallagi orðheppinn og svo fór
hann að gráta í ræðustól, eitthvað
sem þú, minn kæri Davíð, hefur
aldrei gert.
Krúttbangsinn
Sigmundur Davíð kom líka til greina.
Hann virtist hafa metnaðinn, ákveðið
vægðarleysi og hann elskar svo
sannarlega Íslendinga og samstöðu.
En fljótlega sá Svarthöfði að Sig­
mundur Davíð verður aldrei neinn
Sith­lávarður, þótt að þú minn kæri
Davíð, hafir reynt að kenna honum
listina bæði leynt og ljóst. Birtingar­
mynd ástar hans á Íslandi gaf strax
til kynna að hann er einhvers kon­
ar machiavelískur krúttbollubangsi,
ekki Sith­lávarður.
„Íslenski kúrinn?“ spurði
Svarthöfði vantrúaður og með
hneykslunarsvip er hann las um
megrunaráform núverandi for­
sætisráðherra.
Glansmyndin
um Darth Sig­
mundus
hrundi
eins og
spilaborg.
Alvöru
Sith­lá­
varður reyn­
ir ekki að
fara í megrun og lætur alla vita af því.
En síðasti naglinn í kistu Sith­ferils
Sigmundar var þó óneitanlega þegar
hann lét Gísla Martein taka sig í bak­
aríið.
Ferskur andblær
Nýverið steig síðan annar kandídat
fram á sjónarsviðið. Svarthöfði kom
auga á vægðarleysi og metnað sem
aðeins þú, kæri Davíð, hefur sýnt
opin berlega. Hanna Birna sparkaði í
hælisleitanda, alveg eins og þú hefur
gert í leiðurum í Mogganum.
Það er andstaðan við
aumingjadýrkun.
Svarthöfði
fann ferskan
andblæinn í ís­
lenskum stjórn­
málum og
um leið þurfti
Svarthöfði að takast
á eigin karlrembu,
sem hafði dulist
honum öll þessi
ár. „Getur það
verið að kona
sé næsti Sith­
lávarður Ís­
lands?“ spurði
Svarthöfði
sig. Hans
litla hjarta gladdist því hann eygði
vonarglætu. „Kannski að framtíðin
á Íslandi verði ekki full af „sam­
ræðustjórnmálum“ og pólitískt réttri
froðu,“ hugsaði Svarthöfði.
Vonarstjarnan
Yfirlýsingar Hönnu Birnu eru líka
efni til mikilla væntinga. Hún vill
stytta málsmeðferðartíma hælisleit­
anda; koma upp skilvirku færibandi
þar sem hægt er að senda þetta
útlendingahyski úr landi aðeins 90
dögum eftir að það stígur hér nið­
ur fæti. Það væri náttúrlega hrein
snilld. Vonarstjarnan verður þó að fá
að blómstra. Í Hönnu Birnu lifir lítið
Sith­blóm sem þarf að hlúa vel að,
ef hún á að verða arftaki þinn, elsku
Davíð.
Vandamál okkar er því enn til
staðar, Davíð minn kæri. Við þurf­
um að finna arftaka áður en þú ferð á
eftirlaun. Það er ýmislegt í stöðunni.
Svarthöfða líst best á að hafa eins
konar „stjörnuleit“, þar sem næsti
Sith­lávarður Íslands verður fundinn
með því að láta fjölmarga keppendur
spreyta sig í hinum ýmsu þrautum.
Það væri til dæmis hægt að láta þá
stela ís af barni eða sparka í hunda,
en þetta er allt bara á hugmyndastigi.
Vertu í bandi! n