Húnavaka - 01.05.2010, Qupperneq 37

H Ú N A V A K A 35

Mannlífið
Það er ekki einfalt
að átta sig á mannlífi
þjóðar í stuttri
heimsókn. Þjóðin
hefur gengið í
gegnum ótrú legar
róstur alla seinustu
öld og það setur sitt
mark á mannlífið.
Fólk hef ur lítið milli
hand anna, félagslegt
ör yggi er lítið en
grunn menntun að
ég hygg almennt
góð. Nútímatæknin eins og farsímar eru mjög áberandi. Fólk er í það heila vel
til fara og öllum grunn þörfum er mætt. Fyrir okkur er auð velt að fara til Úkra-
ínu en það er ekki gagn kvæmt og Úkraínu menn er mjög meðvitaðir um hinn
mikla mun sem er á lífsgæðum þar og í Vestur-Evrópu. Kaup er afar lágt og
mútur eru daglegt brauð. Læknar fá pening til að sjúklingum sé betur sinnt,
kennarar til að einkunnir stemmi og lögreglan gerir veður út af engu til að fá
smá aur í vasann áður en hún hverfur á braut.
En ljúkum þessari frásögn á vodkanum. Vodkinn er alls staðar sýnilegur og
hluti af lífinu fyrir karlmenn, það er enginn maður með mönnum nema hann
drekki vodka með félögunum. Margir ánetjast áfenginu og okkur var sagt að í
hverri fjölskyldu ætti að minnsta kosti einn við áfengisvandamál að stríða.
Þetta reynir á líkamann, margir karlmenn eru farnir að láta á sjá heilsufarslega
um fertugt og meðalaldur er ekki hár.
Það er hægt að leita skýringa á þessu í sögu og hefðum sem erfitt er að
brjótast út úr. En það er líka freistandi að líta til þess umróts sem er í gangi. Á
Sovéttímanum voru allir í fastri vinnu og fólk var vant að því væri stjórnað.
Eftir fall ráðstjórnarríkisins, samyrkjubúa og fyrirtækja í opinberum eða
félagslegum rekstri, þurfti fólk allt í einu að standa á eigin fótum. Við fengum
á tilfinninguna að konum takist þetta betur og þær aðstoða hverjar aðra
meðan staða karla verður óljósari og margir eiga erfitt með að fóta sig í nýju
umhverfi. Þá er flóttinn í vodkann einn möguleikinn.
Helsta heimild:
Thomas Gerlach og Gert Schmidt 2007. Die Ukraine entdecken. Trescher Reise
Reihen. Trescher Verlag, Berlin. 514 bls.
Úr Khanhöllinni í Bachcysaraj. Ofin teppi á veggjum og gólfi,
skreyttir gluggar og útskorin húsgögn. Veggir og loft iðulega
skrautlega máluð. Ljósm.: Þorsteinn Guðmundsson.