Hagskýrslur um sveitarsjóðareikninga - 01.01.1967, Blaðsíða 5

Formáli.
Preface
í þessu hefti eru fyrstu skýrslur um fjármál sveitarfélaga, sem Hagstofan lætur
frá sér fara á prenti. Áður gaf hún út ritið „Reikningar sveitarfélaga og stofnana
þeirra 1952“, en það var fjölritað og í öðru broti en er á Hagskýrslum.
Þetta hefti er allsíðbúið og er aðalástæða þess sú, að mikill dráttur varð á
skilum ársreikninga sumra sveitarfélaga, einkum hreppa í Gullbringusýslu og Suður-
Múlasýslu. Enn fremur átti Hagstofan sem fyrr í örðugleikum með að fá kaup-
staðina til að láta ársreikninga sína í té á hinu samræmda reikningsformi hennar,
og að lokum varð hún að sæta því að byggja á bæjarreikningum eins og þeir eru
gefnir út prentaðir eða fjölritaðir. Til enn frekari tafa kom svo vegna þess, að prent-
smiðjan gat ekki tekið handrit Sveitarsjóðareikninga 1953—62 til setningar, þegar
það var tilbúið, og stóð svo á annað ár. En þó að skýrslur þessar séu síðbúnar og
gildi þeirra sé minna en ella vegna verðlagsþróunarinnar í landinu, er í þeim svo
mikill fróðleikur um fjárhagsafkomu sveitarfélaga á þessu 10 ára tímabili, að rétt
þótti að gefa þær út á prenti.
Sá galli er á skýrslum þessum, að engar upplýsingar eru í þeim um fjármál
fyrirtækja og annarra stofnana sveitarfélaga. Annars vegar skorti mikið á skil árs-
reikninga þeirra frá sveitarfélögum, og hins vegar voru þau gögn, sem fengust, svo
ófullkomin, að ekki þótti svara kostnaði að vinna úr þeim.
Frá og með árinu 1963 var tekið í notkun nýtt skýrsluform reikninga sveitar-
félaga og stofnana þeirra, og er búizt við, að það verði betri grundvöllur skýrslu-
gerðar um fjármál sveitarfélaga og stofnana þeirra en reikningsformið, sem tekið
var í notkun 1952. Lögð hefur verið áherzla á að hraða innheimtu sveitarsjóða-
reikninga 1963—65, og standa vonir til, að þeir hafi alhr borizt Hagstofunni um
mitt ár 1967. Enn sem fyrr gengur erfiðlega að fá bæjarfélögin til að láta reikninga
sína í té á hinu tilskilda reikningsformi. Horfur eru á, að sveitarsjóðareikningar
1963—65 komi út á prenti seint á þessu ári, ef ekki verða taíir í prentsmiðju.
Hagstofa íslands, í febrúar 1967
Klemens Tryggvason