Húnavaka - 01.05.2010, Qupperneq 193

191H Ú N A V A K A
Laxárvatn rjúka. Hiti komst í 11 stig
og nýsnævi hvarf af láglendi. Hlýr
rok- og sólskinsdagur þann 12. og ég
sá kríuna. Rokmistur huldi Strandir
um kvöldið. Áfram stíf sunnanátt 13.
sem hrærði svo í Hafratjörn og
Laxárvatni að þau urðu kolmórauð.
Hiti að 13 stigum. Bjartur morgunn
14. og skyggni til ystu Stranda. Hiti
fór í 21 stig. Næstu dagar þurrir og
hlýir með 14-16 stiga hita. Svalur
dagur sá 19. með norðan þoku og 3.
stiga hita um kvöldið. Dagarnir til
mánaðamóta voru hagstæðir með
hæfilegu skúra veðri fyrir gróðurinn og
hiti oftast yfir 10 stigum að deginum.
Þó gránaði í fjöll aðfaranótt þess 25.
Segja má að tíðarfar frá 10. maí hafi
verið mjög hagstætt, sauðburðartíð
ágæt og gróðri fór vel fram.
Júní.
Fyrstu 10 dagar júní voru hæglátir
góðviðrisdagar, áttin stundum
suðvestlæg og hiti fór hæst í 18 stig
þann 10. Norðan gjóla og heldur
kaldara þann 11. en blíðir vordagar
12.-16. og hiti 12-14 stig. Þoka grúfði
að þann 17. og hiti um 10 stig og
rigndi um kvöldið. Norðan kuldagjóla
og bleytti þann 18. og hiti 8 stig. Fagur
sólskinsdagur sá 19. og hiti 17 stig.
Svipað veður 20. en rigndi um kvöldið.
Þann 22. stórrigndi síðdegis og enn
rigndi drjúgt 23., hiti 12 stig og vestan
golan gárar orðið punt á túninu.
Vorblíðan gælir við fénað og gróður
út mánuðinn, lengst af með 10-15
stiga hita. Bændur fluttu sauðfé á
afrétt undanfarna daga og margir
höfðu hafið slátt í mánaðarlokin þrátt
fyrir skúraveður.
Júlí.
Vaknaði þann fyrsta við sólskin á
glugga. Hiti 17 stig og það sá til sólar
í háloftið þar sem breitt var úr „maríu-
ull“. Vatnsnesið kafið mistur móðu
sem hylur Strandir með öllu. Góðviðri
næstu daga og fór hiti í 22 gráður
þann 5. Norðaustan andvari og þoku-
flekkir yfir flóanum þann 6., þokusuddi
aðfaranótt 7. Þá heitir sól skins dagar
til 13. Norðvestan regn og hiti 8 stig
þann 14. Kólguflekkir hanga í hlíðum
Langadals 15. og 16. og þoka læddist
inn að kvöldi 17. Létti til þann 18. og
hiti fór í 22 stig 19. Fagrir sól skins -
dagar til 22. Svalur regndagur 23. og
fór hiti í 2 stig um kvöldið. Síð an
komu svalir skúradagar. Logn vær
góðviðrisdagur 26. en breytilegt veður
þar sem skiptust á sólskinsglætur og
skúrir til mánaðamóta. Kvaddi mán -
uð urinn með þurrum svölum degi.
Ágúst.
Það rigndi drjúgt fyrsta ágúst og
hiti 10 stig. Góðviðri með skúrum
næstu daga en mikill suðaustan
þurrkur þann 5. og fór hiti í 22 stig.
Kvöldskúr. Þurrt en nokkuð hvasst og
fór hiti í 19 stig þann 6. en aftur
kvöldskúr. Rigning annað slagið en
sæmilega hlýtt næstu daga. Síðdegis
þann 10. brá ég mér suður í Mosfellsbæ
og þaðan upp að Fitjum í Skorradal
um kvöldið. Æskustöðvarnar skörtuðu
sínu fegursta. Dvaldi ég þarna tvo
daga og naut alúðargestrisni og góðrar
berjasprettu. Regnvott hér að morgni
14. Góðir dagar og hlýtt næstu daga
en síðdegisskúrir. Norðan kalsa regn
þann 20. og féll hiti í 2 stig um
kvöldið. Síðan góðviðri og hlýtt til 23.
Rok um allt land 24. og olli jafnvel
slys um. Rigndi um kvöldið. Aðgerðar-
litlir dagar 25. og 26. en hlýr síðsumar-
dagur 27. Kaldur og þokugrár 28.
Góð viðri og þurrt 29. og 30. en þung-