Húnavaka - 01.05.2010, Page 33

H Ú N A V A K A 31
verið lögð í rúst í stríðum og svo var einnig í síðari heimstyrjöldinni. Sagt er að
í stríðslok hafi 10 hús verið heil. Á Sovéttímanum var borgin byggð upp og
lokuð fyrir aðra en herinn og þá sem þangað áttu erindi. Núna er þetta vinsæll
ferðamannastaður og seinnipartinn í ágúst er mikið líf og fjör í borginni. Í
höfninni má af og til sjá herskip en stærsti hluti flotans mun ekki vera sýnilegur
og mesti glansinn mun einnig vera farinn af honum. Sumir tala um ryðdalla
sem séu að grotna niður en um það skal ekki dæmt.
Það var Katarína hin mikla sem náði Krím undan veldi Osmana árið 1783
og skaginn kom sem hluti af Rússlandi inn í Sovétríkin. Á Sovéttímanum var
Krím sett undir Úkraínu því það þótti hagkvæmara stjórnskipulega séð. Þá sá
enginn fyrir að Úkraína myndi verða sjálfstætt ríki en þannig varð Krím
úkraínskt landsvæði. Krím er perla Svartahafsins, þangað streyma Rússar ekki
síður en Úkraínumenn í sumarfríum og það er ekki séð fyrir hvernig Rússar
munu sætta sig við að þeirra ástkæra Krím sé úkraínskt land. Það er merkilegt
hvernig hlutirnir geta snúist.
Á Krím bjuggu tartarar sem voru múslimstrúar og þar voru margar moskur
á þeim tíma. Eftir seinna stríð voru allir tartarar og fólk af öðrum þjóðflokkum
flutt til Kasakstan og annarra landa austan Kákasus og allar moskur og hallir
jafnaðar við jörð nema ein en hún er í Bachcysaraj sem var höfuðstaður
Tartara og er langt inni í landi. Khan höllin fékk að vera í friði því í henni er
látlaus brunnur sem Púskin orti frægt ljóð um og því var þessi staður sagður
vera hluti af rússneskri menningu. Þetta er skrautleg en í raun látlaus höll og
heimsókn þangað gefur innsýn í að menning fyrri tíma hefur verið afar
fjölbreytt. Það gera hellaborgirnar líka sem hýbýli, að mestu geymslur sem
voru grafnar í klettaborgir er standa upp út landinu og voru um leið frábær
virki. Þetta er nú allt löngu yfirgefið og hið sama er að segja um mjög stóran
Fagurlega útsaumaðar spariflíkur á útimarkaði í Lviv. Ljósm.: Þorsteinn Guðmundsson.