Dagblaðið Vísir - DV - 13.09.2013, Blaðsíða 12

Gómaður
níu sinnum
Það sem af er árinu hafa samtals
149 akstursbrot, þar sem öku­
menn voru undir áhrifum fíkni­
efna, verið skráð hjá lögreglunni
á Suðurnesjum. Þetta er sam­
kvæmt bráðabirgðatölum emb­
ættisins. Í tilkynningu kemur
fram að þetta sé umtalsvert meira
en á sama tímabili árið 2012, því
þá voru 89 brot skráð. Þarna er
því um 67 prósenta aukningu að
ræða milli árshluta. Alls voru 154
brot af þessu tagi skráð hjá emb­
ættinu allt árið 2012.
„Tekið skal fram að fjöldi brota
segir ekki alla sögu um fjölda
brotlegra ökumanna, því sumir
þeirra hafa ítrekað brotið af sér.
Sem dæmi má nefna að sami
öku maður hefur verið tekinn níu
sinnum fyrir fíkniefnaakstur og
annar sjö sinnum. Þeir óku báðir
sviptir ökuréttindum.
Lögreglan á Suðurnesjum tók
á síðasta ári þá ákvörðun að fara í
átak gegn þeim vágesti sem fíkni­
efnin eru. Verður þeirri baráttu
haldið áfram af fullum þunga í
umdæminu eftir því sem fjár­
munir embættisins leyfa,“ segir
lögreglan á Suðurnesjum í til­
kynningu.
Húsaleiga
verði á viðráð-
anlegu verði
Efla þarf leigumarkaðinn og
fjölga valkostum heimilanna í
húsnæðismálum. Þetta er mat
Neytendasamtakanna sem fjalla
um aðstæður á leigumarkaði hér
á landi. Eins og margoft hefur
komið fram er mikill skortur á
leiguhúsnæði og hefur húsaleiga
hækkað samhliða því.
„Neytendasamtökin hafa
ítrekað kallað eftir auknu fram­
boði á leiguhúsnæði á viðráðan­
legum kjörum. Þannig kallaði
þing Neytendasamtakanna
sem haldið var á haustdögum
2010 eftir því að leigumarkað­
urinn yrði efldur og að valkostir
heimilanna í húsnæðismálum
yrðu fleiri en nú er,“ segir á vef
Neytendasamtakanna og tekið
fram að sambærileg krafa hafi
verið samþykkt á þingi samtak­
anna sem haldið var fyrir um
ári. Þar var meðal annars bent
á að eftir efnahagshrunið 2008
ráði stórir hópar fólks hvorki
við markaðsleigu á húsnæði
né greiðslubyrði sem byggist á
markaðskjörum.
„Afar rík þörf er á því að
leigjendum standi til boða ör­
uggt langtímaleiguhúsnæði á
viðráðan legum kjörum. Ekki
verður annað séð en vilji stjórn­
valda, og allra flokka, standi til
þess að gera leigu að raunhæfum
valkosti en því miður hefur ekk­
ert enn gerst í þessum efnum.
Því ítreka Neytendasamtök­
in þessa kröfu sína og ætlast til
að stjórnvöld, bæði ríkisvaldið
og sveitarfélög, bretti nú upp
ermarnar og láti verkin tala. Þörf­
in er alla vega gríðarleg,“ segja
Neytendasamtökin á vef sínum.
n Fyrrverandi landsliðsmaður segir gistiheimili útlendinga í góðu standi
É
g skulda Orkuveitunni ekki
krónu og hef aldrei gert,“ segir
Róbert Þór Sighvatsson, fyrr­
verandi landsliðsmaður í
handbolta, í samtali við DV.
Róbert er einn eigenda Umboðs­
verslunarinnar Vista ehf. Félagið
var skráður eigandi húsnæðisins
við Hamraborg 7 í Kópavogi, þegar
rafmagn var tekið þar af í þrjá sól­
arhringa í síðustu viku. Eins og DV
greindi frá í upphafi viku voru hjón
með nýfætt barn á meðal þeirra
sem lentu í rafmagnsleysinu. RÚV
greindi síðar frá því að herbergin í
húsinu hefðu ekki verið samþykkt
sem íbúðarhúsnæði. Róbert seg­
ir ekkert að húsinu sem sé á „hótel
standard“, eins og hann orðar það.
Rúmlega 70 manns, þar á með­
al barnafjölskyldur, búa í 30 fer­
metra herbergjum í þessu verslun­
arhúsnæði sem hefur verið breytt
í einhvers konar gistiheimili. Ljós­
móðir sem kom í húsið til að að­
stoða hjón með nýfætt barn sagðist
í samtali við DV aldrei hafa séð ann­
að eins: „Ég hef heimsótt hundruð
fjölskyldna og hef bara aldrei séð
neitt í líkingu við þetta. Ég var bara
gráti nær. Fólk er að borga morðfjár
fyrir að búa við fáránlegar og öm­
urlegar aðstæður.“ Róbert vísar á
fyrri eigendur sem hafi ekki staðið í
skilum við Orkuveituna.
„Húsið á hótel standard“
Róbert þvertekur fyrir að húsið sé
óíbúðarhæft. „Þetta er eitt besta
sprinkler­kerfið sem er í húsinu, og
það er á hótel standard,“ segir hann.
Þar vísar hann til úðakerfisins í hús­
inu sem hann segir af bestu gerð.
„Það eina sem vantaði voru fjögur
slökkvitæki, reykskynjari og einn
þröskuldur.“ Hann staðhæfir að
búið sé að laga þetta.
Arna Schram, upplýsinga­
fulltrúi Kópavogsbæjar, staðfest­
ir að húsnæðið í Hamraborg 7 sé
ekki ólöglegt, í skilningi laganna.
„Byggingarnefnd samþykkti árið
2008 ósk um að þar mætti vera gisti­
heimili. Sú samþykkt er enn í gildi,“
segir Arna í skriflegu svari við fyrir­
spurn DV. Hún segir húsið ekki vera
talið heilsuspillandi, „nema þá daga
sem var rafmagnslaust.“
Til skoðunar að loka húsinu
Í svari Örnu Schram kemur þó
fram að slökkviliðið hafi ítrekað
gert athugasemdir við brunavarn­
ir í húsinu. Bætt hafi verið úr því á
árunum 2011 og 2012. Í ár hafi þau
mál síðan aftur verið vanrækt af
hálfu húseiganda:
„Til dæmis lokast ekki hurðir í
stigagöngum sjálfkrafa. Slökkviliðið
hefur því aftur óskað eftir úrbótum
og kom til skoðunar síðsumars að
loka húsinu. Eigendaskipti eru að
verða og hefur nýr aðili lofað úr­
bótum. Fylgst verður vel með því að
það gangi eftir.“
Róbert gefur lítið fyrir þetta og
spyr hvort eigendur slíkra húsa fái
ekki alltaf einhverjar athugasemd­
ir?
Ábyrgð eigenda
Róbert vísar á fyrri eigendur, Eidel
ehf., varðandi rafmagnsleysið, og
segir að þeir hafi ekki staðið í skil­
um við Orkuveituna. Orkuveitan
hefur staðfest að ekki hafi verið um
vanskil að ræða hjá Umboðsversl­
uninni Vista heldur uppgjör vegna
kaupa þeirra á húseigninni Hamra­
borg 7 af Eidel ehf.
„Orkureikningur Vista er hvergi í
vanskilum eða neitt. Hvort að fyrri
eigendur eru í vanefnd eða ekki,
það eru þeir sem þurfa að bera
ábyrgð á því. Þannig að þetta snertir
mig og mitt fyrirtæki ekki neitt,“ seg­
ir Róbert.
Í skriflegu svari frá Eiríki
Hjálmars syni, upplýsingafulltrúa
Orkuveitunnar, við fyrirspurn DV,
segir að það sé á ábyrgð eigenda
hverju sinni að réttur notandi sé
skráður fyrir notkuninni hverju
sinni. „Þetta þýðir að hafir þú keypt
húsnæði án þess að láta OR vita að
nýr greiðandi orkureikninga sé til
kominn, gæti komið til lokunar.“
Fyrrverandi eigandi tengdur
smyglmáli
Af þessu má vera ljóst að Umboðs­
verslunin Vista og Eidel hafa van­
rækt þá skyldu sína að skrá réttan
notanda, með þeim afleiðingum
að íbúar hússins bjuggu við raf­
magnsleysi í þrjá daga. Samkvæmt
upplýsingum frá Orkuveitunni eru
eigendur húsnæðis látnir vita um
yfir vofandi lokun á rafmagn með
hálfs mánaðar fyrirvara. Róbert
kannast ekki við að hafa fengið
viðvörun frá Orkuveitunni og vísar
á fyrri eigendur hjá Eidel.
Athafnamaðurinn Sigurð­
ur Hilmar Ólason er fram­
kvæmdastjóri Eidel ehf. en hann
situr einnig í stjórn félagsins. Tölu­
vert hefur verið fjallað um Sigurð
Hilmar í fjölmiðlum en hann hlaut
þriggja ára dóm fyrir aðild að smygli
á þrjátíu kílóum af hassi til landsins
árið 2001. Ekki náðist í Sigurð við
vinnslu þessarar fréttar þrátt fyrir ít­
rekaðar tilraunir.
Tíð eigendaskipti
Eins og DV greindi frá á mánu­
daginn áttu íbúar erfitt með að ná
í eigendur enda hafa eigendaskipti
verið tíð síðustu mánuði. Róbert
og félagar hjá Umboðsversluninni
keyptu húsið af Eidel ehf. í sum­
ar og seldu það í vikunni til félags­
ins Golden Circle Apartments ehf.,
en samkvæmt upplýsingum úr fyr­
irtækjaskrá var kaupsamningi þing­
lýst í vikunni. n
Segir húsið í lagi Sigurður Þór Sighvatsson, nú fyrrverandi eigandi húsnæðisins, segir það
vera í fínu standi.
Átti að loka húsinu
Slökkviliðið gerði
athugasemdir við
brunavarnir í húsinu
og til skoðunar kom að
loka því. Mynd SigTryggur Ari
Barnafjölskyldur í herbergjum Rúm-
lega 70 manns búa í herbergjum hússins
sem eru 30 fermetrar. Þeirra á meðal eru
barnafjölskyldur. Mynd: dV eHF / SigTryggur Ari
12 Fréttir 13.–15. september 2013 Helgarblað
Hamraborg 7 er á
„hótel standard“
Jón Bjarki Magnússon
blaðamaður skrifar jonbjarki@dv.is