Lögmannablaðið - 01.10.2006, Page 4

 < LÖGMANNABLAÐIÐ – 3 / 2006
Frá rit­st­jórn
Hrafnhildur Stefáns­dóttir hrl.
Efni þessa blaðs er afar fjölbreytt og endurspeglar vel það
hlutverk Lögmannablaðsins að vera lifandi vettvangur
umræðu og upplýsinga um málefni sem varða lögmenn
og störf þeirra. Við köllum það gjarnan fagtengt efni. Þá
miðlar blaðið einnig upplýsingum af viðburðum í félags-
lífi lögmanna. Hópar á vegum Lögmannafélagsins hafa
nú bæði klifið hæsta tind landsins, heimsótt starfssystkini
í San Francisco og keppt í golfi og fótbolta. Þessi starf-
semi er mikilsverður liður í tengslamyndun lögmanna inn-
byrðis. Mikilvægi tenglamyndunar er efni pistils Helga
Jóhannessonar, formanns lögmannafélagsins. Hann bendir
á að tengslamyndun milli lögmanna sé ekki síður mikilvæg
en að halda og styrkja tengslanet við viðskiptavinina.
Markaðsmálin verða líka sífellt mikilvægari og þá skiptir
tengslamyndun miklu ekki síður fyrir lögmenn en önnur
fyrirtæki. Það þarf, eins og fram kemur hjá formanninum,
bæði að halda tengslum við viðskiptavinina sem þegar eru
í viðskiptum við stofurnar og mynda ný tengsl vegna nýrra
verkefna. Menn geti ekki skellt skollaeyrum við þessu.
Markaðssetning lögmannsstofa virðist annars vera mjög
hófstillt. Menn hafa tekið mið af ákvæðum siðareglna
lögmanna sem segja að lögmaður megi auglýsa og kynna
þjónustu sína svo sem samrýmist góðum lögmannsháttum.
Lítið hefur verið um beinar auglýsingar í dagblöðum, hvað
þá heilsíðumynd af syrgjandi ekkju eins og birtist t.d. í
Berlinske tidende á dögunum með auglýsingu um ráðgjöf
í erfðamálum. Það vekur spurningu um það hvort íslenskir
lögmenn þurfi almennt ekki að auglýsa þjónustu sína eða
þeir telji siðareglurnar setja sér skorður í því efni.
Nýr úrskurður úrskurðarnefndar lögmanna er umfjöllun-
arefni framkvæmdastjóra félagsins og beinir ljósi að ábyrgð
sjálfstætt starfandi lögmanna á fulltrúum og skýrir hana.
Mikilvægt er að fá leiðbeiningar í þessu efni en með fjölg-
un lögmanna og stækkun lögmannsstofa hefur lögmönnum
sem starfa sem launþegar á lögmannsstofum, og falla undir
undanþáguheimildir 2. tl. 2. mgr. 12. gr. lögmannalaga,
fjölgað og eru nú rúmlega eitt hundrað, auk þess sem tala
löglærðra fulltrúa skiptir tugum.
Lögmannablaðið er kjörinn vettvangur lögfræðilegrar
umræðu. Ég tel afar mikilvægt að lögmenn og aðrir lög-
fræðingar fjalli um og skiptist á skoðunum um lögfræðileg
málefni. Í blaðinu eru að þessu sinni fjórar slíkar greinar,
sem ástæða er til að vekja athygli á. Þessi vettvangur er
ekki aðeins opinn fyrir lögmenn. Aðrir geta einnig sent inn
greinar.
Þá er það nýmæli að fjallað er um nýja löggjöf. Markmiðið
er að gefa yfirlit yfir lög samþykkt á síðasta þingi og sem
geta haft þýðingu fyrir lögmenn. Lögmannablaðið miðlar
einnig fróðleik um fundi og ráðstefnur samanber umfjöllun
í blaðinu.
Umfjöllun um málefni lögmanna og lögmannsstofa í
erlendum viðskiptablöðum hefur vakið athygli mína enda
er slík umfjöllun fátíð hér á landi. Börsen, danska við-
skiptablaðið, birti nýlega heilsíðugrein undir yfirskriftinni:
Fleiri vilja verða lögmenn. Þar er sagt frá aukinni aðsókn að
réttindanámskeiðunum, góðum atvinnuhorfum ungra lög-
manna og áherslur stofanna við val á milli umsækjenda.
Námsárangur, persónuleiki og heildarmat á því hvernig við-
komandi kemur fyrir, reynsla af námi eða starfi erlendis
og jafnvel hvort viðkomandi hafi gott viðskiptavit er nefnt
þótt matið sé auðvitað mismunandi eftir stofum. Í greininni
kemur einnig fram að laun fulltrúa taki yfirleitt mið af ráð-
gjöf lögmannafélagsins sem mæli með að launin séu 31.000
dkr. á mánuði fyrir fyrsta árs fulltrúa, 34.600 fyrir annars árs
fulltrúa og 38.500 fyrir þriðja árs fulltrúa. Samkeppnislög
eru því augljóslega ekki talin ná til samræmingar á launa-
kostnaði.