Dagblaðið Vísir - DV - 13.09.2013, Qupperneq 21

E
f Noregur vinnur ekki
Slóveníu á útivelli í næstsíð-
ustu umferð riðlakeppninn-
ar fyrir HM í knattspyrnu á
næsta ári, verður sú staða
uppi að Noregur á ekki möguleika
á að ná öðru sætinu í riðlinum
þegar þeir mæta Íslendingum í
lokaumferðinni í Ósló 15. október.
Þetta er að því gefnu að Ísland
vinni Kýpur á Laugardalsvelli 11.
október. Ef leikirnir spilast á þenn-
an veg hafa Norðmenn að engu að
keppa þegar þeir taka á móti Ís-
lendingum.
Ísland tyllti sér í annað sæti E-
riðils í riðlakeppni fyrir HM í Bras-
ilíu á næsta ári með góðum sigri á
Albaníu fyrir fullum Laugardals-
velli á þriðjudagskvöld. Leiknum
lauk með 2–1 sigri – sigri sem
gæti reynst ákaflega þýðingarmik-
ill þegar upp er staðið. Noregur
tapaði á sama tíma fyrir Sviss og
missti þar með Íslendinga fram úr
sér, eins og Albanir. Öll liðin eiga
eftir að spila tvo leiki áður en úr-
slitin liggja fyrir. Vinni Ísland báða
leikina er ekkert sem kemur í veg
fyrir að Ísland tryggi sér annað
sætið í riðlinum, hið minnsta, og
tvo umspilsleiki gegn annarri þjóð
sem hafnaði í öðru sæti, um sæti
á HM í Brasilíu. Forvitnilegt er að
velta fyrir sér öðrum möguleikum
sem í stöðunni eru. Enn geta öll
iðin í riðlinum, nema Kýpur, hafn-
að í öðru sæti riðilsins.
Eins og sjá má eru afar margir
möguleikar í stöðunni. Það helgast
af því hversu jafn riðilinn er á þess-
um tímapunkti. Næstneðsta liðið
(Albanía) á enn möguleika á um-
spilssæti, ef öll úrslit falla því í hag.
Sviss á sigurinn í riðlinum hins
vegar vísan. Þeir þurfa einn sigur
enn til að tryggja sér efsta sætið í
riðlinum og beinan þátttökurétt í
Brasilíu. Enn geta þó bæði Ísland
og Slóvenía náð Sviss að stigum.
Athygli vekur að Íslandi nægir
hugsanlega eitt stig í viðbót til að
hafna í öðru sæti riðilsins, ef önnur
úrslit verða liðinu hagstæð. En það
ekki er sama hvaðan það stig kem-
ur – Ísland þarf jafntefli við Nor-
eg, hið minnsta. Það stig þarf þá að
nást Noregi. Á hinn bóginn er ekki
víst að fjögur stig nægi, ef önn-
ur úrslit fara á versta veg. Hér fyr-
ir neðan má sjá hvaða möguleikar
eru í stöðunni fyrir Ísland. n
Sport 21Helgarblað 13.–15. september 2013
Staðan í E-riðli
Leikir U J T Mörk Stig
Sviss 8 5 3 0 14:5 18
Ísland 8 4 1 3 14:14 13
Slóvenía 8 4 0 4 11:10 12
Noregur 8 3 2 3 9:9 11
Albanía 8 3 1 4 8:9 10
Kýpur 8 1 1 6 4:13 4
Leikir sem eru eftir
n 11. okt. Slóvenía – Noregur
n 11. okt. Albanía – Sviss
n 11. okt. Ísland – Kýpur
n 15. okt. Noregur – Ísland
n 15. okt. Sviss – Slóvenía
n 15. okt. Kýpur – Albanía
Eitt stig gæti dugað liðinu
n Svona eru möguleikar Íslands n Sigur og jafntefli ekki endilega nóg
Átta möguleikar í stöðunni
1 Ísland vinnur Kýpur og Noreg
Stig í riðlinum: 19
Ekkert getur komið í veg fyrir að Ísland nái
að minnsta kosti öðru sæti riðilsins. Sviss
þarf að tapa tveimur síðustu leikjunum
sínum (gegn Albaníu úti og Slóveníu
heima) til að Ísland nái efsta sætinu.
2 Ísland vinnur Kýpur en gerir jafntefli við Noreg
Stig í riðlinum: 17
Þetta gæti nægt Íslandi ef önnur úrslit
verða hagstæð. Aðeins Slóvenía getur
náð Íslandi að stigum. Slóvenía þarf bæði
að vinna Noreg á heimavelli og Sviss á
útivelli. Þá hefur Slóvenía 18 stig þegar
upp er staðið.
3 Ísland vinnur Kýpur en tapar fyrir Noregi
Stig í riðlinum: 16
Þetta gæti nægt Íslandi. Ísland þarf að
treysta á að bæði Noregur og Slóvenía
tapi stigum í tveimur síðustu leikjunum.
Þjóðirnar mætast innbyrðis svo ljóst er að
önnur þjóðin, hið minnsta, tapar stigum.
Vinni önnur þjóðin báða leikina (Slóvenía
vinnur Noreg og Sviss eða Noregur vinnur
Slóveníu og Ísland) missir Ísland af öðru
sætinu. Einnig skal haft í huga að Albanía
getur með því að vinna Sviss og Kýpur
náð 16 stigum í riðlinum eins og Ísland. Ef
hvorki Slóvenía né Noregur nær 16 stigum
ræður markatala því hvort Albanía eða
Ísland kemst í umspil. Fyrir leikina á Ísland
eitt mark á Albaníu.
4 Ísland tapar fyrir Kýpur en vinnur Noreg
Stig í riðlinum: 16
Slóvenar geta með jafntefli og sigri (gegn
Noregi og Sviss) náð jafn mörgum stigum
og Íslendingar. Þá ræður markatalan
röðinni. Albanía getur einnig náð 16
stigum með tveimur sigrum (gegn Sviss
og Kýpur).
5 Ísland gerir jafntefli við Kýpur og Noreg
Stig í riðlinum: 15
Ísland getur komist áfram ef Noregur
og Slóvenía gera jafntefli í sínum leik og
Slóvenía vinnur ekki Sviss í lokaleiknum.
Þá má Albanía ekki vinna báða sína leiki
(gegn Sviss og Kýpur).
6 Ísland tapar fyrir Kýpur og gerir jafntefli við Noreg
Stig í riðlinum: 14
Það er hugsanlegt að Ísland komist áfram.
Til þess þurfa önnur úrslit að vera Íslandi
í hag. Noregur og Slóvenía þurfa að gera
jafntefli og Slóvenía má ekki fá stig á
móti Sviss í lokaleik sínum. Ef Slóvenía
gerir jafntefli við Sviss þá eru Ísland og
Slóvenía jöfn að stigum. Slóvenar verða
þá með hagstæðara markahlutfall. Þá má
Albanía ekki vinna báða sína leiki.
7 Ísland gerir jafntefli við Kýpur og tapar fyrir
Noregi
Stig í riðlinum: 14
Ísland kemst ekki í umspil, sama hvernig
aðrir leiki spilast. Noregur myndi alltaf
hafna ofar en Ísland, í það minnsta á
markatölu.
8 Ísland tapar bæði fyrir Kýpur og Noregi
Stig í riðlinum: 13
Ísland kemst ekki í umspil, sama hvernig
aðrir leiki spilast.
Baldur Guðmundsson
blaðamaður skrifar baldur@dv.is
Eitt stig gæti nægt Verði öll
úrslit hagstæð gæti eitt stig nægt
til þess að Ísland nái öðru sæti
riðilsins. Mynd Sigtryggur Ari
Vissir þú …
… að Ísland væri aðeins með
átta stig ef hálfleikstölur
réðu úrslitum.
… að Sviss hefur ekki
fengið á sig mark á
útivelli í keppninni.
… að Ísland hefur skorað
sex mörk í fyrri hálfleik í
keppninni en átta í þeim
síðari.
… að Robin van Persie og
Edin Dzeko eru markahæstir í
riðlakeppninni. Þeir hafa skor-
að átta mörk hvor. Ísraelinn
Tomer Hemed er með sex mörk
í aðeins fjórum leikjum.
… að Ísland er með eitt mark í plús á
útivelli en eitt í mínus á heimavelli.
… að 21 leikmaður hefur komið við sögu
í leikjum Íslands í keppninni. Þeir hafa
fengið 21 gult spjald og eitt rautt.
… að aðeins Birkir Bjarnason, Ragnar
Sigurðsson og Hannes Hallórsson hafa
spilað alla leikina.
góðir í sókninni
Eiður Smári og
Jóhann Berg hafa
spilað vel í keppninni
fyrir Íslands hönd.
Háar sektir
Háar sektir verða lagðar á þau
körfuknattleikslið sem tefla fram
ólöglegum leikmönnum í leikj-
um í deildar- og bikarkeppnum á
vegum sambandsins á komandi
keppnistímabili. Sektin nemur
250 þúsund krónum. Þetta kem-
ur fram á vef Körfuknattleiks-
sambandsins en félagslið munu
væntanlega forðast í lengstu lög
að brjóta reglurnar. Efstu deildir
kvenna og karla hefjast 9. og 10.
október.
Löglegt en sið-
laust
Dómsmáli sem snerist um félaga-
skipti Veigars Páls Gunnarssonar
frá Stabæk til Vålerenga árið 2011
er lokið. Stabæk lá undir ámæli
fyrir vafasama viðskiptahætti í
tengslum við söluna. Félagið hafði
áður keypt leikmanninn af Nancy
í Frakklandi árið 2009 og samdi á
þeim nótum að Nancy fengi helm-
ing kaupverðsins ef Stabæk seldi
Veigar Pál síðar.
Norsku félögin sömdu um
að kaupverðið fyrir Veigar Pál
yrði lágt en að Vålerenga fengi
forkaups rétt á sextán ára leik-
manni hjá Stabæk. Fyrir það
greiddi Vålerenga miklu hærri
upphæð. Stabæk þurfti þannig
ekki að standa skil á hárri greiðslu
til Nancy – sem taldi á sér brotið.
Forráðamenn Stabæk voru sýkn-
aðir á fimmtudag. Ekki taldist
sannað að Stabæk hefði hlunnfar-
ið Nancy. „Ég segi ekki að það hafi
verið svindl í gangi en þetta var
siðlaust,“ hefur RÚV eftir Veigari
Páli.
Ísland upp um
sextán sæti
Góður árangur Íslands gegn Sviss
og Albaníu í undankeppni HM
varð til þess að Ísland stökk upp
um 16 sæti á styrkleikalista FIFA,
Alþjóðaknattspyrnusambands-
ins. Ísland var í 70. sæti listans í
ágúst en á nýjum lista sem gef-
inn var út á fimmtudag er Ísland
í 54. sæti. Fyrir neðan Ísland eru
nokkrar ágætar knattspyrnuþjóð-
ir á borð við Írland, Kamerún,
Suður-Kóreu og Pólland sem allar
hafa tekið þátt í stórmótum. Spán-
verjar eru í efsta sæti listans og á
eftir þeim koma Argentínumenn,
Þjóðverjar, Ítalir, Kólumbíumenn,
Belgar, Úrúgvæjar, Brasilíumenn
og Hollendingar. Króatar eru svo
í 10. sæti.