Lögmannablaðið - 01.06.2002, Side 4

2 / 2 0 0 24
FRÁ R ITST JÓRN:
RITNEFND LMFÍ hefur undir forysturitstjóra breytt útliti blaðsins talsvert
eins og blað þetta ber með sér. Efni þess
hefur líka breyst að einhverju leyti, enda er
það stefna ritnefndar að auka þá sérstöðu
sem Lögmannablaðið hefur gagnvart öðrum
tímaritum á sviðum lögfræði. Sérstaða
blaðsins á að vera fólgin í aukinni þjónustu
við félagsmenn, með umfjöllun um það sem
efst er á baugi í félagsmálum LMFÍ og svo
almennt í þjóðfélaginu hverju sinni. Lög-
menn eru hvattir til þess að taka þátt í útgáfu
þessa blaðs með greinaskrifum, með því
móti getur blaðið betur endurspeglað áhuga
félagsmanna á ólíkum hugðarefnum.
Meðal efnis í blaði þessu eru greinar sem
koma inn á aukinn áhuga almennings á
dómsmálum og hlutverk lögmanna í fjöl-
miðlaumfjöllun um einstök mál.
Undanfarnar vikur hefur mikil umræða
verið meðal almennings um ósamræmi í
refsingum. Þannig bárust þær fréttir nýlega
að um 20.000 manns hefðu skrifað undir
áskorun til dómsmálaráðherra um harðari
refsingar í kynferðisbrotamálum. Verður efni
næsta málþings LMFÍ og dómarafélags Ís-
lands, sem haldið verður þann 7. júní nk.,
helgað umræðunni um glæp og refsingu. Þar
hlýtur að vera komið inn á hvaða áhrif fjöl-
miðlaumfjöllun um einstök refsimál getur
haft.
Þáttur lögfræði hefur aukist mjög í fjöl-
miðlum og nú er svo komið að það eru ekki
bara refsimál sem þykja fréttnæm, heldur
flest dómsmál, t.d. var birt stór frétt í Morg-
unblaðinu um að Lífeyrissjóður Norðurlands
stæði í málaferlum í Bandaríkjunum. Þá
hefur það færst í vöxt að málflutningur hefj-
ist jafnvel í fjölmiðlum, áður en mál er
höfðað. Það er umhugsunarefni hvort það
teljist nú hluti af skyldum lögmanna að þeir
standi fyrir máli umbjóðanda sinna í fjöl-
miðlum? Ef viðkomandi lögmaður vill ekki
taka slíkt hlutverk að sér, er hann þá ekki að
sinna sínu starfi? Rétt er að benda í þessu
sambandi á dóm Hæstaréttar í máli þar sem
lögmaður talaði máli skjólstæðings síns í
fjölmiðlum eftir að dómsniðurstaða var
fengin. Hér vaknar sú spurning, hvort mis-
munandi reglur gildi eða eigi að gilda eftir
því hvar málið er í dómskerfinu og á hvaða
tímapunkti lögmanni sé rétt að fara í fjöl-
miðla. Í pistli formanns félagsins fjallar hann
m.a. um þörfina á því að siðareglur séu lag-
aðar að breyttum aðstæðum. Ástæða er til
þess að skoða hvort 5. gr. siðareglna lög-
manna sé fullnægjandi í ljósi aukins áhuga
fjölmiðla á umfjöllun um dómsmál.
Skorað er á lögmenn að fylgjast með um-
ræðunni og mæta á málþingið.
Guðrún Björg Birgisdóttir hdl.