Húnavaka - 01.05.2010, Síða 290

H Ú N A V A K A 288
áætlað að „Þórdís spákona“ verði til-
búin og komin til Skagastrandar á
vor mánuðum 2010. Ætlunin er að
afsteypan af Þórdísi verði miðpunktur
í Þórdísarstofu í Spákonuhofinu í
framtíðinni.
Dagný M. Sigmarsdóttir, verkefnisstjóri.
Nes listamiðstöð ehf.
Nes listamiðstöð á Skagaströnd
verður tveggja ára 6. mars 2010.
Óhætt er að segja að Skagstrendingar
sem og allir Húnvetningar hafi tekið
listamiðstöðinni opnum örmum á
þeim tíma sem liðin er frá stofnun
Ness. Hingað til hafa rúmlega tvö
þúsund manns heimsótt listamið-
stöðina og notið menningar í víðustu
merkingu þess orðs á viðburðum, s.s.
Opnu húsi að Fjörubraut, mynd listar-
sýningum í Gamla kaupfélaginu,
tónleikum og fyrirlestrum í Kántrýbæ,
listrænum uppákomum á víðavangi,
fyrirlestrum og námskeiðum í grunn-
skólanum og fullorð insnám skeið um í
olíumálun í gamla Hólanes frysti-
húsinu.
Þegar Nes listamiðstöð var stofnuð
gerðust hlutirnir hratt. Sumarið var í
nánd og fyrstu listamennirnir komu til
dvalar í miðstöðinni á sjómannadaginn
1. júní 2008. Í fyrstu var tekið á móti
fimm til átta listamönnum í mánuði
en á vormánuðum 2009 var ljóst að
tvöfalda þyrfti starfsemina til að geta
annað eftirspurn. Frá 1. maí 2009
hefur verið hægt að taka á móti fimm-
tán manns mánaðarlega og voru sum-
ar- og haustmánuðirnir fullskipaðir.
Orðstír okkar hefur borist um allan
heim og það er ekkert lát á þeim
listamönnum sem vilja koma og dvelja
í einn til sex mánuði í listamið stöð-
inni.
Hrafnhildur Sigurðardóttir.
Sjómannadagurinn á Skagaströnd í 70 ár.
Á vormánuðum kom út bókin Sjó-
mannadagurinn á Skagaströnd í 70
ár. Höfundur er heimamaðurinn
Lárus Ægir Guðmundsson. Í bókinni,
sem er veglega prýdd myndum, er
rakin saga hátíðarhalda á sjómanna-
daginn frá því um 1940 og til okkar
tíma. Þar er getið ræðumanna, dag-
skráratriða og þeirra sem heiðraðir
hafa verið svo eitthvað sé nefnt.
MBJ/IG.
Opið hús í Nes listamiðstöð. Ljósm.: Signý Richter.