Lögmannablaðið - 01.10.2006, Page 28
2 < LÖGMANNABLAÐIÐ – 3 / 2006
Á síðasta þingi var samþykktur fjöldi
nýrra laga sem eru áhugaverð fyrir
lögmenn. Hér á eftir verður leitast við
að gera grein fyrir nokkrum af þeim
nýmælum sem í lögunum felast.
Lög nr. 139/2005
Um starfsmannaleigur
Í lögunum er kveðið á um að hver sá
sem vill veita starfsmannaleiguþjón-
ustu hér á landi skuli tilkynna um það
til Vinnumálastofnunar áður en starf-
semi hefst. Með lögunum er starfsemi
starfsmannaleiga frá öðrum ríkjum en
EES-ríkjunum óheimil nema samn-
ingar sem Ísland á aðild að heimili
slíkt. Þá er kveðið á um að starfs-
mannaleiga skuli hafa fulltrúa hér á
landi. Vinnumálastofnun hefur eftirlit
með framkvæmd laganna og ber starfs-
mannaleigu að afhenda Vinnumála-
stofnun þær upplýsingar er stofnunin
telur nauðsynlegar þ.m.t. ráðningar-
samninga. Hafi Vinnumálastofnun
krafist þess með hæfilegum fyrirvara
að starfsmannaleiga fari að lögum og
úrbætur hafa ekki verið gerðar, getur
Vinnumálastofnun krafist þess að lög-
regla stöðvi vinnu tímabundið eða loki
starfsemi starfsmannaleigunnar tíma-
bundið þangað til úrbætur hafa verið
gerðar.
Lög nr. 9/2006
Breytingar á höfundalögum
nr. 73/ 1972
Með lögunum eru rýmkaðar heim-
ildir einstaklinga til eftirgerðar eintaka
af birtum verkum frá því sem nú er,
þannig að fjöldatakmörkun eintaka
er afnumin. Verða verkin þó að vera
til einkanota eingöngu, og ekki gerð í
fjárhagslegum tilgangi. Í lögunum er
einnig að finna svokallaða „tæmingar-
reglu“ sem kveður á um að hafi eintak
af verki með samþykki höfundar verið
selt eða með öðrum hætti framselt til
annarra innan Evrópska efnahagssvæð-
isins, sé frekari dreifing þess heimil.
Kveða lögin á um að óheimilt sé að
sniðganga tæknilegar ráðstafanir sem
Nýsamþykkt lög frá Alþingi
eru ætlaðar til þess að vernda verk svo
og að framleiða, flytja inn, dreifa, selja,
leigja, auglýsa til sölu eða leigu eða
eiga í viðskiptalegum tilgangi búnað,
vörur eða íhluti sem eru kynnt eða
auglýst eða framleidd í því skyni að
komast fram hjá tæknilegum ráðstöf-
unum. Slík eintakagerð einstaklinga er
þó refsilaus. Bannið gildir þó ekki um
vernd tölvuforrita.
Lög nr. 21/2006
Breytingar á lögum nr. 47/1993
um frjálsan atvinnu- og búsetu-
rétt launafólks innan Evrópska
efnahagssvæðisins, og lögum
nr. 37/2002 um atvinnuréttindi
útlendinga.
Lög þessi leggja þá skyldu á at-
vinnurekanda að tilkynna til Vinnu-
málastofnunar um ráðningu rík-
isborgara Eistlands, Lettlands, Lit-
háens, Póllands, Slóvakíu, Slóveníu,
Tékklands eða Ungverjalands til starfa
fram til 1. maí 2009. Tilkynningunni
skal fylgja ráðningarsamningur sem
tryggi útlendingnum laun og önnur
starfskjör samkvæmt íslenskum lögum
og kjarasamningum. Þá skal vinnu-
málastofnun afhenda stéttarfélagi í
viðkomandi starfsgrein á svæði því
sem útlendingur skv. 1. mgr. starfar á
afrit af ráðningarsamningi útlendings-
ins óski stéttarfélagið eftir því enda
liggi fyrir grunur um brot á gildandi
kjarasamningi.
Lög nr. 53/2006
Öflun sönnunargagna vegna ætlaðra
brota á hugverkaréttindum.
Í lögunum er kveðið á um að ef sá sem
telur sig rétthafa hugverkaréttinda eða
sá sem lögum samkvæmt hefur heim-
ild til að hagnýta þau, gerir sennilegt
að einhver hafi brotið gegn þeim rétt-
indum er heimilt að kröfu hans sem
gerðarbeiðanda að afla sönnunargagna
samkvæmt lögunum hjá viðkomandi
sem gerðarþola. Sýslumenn og lög-
lærðir fulltrúar þeirra veita atbeina til
öflunar sönnunargagna á grundvelli
laganna að undangengnum dóms-
úrskurði. Sönnunar verður aflað á stað
sem gerðarþoli hefur umráð yfir með
athugun á öllum þeim gögnum og
tækjum sem haft geta þýðingu við mat
á því hvort og í hvaða mæli brotið hafi
verið gegn hugverkaréttindum. Nær
könnunin meðal annars til söluvöru,
véla og framleiðslutækja, bókhalds-
gagna, pöntunarseðla og kynning-
arefnis