Dagblaðið Vísir - DV - 08.11.2013, Blaðsíða 16

L
ögreglumaður á Blönduósi,
sem var í september 2010
ákærður fyrir kynferðisbrot
gagnvart fimmtán ára stúlku,
hefur verið ráðinn aftur til
starfa. Ríkislögreglustjóri skipaði í
stöðuna gegn vilja sýslumannsins á
Blönduósi sem óskaði eftir að annar
maður yrði ráðinn. Þrátt fyrir að mað­
urinn hafi verið sýknaður af ákærunni
ríkir ólga meðal bæjarbúa á Blöndu­
ósi sem margir eru afar ósáttir við
ráðninguna.
Óskuðu eftir öðrum
Kristján Þorbjörnsson, yfirlögreglu­
þjónn á Blönduósi, staðfestir í sam­
tali við blaðamann að umræddur
lögregluþjónn hafi verið ráðinn af
ríkis lögreglustjóra og muni hefja störf
13. nóvember næstkomandi. Sú ráðn­
ing hafi þó ekki verið í samræmi við
óskir lögreglunnar á Blönduósi.
„Það sóttu tveir um þessa stöðu
sem auglýst var og það var óskað eft­
ir því að það væri ekki þessi sem yrði
ráðinn heldur hinn sem sótti um. Þó
svo að vilji embættisins [sýslumanns­
ins á Blönduósi, innsk. blm.] hafi
verið annar þá er þetta svona,“ segir
Kristján sem segist ekki geta svarað
fyrir ríkislögreglustjóra um ráðningu
mannsins.
Þegar blaðamaður leitaði eftir
svörum vegna ráðningarinnar hjá
Thelmu Clausen Þórðardóttur, yfir­
manni stjórnsýslusviðs hjá embætti
ríkislögreglustjóra fengust eftirfar­
andi svör:
„Tveir umsækjendur voru um
stöðuna. Sá sem embættið hlaut var
metinn hæfari og þess vegna skipað­
ur í embættið. Um er að ræða stöðu
almenns lögreglumanns og við mat
á hæfi umsækjendanna tveggja var
einkum litið til menntunar og starfs­
reynslu þeirra.“
Blaðamaður náði tali af umrædd­
um lögreglumanni sem staðfesti að
hann hæfi störf á Blönduósi á næstu
dögum. Hann vildi þó ekki tjá sig
frekar um málið við blaðamann.
Óánægja innan lögreglunnar
Samkvæmt heimildum DV ríkir
óánægja innan lögreglunnar á
Blönduósi vegna ráðningarinnar. „Þú
getur bara ímyndað þér það hvernig
það er. Þetta er ekki nein óskastaða,
það er alveg ljóst. Hvorki fyrir stofnun
né starfsmenn. Það er ekkert leyndar­
mál,“ segir einn heimildarmaður.
Annar hefur svipaða sögu að segja.
„Það er alveg ljóst að með þessari
ákvörðun er starfsandanum í liðinu
stefnt í voða,“ segir sá og bendir á að
lögregluliðið á Blönduósi sé afar fá­
mennt, en þar starfa nú einungis fjór­
ir lögregluþjónar.
Einn íbúi á Blönduósi segir bæjar­
búa hafa skipst í fylkingar vegna máls­
ins; sumir hafi stutt lögreglumanninn
og fjölskyldu hans frá upphafi á með­
an aðrir hafi verið vissir um sök hans.
Hafi þetta haft þó nokkur áhrif á bæj­
arlífið. Annar bendir á að lögreglu­
menn á Blönduósi hafi verið yfir­
heyrðir þegar málið var til rannsóknar
og því sé ekki ólíklegt að starfandi lög­
regluþjónum muni finnast skrýtið að
fá manninn til starfa sér við hlið. Enn
annar heimildarmaður segir stemn­
inguna í bænum almennt frekar
slæma vegna ráðningar lögreglu­
mannsins.
„Það er örugglega ekki góð stemn­
ing í lögregluliðinu að fá hann aftur til
starfa og það eru margir í bænum sem
eiga eftir að vera óhressir með það að
hann sé að koma aftur til vinnu.“
Tvisvar áfrýjað
Forsaga málsins er sú að í septem­
ber 2010 var lögreglumaðurinn
ákærður fyrir kynferðisbrot og brot
gegn barnaverndarlögum með því að
hafa, í maí sama ár, káfað innanklæða
á stúlku, sem þá var fimmtán ára,
og strokið með fingrunum um klof
hennar. Maðurinn var fjölskylduvin­
ur stúlkunnar til margra ára auk þess
sem hann þjálfaði hana í íþróttastarfi
og fór meint brot fram í þvottahúsi á
heimili hans. Dæmt var í málinu í Hér­
aðsdómi Norðurlands í mars 2011 og
var maðurinn sýknaður af ákærunni.
Málinu var áfrýjað til Hæstaréttar sem
taldi héraðsdóm ekki hafa fellt dóm í
málinu með tilliti til allra gagna sem
fyrir lágu auk þess sem hann taldi lík­
ur á því að niðurstaða héraðsdóms um
sönnunargildi munnlegs framburðar
fyrir dómi kynni að vera röng svo að
einhverju skipti um úrslit málsins.
Hæstiréttur ómerkti því hinn áfrýjaða
dóm og var málinu og meðferð þess
frá upphafi aðalmeðferðar vísað heim
í hérað til meðferðar á ný.
Að lokinni síðari málsmeðferð
var málið tekið upp að nýju í Hér­
aðsdómi Norðurlands. Þar var mað­
urinn sakfelldur og dæmdur í sex
mánaða fangelsi. Enn á ný var málinu
áfrýjað til Hæstaréttar sem sneri dómi
héraðs dóms og sýknaði manninn af
ákærunni. Taldi Hæstiréttur að með
tilliti til allra atvika málsins hefði fram­
burður stúlkunnar ekki þá stoð í öðr­
um gögnum málsins að hann nægði
til þess að sanna sekt mannsins, sem
neitaði sökum eindregið.
Stefnir vinnuveitanda sínum
Í desember 2012, skömmu eftir að
ríkis lögreglustjóri hafði ákveðið að
maðurinn gæti hafið störf á Blöndu­
ósi á ný, hófst rannsókn á öðru broti
sem hann var grunaður um. Um var
að ræða meint blygðunarbrot gagn­
vart konu um tvítugt sem talið var að
hefði átt sér stað á Skagaströnd í maí
2010 en málið var látið niður falla.
Þegar lögreglumaðurinn var
ákærður á sínum tíma var honum vik­
ið tímabundið úr starfi. Hann hefur
því ekki starfað á Blönduósi í rúm þrjú
ár en síðastliðið sumar vann hann í af­
leysingum hjá lögreglunni á Akureyri
þar sem sýslumaðurinn á Blönduósi
vildi ekki fá hann aftur í sitt umdæmi,
þrátt fyrir fyrirskipun ríkislögreglu­
stjóra þess efnis.
Maðurinn fer brátt fyrir dóm­
stóla á ný þar sem hann hefur höfð­
að tvö mál fyrir Héraðsdómi Reykja­
víkur. Annars vegar hefur hann stefnt
íslenska ríkinu vegna vangoldinna
launa upp á 11,7 milljónir króna og
hins vegar ríkislögreglustjóranum,
sýslumanninum á Blönduósi og ís­
lenska ríkinu þar sem hann gerir
kröfu um að það sé viðurkennt fyrir
dómi að hann sé lögreglumaður á
Blönduósi. Fyrirtaka í þeim málum
verður í janúar 2014 og því ljóst að
maðurinn mun eiga í málaferlum við
vinnuveitanda sinn eftir að hann hef­
ur störf á næstu dögum. n
16 Fréttir 8.–10. nóvember 2013 Helgarblað
www.nowfoods.is
Gæðakröfur NOW eru einstakar og bragðið eftir því.
NOW framleiðir náttúrulegar og lífrænar
matvörur án allra óæskilegra fyllingar- og
aukefna í umbúðum sem varðveita gæðin
fullkomlega út líftímann.
Fást í öllum helstu matvöruverslunum um land allt.
Slender sticks.
Bragðbættu drykkinn á náttúrulegan hátt án sykurs!
Fullkomið í sódavatn, þeytinga og klakavatn.
Ráðinn aftuR
til staRfa eftiR
sýknudóm
n Umdeild ráðning á Blönduósi n Sýslumaðurinn vildi annan í starfið
Hörn Heiðarsdóttir
blaðamaður skrifar horn@dv.is
„Það er alveg ljóst
að með þessari
ákvörðun er starfsandan-
um í liðinu stefnt í voða.
7. maí 2010 Meint brot framið á heimili
mannsins.
14. september 2010 Ríkissaksóknari
gefur út ákæru á hendur manninum og
honum er vikið tímabundið úr starfi.
15. mars 2011 Maðurinn sýknaður í
Héraðsdómi Norðurlands.
20. október 2011 Dómur héraðsdóms
ómerktur og málinu sem og meðferð þess
vísað heim í hérað.
31. maí 2012 Maðurinn sakfelldur í
Héraðsdómi Norðurlands og dæmdur til sex
mánaða fangelsisvistar.
29. nóvember 2012 Dómi héraðsdóms
snúið við af Hæstarétti og maðurinn sýknaður.
10. desember 2012 Rannsókn hefst á
meintu broti á blygðunarkenndarákvæði
almennra hegningarlaga.
28. janúar 2013 Málið fellt niður.
18. júlí 2013 Maðurinn stefnir íslenska
ríkinu annars vegar og ríkislögreglustjóra,
sýslumanninum á Blönduósi og íslenska
ríkinu hins vegar.
1. nóvember 2013 Maðurinn skipaður af
ríkislögreglustjóra í stöðu hjá lögreglunni á
Blönduósi.
13. nóvember 2013 Maðurinn hefur störf
á Blönduósi á ný.
Blönduós Bæjarbúar eru margir ósáttir
við ráðninguna.
Fór í mál Lögreglu-
maðurinn hefur
stefnt vinnuveitanda
sínum, sýslumanninum
á Blönduósi, sem og
íslenska ríkinu og ríkis-
lögreglustjóra.
Mál lögreglumannsins í hnotskurn