Dagblaðið Vísir - DV - 16.10.2013, Blaðsíða 18

18 Lífsstíll 16. október 2013 Miðvikudagur
SPORTÍS
GÆÐA ÚTIFATNAÐUR Á BÖRNIN
FRÁBÆR VERÐ!
MÖRKIN 6 108 REYKJAVÍK S:520-1000 SPORTIS.IS
Ætlar að keppa í fitness
n Ragna Erlendsdóttir hefur misst 32 kíló á einu ári með breyttum lífsstíl
R
agna Erlendsdóttir segist
hafa verið við dauðans dyr
og aðframkomin vegna
þunglyndis og offitu-
vandamála í byrjun árs.
Hún sneri blaðinu við og stundar
nú líkamsrækt af mikilli ákefð og
er árangurinn sláandi. Ragna læt-
ur ekki þar við sitja og sagði skilið
við reykingar og kvíðastillandi lyf
sem hún hóf inntöku á fyrir fjórum
árum þegar dóttir hennar Ella Dís
tók skyndilega að lamast aðeins
tveggja ára að aldri.
Missti allt
„Ég var hætt að geta borðað á
tímabili vegna álags og gat ekki
sofið. Mér leið illa í lifrinni og var
orðin verulega þunglynd,“ segir
Ragna sem segist hafa lent á botn-
inum í tilverunni en hún missti
tímabundið forræðið yfir dætrum
sínum þremur. „Ég var búin að
missa allt. Heimilið, börnin, heils-
una og bara lífið eins og það legg-
ur sig. Mér leið eins og að hlutverki
mínu væri nú bara lokið. Ég var búin
að hjálpa Ellu Dís að fá meðferð og
koma hinum dætrum mínum fyrir
hjá foreldrum mínum. Ég var búin
að missa allt sem mér þykir vænst
um,“ segir Ragna sem segist í kjöl-
farið hafa tekið skrefin út úr eymd-
inni með hjálp góðrar vinkonu sem
hún telur að hafi bjargað lífi sínu.
Reiðin étur upp að innan
„Ég var orðin 145 kíló þegar allt var
sem svartast. Ég var ekki að næra
mig og hugsaði mjög illa um sjálfa
mig. Ég var líka svo reið og reiðin
át mig upp að innan. Ég skyldi ekki
þetta óréttlæti sem var að gerast í
kringum mig. Ég skil það núna að
ég þurfti að missa allt til að kom-
ast á þennan stað sem ég er á núna.
Oft þarf maður að komast á botn-
inn til að geta hafið gönguna upp
aftur og uppgötva þann styrk sem
maður raunverulega hefur til að
takast á við lífið,“ segir Ragna sem
segir það hafa verið mikilvægt fyr-
ir sig að geta fyrir gefið bæði sjálfri
sér og öðrum til að losna undan
reiðinni. „Viltu segja eitthvað kær-
leiksríkt eða meiða á móti. Maður
þarf að vera meðvitaður um hugs-
anir sínar og hvað maður segir,“ seg-
ir Ragna sem fagnar góðu samstarfi
við heilbrigðis yfirvöld í dag.
Ætlar að keppa í fitness
Ragna ætlar að láta gamlan draum
verða að veruleika. „Ég er búin að
byggja upp 7 kíló af vöðvum og
stefni á keppa í fitness á næsta ári.
Mér finnst gott að hafa markmið og
er ótrúlega ákveðin,“ segir Ragna
sem segist einnig hafa mikinn áhuga
á næringarfræði. „Ég er mjög með-
vituð um að næringin skiptir miklu
máli. Ég les mér til sjálf þangað til að
ég hef tíma til að fara í skóla. Annars
þurfti ég nú ekki hjúkrunarnám til
að bjarga Ellu Dís á sínum tíma. Ég
hef þurft að blása í hana lífi oftar
en ég kæri mig um að muna,“ seg-
ir Ragna en hún segist í dag hjálpa
öðru fólki með þyngdarstjórnun og
upplýsingar um næringu með hjálp
Herbalife. „Ég er orðin lífsstílsleið-
beinandi sjálf í Heilsumiðstöð að
Hátúni 12,“ segir Ragna ánægð að
lokum. n
„Viltu segja eitt-
hvað kærleiksríkt
eða meiða á móti.
Svala Magnea Georgsdóttir
blaðamaður skrifar svala@dv.is
Vó 145 kíló „Ég var orðin verulega þunglynd,“ segir Ragna.
Ragna Erlendsdóttir
„Mér finnst gott að hafa mark-
mið og er ótrúlega ákveðin,“
segir Ragna. Mynd SigtRygguR ARi