Húnavaka - 01.05.2010, Blaðsíða 255

253H Ú N A V A K A
8.700 manns við árslok en frá 6.
október til ársloka tók Greiðslustofan
við um 8.500 umsóknum um atvinnu-
leysistryggingar og átti umsóknum
eftir að fjölga enn frekar upp úr ára-
mótunum.
Umfang starfseminnar á Greiðslu-
stofu margfaldaðist því á þessum tíma
og samfara því voru umsækjendur
margir hverjir í áfalli yfir starfsmissi
og þekktu lítið til atvinnuleysis trygg-
ingakerfisins svo álag við upplýsinga-
gjöf og samskipti við umsækjendur
jókst einnig verulega. Á sama tíma
voru að auki innleidd bráðabirgðalög
um atvinnuleysistryggingar sem starfs-
fólk Vinnumálastofnunar um land allt
þurfti að tileinka sér. Starfsfólk
Greiðslu stofunnar vann því undir
gríðarlegu álagi og lagði á sig mikla
vinnu til að ná því takmarki sínu að
koma umsækjendum sem fyrst í
gegnum umsóknarferilinn og inn á
greiðslur. Með samhentu átaki
starfsmanna tókst skrifstofunni þannig
að sinna þessu verkefni nokkurn
veginn áfallalaust og tryggja um -
sækjendum framfærslu án verulegra
trafala. Til að létta lundina og draga
úr spennu gripu starfsmenn til þess að
taka létt box á morgnana, mæta í
furðufötum í vinnuna og dansa
kántrýdans þegar tækifæri gafst. Þessi
léttleiki gerði sitt til að halda uppi
starfsgleðinni og hjálpa til við að skila
góðu dagsverki þrátt fyrir erfiðar
aðstæður og ómælda vinnu.
Með fjölgun starfsmanna þurfti
einnig að huga að breytingum á
húsnæði stofnunarinnar en skrifstofan
var upphaflega staðsett á efstu hæðinni
á Túnbraut 1-3 og rúmaði hún ekki
þennan fjölda. Í fyrstu var farið í að
fullnýta rýmið á hæðinni en í
framhaldinu tók Vinnumálastofnun á
leigu húsnæði sem laust var á
jarðhæðinni í sama húsi og kom þar
upp skrifstofuaðstöðu til bráðabirgða
með sex starfsstöðvum fyrir bæði
Greiðslustofuna og þjónustuskrif stof-
una. Þar er nú aðsetur þjónustuskrif-
stofunnar fyrir Norðurland vestra og
móttaka fyrir atvinnuleitendur á
Skagaströnd.
Árið 2009.
Í upphafi árs 2009 var útlitið svart
í efnahagslífinu og spár um verulega
aukið atvinnuleysi í upphafi árs gengu
eftir. Framundan voru því annasamir
tímar á Greiðslustofunni. Á fyrstu
tveim ur mánuðum ársins tók Greiðslu-
stofan við tæplega 9.000 umsóknum
og fóru umsóknir ársins yfir 30.000.
Meðalfjöldi viðskiptavina á árinu
2009 var tæplega 16.000 manns og
fór fjöldi atvinnulausra mest í um
18.000. Fjárhæð sú sem greidd var í
atvinnuleysistryggingar fór í upphæðir
sem enginn hafði áður séð hjá
Atvinnuleysistryggingasjóði eða yfir 2
milljarða á mánuði.
Reyndi nú mjög á vönduð vinnu-
brögð og kom í ljós að starfsfólk
Greiðslu stofu bjó yfir miklum metnaði
og áhuga á að skila góðu starfi sem er
þakkarvert. Stofnunin var einnig afar
lánsöm með sumarafleysingafólk en
ungt fólk frá Skagaströnd og Blöndu-
ósi kom til starfa yfir sumartímann og
stóð sig með stakri prýði.
Að loknum sumarleyfum mættu
starfs menn endurnærðir til starfa og
haustið 2009 var starfsemin í meira
jafnvægi að nýju en skrifstofan var þó
að taka á móti um 2.000 umsóknum á
mánuði. Hafist var handa við að auka
eftirlit með greiðslum atvinnuleysis-
trygginga til að koma í veg fyrir mis-
notkun á atvinnuleysistrygginga kerf-