Húnavaka - 01.05.2010, Blaðsíða 137

H Ú N A V A K A 135
sjóðs Húnvetninga,
á samt mörgum félög-
um á Blöndu ósi og
rann þá líknarsjóður
klúbbsins í þann sjóð.
Árlega hefur verið
sett upp ljósaskreyting
á Blöndu brúnni sem
RARIK menn hafa
séð um að framkvæma
seinni árin. Á hundrað
ára afmæli Blönduóss,
árið 1976, færði klúbb-
ur inn hreppnum mál-
verk af kauptúninu í
til efni þessara tímamóta. Félags heimilið á Blönduósi fékk á þessum tíma
framlag til að koma fundarherbergjum í lag og einnig til kaupa á konsertflygli.
Árið 2003 lagði klúbburinn fé til að endurnýja hljóðkerfið í félagsheimilinu.
Þegar Hnitbjörg voru vígð, 1. mars 1980, var veitt 2,5 milljóna framlag til
kaupa á tækjum til að koma upp vinnuaðstöðu fyrir aldraða í kjallara hússins.
Árið 2005 gaf klúbburinn saumavél til félagsstarfs aldraðra. Þegar barna- og
dagheimili var stofnað á Blönduósi veitti klúbburinn framlag til leiktækjakaupa.
Hjálparsveit skáta var í upphafi vélsleðaaldar gefinn vélsleði og labbrabb tæki
og styrkur til bílakaupa. Á árinu 2002 var Björgunarsveitinni Blöndu gefin
færanleg stjórnstöð. Árið eftir var sveitin styrkt til kaupa á líkbíl. Héraðs skjala-
safnið var styrkt til að geta betur staðið að varðveislu gamalla skjala. Leikfélag
Blönduóss fékk framlag þegar það keypti fullkomið ljósaborð vegna leiksýninga.
Á 25 ára afmæli klúbbsins, árið 1984, var grunnskólunum á Blönduósi og
Húnavöllum fært hvorum um sig vandað myndbandstæki og myndatökutæki.
Einnig hafa þessum skólum verið færðar bókagjafir.
Á síðasta áratug hefur Grunnskólinn á Blönduósi verið styrktur vegn a hljóm-
borðs kaupa. Aldamótaárið var keyptur sigbúnaður fyrir kirkjugarða, sem
notaður er við greftranir.
Kúbburinn styrkti gerð Héraðskvikmyndar árið 2001 með 500.000 kr. fram-
lagi. Árið 2004 var gefin sjúkralyfta í Sæborg, dvalarheimili aldraðra á
Skagaströnd. Á árinu 2002 voru keypt tvö þrekhjól fyrir hjartasjúklinga, annað
staðsett á Blönduósi en hitt á Skagaströnd. Sambýli fatlaðra á Blönduósi hefur
verið styrkt á ýmsan máta.
Kostuð var flóðlýsing við nýju kirkjuna og fengið í hana hljóðkerfi. Orgel-
sjóður kirkjunnar hefur nú á síðustu árum verið styrktur myndarlega. Stutt var
við kaup á nýjum flygli í Húnaveri og Vinir Kvennaskólans fengu fjárframlag
frá klúbbnum.
Alloft hefur klúbburinn veitt aðstoð fjölskyldum sem átt hafa í erfiðleikum
og þá oftast í tengslum við jól. Sýnir það að menn hafa í heiðri kjörorð
Lionshreyfingarinnar „að leggja lið“.
Jón Ísberg og Pálmi Jónsson við blómasölu fyrir jól.