Hagskýrslur um landbúnað - 01.01.1921, Blaðsíða 15

Búnaðurskýrslur 1919
13’
í öllum landshlutum hefur bæði töðufengur og útheyskapur
orðið minni en í meðallagi. Töðufengur hefur verið tiltölulega minst-
ur á Suðurlandi, en útheyskapur á Suðvesturlandi.
Uppskera af jarðeplum hefur orðið 27 þúsund tunnur haustið
1919. Er það heldur meira en árið á undan, er uppskeran var talin
26 þúsund tunnur, og heldur meira en meðaluppskera 5 áranna
næst á undan. (1914—18), sem var 25 þúsund tunnur. Uppskera af
rófum og næpum er ekki talin mema rúml. 9 þúsund tunnur 1919.
Er það minna beldur en árið áður, er uppskeran var 10 þúsund
tunnur, og miklu minna en meðaluppskera 5 áranna á undan, sem
var 14 þúsund tunnur.
• Mótekja hefur verið 463 þúsund hestar haustið '1919. Er það
miklu minna heldur en árið áður, er hún var 577 þúsund hestar,
en á árunum 1914—18 var hún að meðaltali ekki nema 379 þús-
und hestar. Hrísrif hefur verið 21 þúsund hestar. Árið 1918 var
það 31 þúsund hestar, en ekki nema 20 þúsund hestar að meðal-
tali á árunum 1914—18.
IV. Jarðabætur.
Améliovalions intvoduites aux fevmes.
Jarðabótaskýrslurnar eru teknar eftir skýrslum búnaðarfjelag-
anna, sem þau senda stjórnarráðinu, en það miðar úthlutunina á
styrk þeim til búnaðarfjelaganna, sem veittur er í fjárlögunum, við
jarðabætur þær, sem unnar hafa verið í hverju búnaðarfjelagi næsta
almanaksár á undan úthlutuninni. í þeim hreppum, sem búnaðar-
fjelög eru í, mun mega gera ráð fyrir, að langmestur hlutinn af
þeim jarðabótum, sem unnar eru, sjeu gerðar innan búnaðarfjelags-
ins, og að skýrsla búnaðarfjelagsins sje þá fullnægjandi skýrsla um
jarðabætur i hreppnum. En í sumum hreppum er ekkert búnaðar-
fjelag, og eins er svo að sjá sem búnaðarfjelög í sumum hreppum
sendi eigi æfinlega skýrslu. En lítið mun kveða að jarðabótum í
þeim hreppum, þar sem ekkert búnaðarfjelag er til. Og þar sem
búnaðarfjelag er til, en ber sig ekki eftir jarðabótastyrknum með því
að senda skýrslu, mun líka óhætt að gera ráð fyrir, að sáralitlar
jarðabætur muni vera gerðar, og ef þær eru nokkrar, munu þær
sennilega teknar til greina, þegar fjelagið sendir næst skýrslu.
Yfirlitsskýrslan eftir sýslum um jarðabætur búnaðarfjelaganna
(tafla V, bls. 19—23) hefur verið gerð jafnnákvæm og sundurliðuð