Húnavaka - 01.05.2010, Blaðsíða 259

257H Ú N A V A K A
Sauðárkróki sem annast þau verkefni.
Styrkirnir eru auglýstir einu sinni á ári
og er þeim úthlutað af Félags- og
trygginga málaráðherra til álitlegustu
viðskipta hugmyndanna sem falla að
skilyrðum um styrkina. Með ráðningu
sérfræðings í atvinnumálum kvenna
vorið 2008 var aukin þjónusta við
konur sem hyggja á rekstur bæði með
ráðgjöf og frekari upplýsingagjöf um
stofnun og rekstur fyrirtækja. Þá var
einnig sett upp heimasíða Atvinnumála
kvenna www.atvinnumalkvenna.is
sem veitir upplýsingar um styrkina og
margt annað gagnlegt sem snýr að
konum og rekstri.
Nú á þessum erfiðu tímum gera
flestir sér grein fyrir hvað það er mikil-
vægt að skapa störf og er óhætt að
segja að samfélagið í Austur-Húna-
vatnssýslu hefur notið góðs af því að
félagsmálaráðherra skyldi á sínum
tíma ákveða að staðsetja Greiðslustofu
Vinnumálastofnunar á Skagaströnd. Í
ekki stærra samfélagi þá hefur það
mikið vægi að á staðnum sé fyrirtæki
með slíkan starfsmannafjölda og má
þá einnig líta til þeirra áhrifa sem
umfang starfseminnar hefur á önnur
þjónustufyrirtæki á staðnum. Að sama
skapi er það fengur fyrir Vinnu mála-
stofnun að hafa komið sér fyrir með
þessa starfsemi á Skagaströnd því
stofnunin hefur fengið góðar móttökur
heimamanna og getað laðað til sín
úrvals starfsfólk.
Líney Árnadóttir, forstöðukona
Vinnumálastofnunar Norðurlandi vestra.
FÉLAG ELDRI BORGARA Í
HÚNAÞINGI.
Félagið er aðili að Landssambandi
eldri borgara sem vinnur að ýmsum
velferðar- og kjaramálum aldraðra í
landinu. Fundir Landssambandsins
eru annað hvort ár en formannafundir
árlega. Landsfundur var haldinn að
Hótel Örk í Hveragerði 13.-14. maí
2009. Hann sóttu nýkjörinn formaður,
Sigurjón Guðmundsson og Stefán
Hólm fulltrúi.
Heima fyrir starfaði félagið með
líkum hætti og áður. Félagar eru nú
tæplega eitt hundrað talsins. Nokkur
hópur fór á Örkina 22.-27. febrúar.
Það er alltaf vinsæl upplyfting fyrir
þátttakendur. Fyrsta september fór
um þrjátíu manna hópur eldri borgara
í Borgarfjörðinn. Lionsklúbburinn var
styrktar- og samstarfsaðili þessarar
ferðar. Ferðanefndin með Öldu í
fararbroddi skipulagði ferðina af
alkunnum skörungsskap. Fengum við
ágæta súpu í Hraunsnefi á suðurleið
og vertinn sagði okkur frá viðskiptum
sínum við álfa. Síðan var haldið í
Borgarnes og sýningin „Börn í
hundrað ár“ skoðuð. Nokkur hópur
fór að Hvanneyri og skoðaði Ullar- og
búvélasafnið. Kvöldverður var snædd-
ur á Hótel Venus og síðan ekið heim
eftir vel heppnaða ferð.
Nokkur hópur eldri borgara æfir
leikfimi einu sinni í viku undir stjórn
Ingunnar Maríu Björnsdóttur.
Aðventufagnaður var haldinn að
Hótel Blönduósi 4. desember. Kór
eldri borgara söng nokkur lög. Leik-
fimihópurinn undir stjórn Ingunnar
Maríu sýndi dans, formaðurinn sagði
frá Finnlandsferð Karlakórs Bólstaðar-
hlíðarhrepps og Sigursteinn sýndi
nýja ferðamynd frá siglingu á Dóná.
Kór eldri borgara á Akureyri kom
við hjá okkur á heimleið, 27. maí, að
aflokinni söngferð um Borgarfjörð.
Við í eldriborgara kórnum tókum á
móti þeim og veittum þeim kaffi í sal
Harmonikkufélagsins að Þverbraut 1.