Húnavaka - 01.05.2010, Side 32

H Ú N A V A K A 30
mjókka upp og því sýnast þær mun lengri neðan frá en þegar komið er að
landi og hefur tilgangurinn verið að gera tilkomumikla aðkomu að borginni.
Þegar komið er upp tröppurnar kemur maður þvert á mikla breiðgötu og
garð sem liggur meðfram sjávarsíðunni. Þarna spássera ferðamenn en
borgarbúar koma einnig prúðbúnir og þar er mikið líf. Það vekur athygli
hversu mikið ungar konur leggja upp úr útliti og það er upplifun að fylgjast
með mannlífinu þarna. Það á raunar við um fleiri borgir að í miðbænum eða
á opnum svæðum er mikið og líflegt mannlíf. Þetta veitir borginni lifandi og
skemmtilegan blæ og fátækt er lítt sýnileg. Og þó. Það þarf ekki að fara langt,
þá eru gangstéttir afar ósléttar og sumstaðar eru þetta moldarstígar, jafnvel
gatan öll. Það stingur í stúf við bílaflotann í miðbænum, langmest ber á
stórum dýrum bílum þó einstaka gömul Lada sé á stangli og auðvitað nokkuð
af nýrri litlum Lada-bílum. Ef að er gáð þá blasir hið mikla bil á milli mikils
ríkidæmis og fátæktar stöðugt við.
Krím (Крим)
Aftur er farið með næturlest, það er ótrúlega langt frá Ódessa til Krímskagans.
Haldið er af stað seint að kvöldi og komið til Simferopól um hádegisbil daginn
eftir. Simferopól er inni í landi, þar stoppa lestir er koma frá helstu stöðum í
Úkraínu eða frá Moskvu og þar er einnig flugvöllur Krímskagans. Ferðinni var
hins vegar heitið til Sevastopól og þangað komumst við með rútu. Rútur eru
góður ferðamáti en það er eins gott að kunna á kerfið, vita í hvaða röð maður
á að fara til að kaupa farmiða og síðan að finna rétta rútu. Þarna stóðu þær
þvers og kruss og meira en eitt fyrirtæki með bíla.
Sevastopól er mikil hafnarborg syðst á vesturströnd Krímskagans og þar er
rússneski flotinn með sína bækistöð. Borgin hefur margsinnis meira og minna
Sólsetur í Sevastopól. Ferðamenn njóta útsýnisins við höfnina. Eitt af ótal minnismerkjum
í baksýn. Mynd: Jóhann Þorsteinsson.