Dagblaðið Vísir - DV - 16.10.2013, Blaðsíða 16

16 Lífsstíll 16. október 2013 Miðvikudagur
„Ég læt ekkert stöðva mig“
n Elísabet Margeirsdóttir hleypur úti í öllum veðrum n Aldrei of seint að byrja
Þ
að er aldrei of seint að byrja,“
segir Elísabet Margeirsdóttir,
næringarfræðingur og
hlaupari sem gaf nýverið út
bókina Út að hlaupa, með
stallsystur sinni Karen Kjartans-
dóttur.
Bókin á að nýtast þeim sem eru
að reima á sig hlaupaskóna í fyrsta
sinn og líka þeim sem eru vanir að
hlaupa og inniheldur ráð af fjöl-
breyttasta tagi og hlaupakort af vin-
sælum svæðum til útihlaups.
Byrjaði á að ganga
Bæði Elísabet og Karen hafa reynslu
af að hlaupa, Elísabet hleypur í öllum
veðrum og tekur þátt í maraþonum
og ofurhlaupum á meðan Karen hef-
ur notað hlaupin til þess að breyta
lífsstíl sínum eftir barneignir.
„Ég byrjaði fyrir um tíu árum
og byrjaði þá að ganga lengri
vegalengdir áður en ég fór út að
hlaupa. Ári síðar hafði ég náð upp
þoli til þess að hlaupa 10 kíló-
metra í Reykjavíkurmaraþoninu.
Ég hljóp síðan mitt fyrsta mara-
þon um tvítugt,“ segir Elísabet
sem hefur síðan þá hlaupið alls 8
maraþon og tekið þátt í nokkrum
ofurhlaupum. „Hlaupin hafa
lengst mikið,“ segir hún og hlær.
„Maður er svolítið að lifa og hrær-
ast í þessum lífsstíl.“
Sjálfsagi og hlaup haldast í
hendur
Hún segir ástundun sína og áhuga á
íþróttinni ekki dofna, nema síður sé.
„Ég hef svo gaman af því að hlaupa
og hef ávallt markmið til að ná. Fólk
heldur stundum að það sér búið að
ná sínum besta árangri en síðan
kemur það sjálfu sér á óvart.“
Til að byrja með þarf fólk að sýna
sjálfsaga til að ná árangri til að fleyta
sér áfram. Elísabet segir sjálfsaga og
hlaup haldast í hendur. „Hlaup getur
hjálpað mörgum að takast á við erf-
iða hluti í lífinu. Þegar fólk er að byrja
að hlaupa þá er það að búa til nýjar
venjur. Breyta sinni daglegu rútínu
og það krefst sjálfsaga og þegar það
kemst upp í vana gefur það af sér og
gefur fólki vellíðan sem það vill ekki
fara á mis við.
Fólk þarf svolítið að finna sér
leiðir til að byggja upp sjálfsagann.
Það getur hentað sumum að vera í
hlaupahópi eða hlaupa með félaga,
ef veðrið fælir frá má blanda saman
innihlaupi og útihlaupi. Mest um
vert er að finna sér rútínu.“
Hleypur í óveðrum
Elísabet hleypur úti í öllum veðrum
og býr sig sérstaklega undir óhag-
stæð veðurskilyrði. „Ég læt ekkert
stöðva mig, veðrið á heldur ekki að
stjórna rútínunni. Hvort sem það
er gott veður eða slæmt. Ég hljóp í
óveðri í hlaupi í Frakklandi í fyrra,
þá þurfti að stytta leiðina vegna
veðurs. Veðurskilyrðin voru eins og
svona vont íslenskt veður. Ég setti
bara upp skíðagleraugu og og fannst
þetta mjög skemmtileg reynsla.“
„Ég mæli sérstaklega með því að
eiga regnjakka sem andar vel. Það er
góð fjárfesting,“ segir Elísabet sem
keypti sinn í Fjallakofanum fyrir
nokkrum árum. „Í vondum veðrum
er gott að eiga lambhúshettu eða
buff sem má draga upp eða niður
og klæða sig í nokkrum lögum. Mér
finnst líka mikið atriði að vera í góð-
um sokkum. Flestir hlaupasokkar
eru úr gerviefnum en æ fleiri nota
ull. Hún er mjög góð, þegar kalt er
í veðri er gott að vera í fíngerðum
ullarsokkum eða sokkum úr ullar-
blöndu.“ Sjálf hleypur Elísabet oft-
ast í sokkum frá Compress Sport
sem eru með doppum á núnings-
svæðum. „Ég er gjörn á að fá blöðr-
ur á ilina undir tábeinið. Þessir
sokkar koma í veg fyrir það. Þegar
ég var að byrja þá einkenndist fyrsti
mánuðurinn af glímu við blöðrur
og auma fætur svo ég mæli með því
að hlúa sérstaklega vel að fótunum
og heimsækja jafnvel fótaaðgerðar-
fræðing reglulega.“ n
Kristjana Guðbrandsdóttir
blaðamaður skrifar kristjana@dv.is
„Fólk þarf svolítið
að finna sér leið­
ir til að byggja upp sjálfs­
agann.
Tíu vikna
æfingaáætlun
fyrir byrjendur
Í bókinni eru
fjölmargar
æfingaáætl-
anir sem henta
algjörum
byrjendum
í ofþyngd
til reyndra
hlaupara.
Hér að neðan
er ein þeirra
birt. Fimm
kílómetra
æfingaáætl-
un byggð á
áætlun norsku
hlaupadrottn-
ingarinnar
Gretu Waitz.
1 Vika 1 Skokkaðu og gakktu 100 m í senn til skiptis 15 sinnum = 1,5
km. Gerðu æfinguna þrisvar í vikunni.
2 Vika 2 Skokkaðu og gakktu 200 m í senn til skiptis 10 sinnum = 2
km. Gerðu æfinguna þrisvar í vikunni.
3 Vika 3 Skokkaðu og gakktu 200–400 m til skiptis þar til
þú hefur náð 2,5 km. Gerðu æfinguna
þrisvar í vikunni.
4 Vika 4 Skokkaðu og gakktu til skiptis. Í þetta skipti skaltu samt
aðeins ganga um helming vegalengdar-
innar sem þú skokkar. Miðaðu við að
ganga 400 m og skokka 800 m þar til þú
hefur lokið við að skokka 3 km.
5 Vika 5 Þrjár mismunandi æfingar:
a) Skokkaðu 800 m, gakktu 400 m,
skokkaðu 1.200 m, gakktu 400 m,
skokkaðu svo 800 m í lokin.
b) Skokkaðu 1.200 m og gakktu 800 m
til skiptis þar til þú ert kominn 3,2 km.
c) Skokkaðu 3,2 km án gönguhlés.
6 Vika 6Þrjár mismunandi æfingar:
a) Skokkaðu 800 m, gakktu 400 m,
skokkaðu 1.200 m, gakktu 400 m,
skokkaðu svo 800 m í lokin.
Samtals 3,6 km.
b) Skokkaðu 1.600 m, gakktu 400 m,
skokkaðu svo 1.600 m í lokin. Samtals
3,6 km.
c) Skokkaðu 3–3,6 km án gönguhlés.
7 Vika 7 Skokkaðu 4 km – gerðu æfinguna
þrisvar í vikunni.
8 Vika 8 Skokkaðu 4,4 km – gerðu æf-
inguna þrisvar í vikunni.
9 Vika 9 Skokkaðu 4,8 km – gerðu æf-
inguna þrisvar í vikunni.
10 Vika 10 Skokkaðu 5 km – gerðu æfinguna
þrisvar í vikunni.
Ítarleg og
skemmtileg
Bók Elísabetar og
Karenar er viðamikil
og inniheldur ráð til
bæði byrjenda og
reyndra hlaupara.
Lagalisti
Elísabetar
Í viðauka aftast má finna lagalista
eftir höfundana og nokkra tónlistarsér-
fræðinga sem hafa gaman af líkams-
rækt og hlaupum. Elísabet deilir með
lesendum DV sínum uppáhaldslögum.
Run the World (Girls), Beyoncé
Spectrum, Florence and the Machine
Calvin Harris Remix
What Doesn‘t Kill You, Kelly Clarkson
Scream, Usher
La Dolce Vita Páll Óskar
I Follow Rivers, Lykke Li
The Edge of Glory, Lady Gaga
Ég er farinn, Úlfur úlfur
Pyramids, Frank Ocean, stutta útgáfan
Every Teardrop is a Waterfall,
Coldplay
Paradise, Coldplay
Hlaupaskór Brýnt að velja
skóna vel. Sumir þurfa styrk-
ingu utan- eða innanfótar.
Hlaupasokkar Ekki hlaupa í
bómullarsokkum. Fíngerð ull er
betri eða gerviefni. Elísabet er í
sokkum frá Compress Sport.
Hlaupabuxur Gott
er að eiga þægilegar
hlaupabuxur.
Hlaupatreyja Góð treyja undir
jakkann. Gott er að klæða sig lagskipt
þegar það er kalt.
Vindjakki Elísabet mælir
með jakka sem andar vel.
Íþróttabrjóstahaldari(f. konur)
Til að veita stuðning.
Feitt krem í andlitið
Vörn fyrir húðina þegar kalt
er í veðri.
Hlaupaúr Með hlaupaúri er auðveldara
að fylgjast með þjálfuninni og árangrinum
af henni. Úrið heldur utan um upplýsingar
um vegalengdir, hraða og brennslu.
Púlsmælir Fylgst með hraða,
vegalengdum og tíma.