Húnavaka - 01.05.2010, Side 48

H Ú N A V A K A 46
og við strákarnir unnum af kappi í Höfðanum allan daginn eftir að komið var
úr skólanum. Ég var ekki ennþá búinn að segja þeim að ég yrði sendur í sveit
og yrði ekki með þeim í sumar.
Um kvöldið kallaði ég þá saman eftir góðan vinnudag og sagði: Nú verð ég
að segja ykkur harmasögu. Allir biðu í ofboði eftir hvað kæmi nú.
Jú, ég verð sendur í sveit og fer í næstu viku. Það sló þögn á strákana og
enginn sagði orð í langan tíma.
Hvað, þú strýkur bara, sagði einhver. Hvert ferðu? Á Höskuldsstaði, svaraði
ég. Til prestsins? Nei, Stebbi Hólm og Bogga, sem var hjá okkur í vist, ætla að
fara að búa og taka Höskuldsstaði á leigu.
Það var dapur hópur, sem rölti heim um kvöldið. Sumarið var orðið allt
annað en við höfðum séð fyrir okkur.
Mamma tók nú að útbúa mig í sveitina, setja fötin mín í stóra tösku og
útvega eitt og annað. Ég tók þessum undirbúningi fálega.
Og svo var rykkt af stað
Svo rann brottfarardagurinn upp, miðvikudagurinn, þegar Gústi bílstjóri3
keyrði á milli Blönduóss og Skagastrandar. Um fjögurleytið fórum við mamma
niður að planinu fyrir framan Kaupfélagshúsið, Kaupfélag Skagstrendinga,
við Einbúann, með töskuna og ég tók rútuna. Ég man að farið kostaði fimm
krónur sem borgað var með rauðum fimm krónu seðli er Gústi tók við og stakk
í veskið sitt. Rútan var af gerðinni Chevrolet með húddi eins og vörubíllinn
hans Baldurs4. Harðir bekkir
voru í rútunni til að sitja á.
Svo var ekið eða réttara
sagt rykkt af stað. Rútan jók
ferðina en hægði fljótt á sér
því Gústi þurfti að stinga
höfðinu inn í búðina hans
Sigga Sölva. Hann var þar
dágóða stund en kom svo
aftur og við rykktum enn af
stað en stoppuðum strax aftur
við Karlsskála. Ensi5 veifaði
við bensíndæluna og rétti
Gústa eitthvað inn um
gluggann. Og aftur var rykkt
að stað og ekki stoppað fyrr en inni við Andrésarbúð. Gústi fór út og Andrés
Guðjónsson kom út á tröppurnar. Þeir töluðu saman dágóða stund.
3 Ágúst B. Jónsson
4 Baldur Árnason
5 Ernst Berndsen
H-10 rúta Ágústs B. Jónssonar. Ágúst lengst til
vinstri.