Húnavaka - 01.05.2010, Qupperneq 143

H Ú N A V A K A 141
GUNNAR ALBERTSSON, Skagaströnd:
„Hvít gæran yfir allt“
Sjóferð með m/b Farsæli HU 12
frá Skagaströnd til Hellissands í desember 1951
Farsæll HU 12, áður Páll Pálsson ÍS 102 frá Hnífsdal, var einn af raðsmíðabátunum
sem Bárður G. Tómasson teiknaði. Hann var keyptur til Skagastrandar árið 1950. Árið
eftir er hann kominn í eigu tveggja manna, þeirra Þórhalls Árnasonar, oftast nefndur Halli
og Þorkels Guðmundssonar sem kallaður var Keli svarti en hann hafði unnið hjá Síldar-
verksmiðjum ríkisins. Útgerðin gekk vægast sagt illa, þeir prufuðu bæði línu og handfæri en
fiskurinn var aldrei á réttum stöðum.
Á haustmánuðum 1951 voru þeir félagar alveg komnir í þrot með reksturinn. Þá tóku þeir
það ráð að leigja Kaupfélaginu á Hellissandi bátinn frá ársbyrjun 1952 og átti Halli að
vera með hann en Keli vélstjóri, því hann hafði til þess réttindi og svo áttu Sandarar að vera
til viðbótar á sjó sem og að beita í landi.
Halli ákvað að koma bátnum suður fyrir jól svo hann gæti hafið róðra strax þann 2.
janúar en þegar til átti að taka fékk hann ekki skráningu á bátinn nema að það væru fjórir
menn í áhöfn. Hann fór því af stað í leit að tveimur mönnum en allir spurðu um launin og
pen ingar voru ekki til hjá útgerðinni fyrr en eftir vertíð og það gerðu menn sig ekki ánægða
með.
Ég frétti af þessu basli og fannst hart að geta ekki gert manni greiða út af einhverjum
helvítis peningum. Ég fór því til Halla og bauðst til að fara með honum, hann myndi borga
mér að vori ef vel gengi. Hann varð þessu mjög þakklátur en þá vantaði fjórða manninn.
Jökull Sigtryggsson á Núpi í Laxárdal hafði kynnst stúlku úr Dýrafirði á Kvennaskólanum
á Blönduósi um haustið og hún bauð honum í heimsókn um jólin. Jökull frétti af þessu
Gunnar Albertsson fæddist 7. nóv. 1933 á Keldulandi á Skagaströnd. Foreldrar hans
voru hjónin Albert Erlendsson sjómaður og bóndi á Keldu-
landi og Sigurlína Lárusdóttir.
Hann ólst upp á Keldulandi til 14 ára aldurs en 15 ára var
hann háseti á trillu á Skagaströnd með Hákoni Magnússyni
og svo um tveggja ára skeið á kolatogurunum, Höfðaborg og
Gylli. Gunnar tók mótorvélstjórapróf frá Akureyri 1956-
1957. Hann var vélstjóri á bátum árin 1951-1964, vann hjá
Vélsmiðju K & Þ á Skagaströnd 1964-1974, Skipasmíðastöð
Guðmundar Lárussonar 1974-1979 og hjá Hólanesi hf. á
Skagaströnd árin 1980-1990.
Kona hans er Hrefna Björnsdóttir og eiga þau fjögur börn.