Húnavaka - 01.05.2010, Qupperneq 165

H Ú N A V A K A 163
stöðum. Áhugamál hans voru búskapur og járnsmíðar, útivera og ferðalög.
Hann hafði ánægju af mannlegum samskiptum og tók þátt í ýmsum félags-
störfum fyrir sína sveit. Hann var söngvinn og meðan hann bjó í Vatnsdalnum
söng hann með kirkjukór Undirfellskirkju um langt árabil. Þegar hann flutti til
Blönduóss gekk hann til liðs við kirkjukór Blönduósskirkju og var virkur félagi
í kirkjukórnum um langt skeið.
Ingvar andaðist á Heilbrigðisstofnuninni á Blönduósi og var útför hans gerð
frá Blönduósskirkju 22. apríl.
Sr. Sveinbjörn Einarsson.
Hulda Baldursdóttir,
Blönduósi
Fædd 12. júlí 1948 – Dáin 15. apríl 2009
Hulda var fædd á Blönduósi, barn þeirra hjóna, Kristínar Bjarnadóttur frá
Blöndu ósi og Baldurs Reynis Sigurðssonar frá Brekkukoti í Austur-Húna-
vatnssýslu. Börn Kristínar og Baldurs eru; Hulda elst, þá Sigurður, síðan
Ingibjörg Bjarney og Reynir yngstur.
Hún ólst upp á Blönduósi og þar voru æsku- og uppvaxtarárin. Í Brekkukoti
var hún líka mikið á þessum árum hjá föðurfólki sínu. Skólagangan var hefð-
bundið barna- og unglingaskólanám, að því
loknu landspróf og síðan burt farar próf frá
Kvenna skólanum á Blönduósi vorið 1965.
Hulda gifti sig ung, árið 1966, Baldri Ármanni
Þorvaldssyni frá Blönduósi. Hann var tvítugur,
hún var 18 ára. Baldur Ármann lést árið 1977.
Börn Huldu og Baldurs Ármanns eru Jónína og
Baldur Reynir. Baldur Reynir lést árið 2002.
Árið 1980 giftist Hulda Sigurgeiri Sverrissyni
frá Blönduósi. Þau bjuggu lengst af sinn búskap á
Ísafirði en þangað átti Sigurgeir rætur í móðurætt.
Eina dóttur áttu þau saman, Elísabetu Þórunni.
Hulda og Sigurgeir slitu samvistum árið 1993.
Sigurgeir lést árið 1995.
Hulda giftist árið 2000 Stefáni Jónassyni frá Siglufirði. Fyrst bjuggu þau á
Selfossi en komu norður og hófu starf og búsetu á Húnavöllum. Þar kenndi
Hulda handavinnu en hún var lagin í höndum, vand virk og listfeng. Frá
Húnavöllum fluttu þau á Blönduós og áttu þar sitt heimili síðast á Húnabraut
40. Hulda var vinnusöm og dugleg og vann alla tíð utan heimilis allt til þess
að hún lét af störfum vegna heilsubrests.
Hún andaðist á Heilbrigðisstofnuninni á Blönduósi og var útför hennar
gerð frá Blönduósskirkju þann 25. apríl.
Sr. Sveinbjörn Einarsson.