Húnavaka - 01.05.2010, Page 239

237H Ú N A V A K A
Hundur í óskilum.
Félagarnir sem skipa dúettinn
Hundur í óskilum komu í heimsókn í
skólann í marsmánuði. Þetta eru þeir
Eiríkur G. Stephensen og Hjörleifur
Hjartarson. Segja má að þeir hafi
farið á kostum í flutningi sínum og
haldið áhorfendum hugföngnum. Við
fengum að kynnast lúðrasveitinni
Eiríki, sirkusi sem sýndi áhættuatriði á
blokkflautu en á hana var leikið með
nefi, auga og nafla. Okkur var sýnt
fram á í tónum og tali hversu marg-
slungið og teygjanlegt listform tónlistin
er. Þessi heimsókn var á vegum verk-
efnisins „Tónlist fyrir alla“ og var að
venju afar vel heppnuð.
Skákmót.
Kjördæmismót í skólaskák fyrir
Norðurland vestra var haldið í
Húnavallaskóla seinni part vetrar.
Mótsstjóri var Jón Arnljótsson á Ytri-
Mælifellsá í Skagafirði. Eingöngu
nemend ur í Húna vallaskóla tóku þátt
í mótinu að þessu sinni. Í eldri flokki
sigraði Hjörtur Þór Magnússon og í
yngri flokki Guðmar Magni Óskarsson.
Þeir áunnu sér rétt til þátttöku
á landsmóti sem haldið var á
Akureyri dagana 30. apríl til 3.
maí. Hjörtur Þór tók þátt í
landsmótinu sem fulltrúi Norð-
urlands vestra og hlaut hann
einn og hálfan vinning. Það
verður að teljast mjög góð
frammistaða því þarna voru
saman komnir allir bestu
skákmenn landsins í þess um
aldurs flokki.

Íþróttamót.
Skólarnir í Húnavatnssýslum
héldu sitt árlega íþróttamót
fyrir nemendur í 7.-10. bekk
þann 2. mars. Mótið var haldið
á Húnavöllum og fóru Hún vellingar
með sigur af hólmi með 17,5 stig en í
öðru sæti var Grunnskóli Húnaþings
vestra með 16 stig. Að lokinni
íþróttakeppni var síðan haldið diskótek
undir styrkri stjórn Hinriks Norðfjörð
Valssonar danskennara.

Danskennsla.
Hinrik Norðfjörð Valsson dans-
kennari kom í sína árlegu heimsókn
að Húnavöllum síðustu vikuna fyrir
páskafrí. Að venju lauk kennslunni
með sýningu fyrir foreldra og ættingja
og að henni lokinni hófst páskafríið.
Stærðfræðikeppni.
Stærðfræðikeppni fyrir nemendur
úr 9. bekk er haldin á hverju ári. Þessi
keppni er samstarfsverkefni FNV,
grunnskóla, stofnana og fyrirtækja á
Norðurlandi vestra. Tveir nemendur
úr Húnavallaskóla komust í úrslit í
keppninni, þeir Brynjar Geir Ægisson
og Hjörtur Þór Magnússon. Þeir stóðu
sig prýðilega þó svo að þeir næðu ekki
í efstu sætin.
Kjördæmismót í skólaskák.