Lögmannablaðið - 01.10.2006, Qupperneq 16
6 < LÖGMANNABLAÐIÐ – 3 / 2006
Minningarmót
Golfsumar LMFÍ hófst með
minningarmóti um þá Guðmund
Markússon, hrl., og Ólaf Axelsson,
hrl. Mótið fór fram á Strandarvelli við
Hellu fimmtudaginn 8. júní. Eftir
góðan og hressandi skúr í upphafi
móts voru allar golfaðstæður hinar
bestu og völlurinn í fínu standi. Alls
voru 15 keppendur að þessu sinni, sem
er óvenju fámennt, og vekur upp þá
spurningu hvort lögmenn séu eitthvað
linir ef veðurhorfur eru ekki upp á það
allra besta.
Úrslit urðu þessi:
Í keppni um Guðmundarbikarinn
(án forgjafar)
1. Gísli G. Hall 27 p.
2. Rúnar Guðmundsson 25 -
3. Jóhannes Eiríksson 23 -
Í keppni um Óla Axels bikarinn
(með forgjöf )
1. Brynjar Níelsson 34 p.
2. Gísli G. Hall 33 -
3. Guðmundur B. Ólafsson 33 -
Gísli hafði fleiri punkta á seinni níu
holunum.
Dentalexbikarinn er
okkar!
Lögmenn hafa síðustu ár keppt í fjór-
leik við tannlækna, lækna og end-
urskoðendur. Fyrsta keppnin, fjórleik-
ur við tannlækna, fór að þessu sinni
fram í Grindavík 20. júní í allgóðu
vorveðri sem endaði í haugarigningu.
Átján leikmenn mættu fyrir hönd
lögmanna og jafnmargir tannlæknar.
Viðbúnaður var mikill og var kallað
á tvær kempur úr Hæstarétti, þá Jón
Steinar Gunnlaugsson og Ólaf Börk
Þorvaldsson, til að styrkja lið lög-
manna. Lögmönnum hefur gengið vel
með tannlækna síðustu ár og ljóst var
að bikar sem keppt hefur verið um frá
árinu 1990 gæti unnist til eignar
ef við hefðum betur í ár. Fór svo
að lögmenn knúðu með harðfylgi
fram sigur með litlum mun eða
fjórum vinningum á móti fimm.
Tannlæknar gefa næsta bikar og
hótuðu grimmilegum hefndum.
Völlurinn í Grindavík var frábær og
móttökur allar hinar bestu.
Lögmenn kepptu við lækna á
Strandarvellinum á Hellu í byrjun júlí
og töpuðu að þessu sinni. Fyrirhugaðri
keppni við endurskoðendur sem átti
að halda 24. ágúst á Kiðjabergsvelli var
síðan frestað. Þegar nær dró leikdegi
varð ljóst að endurskoðendur voru
svo fáliðaðir að ekki var um annað að
ræða en að afbóka völlinn og aflýsa
keppninni. Í viðræðum um nýjan leik-
dag voru keppendur komnir svo langt
fram á haustið að rétt þótti að fresta
leiknum þetta árið. Lagt hefur verið
að endurskoðendum að nota veturinn
vel og koma með tillögu að leikdegi
næsta sumar.
Meistaramót LMFÍ
Meistaramótið var haldið föstudaginn
1. september á Garðavelli Leynismanna
á Akranesi. Veður var hið besta og
þátttakendur 25 sem allir luku keppni
með sæmd.
Meistari LMFÍ þetta árið varð Jóhannes
Karl Sveinsson en úrslit urðu annars
sem hér segir:
Með forgjöf
Jóhannes Karl Sveinsson 71
Geir Gestsson 72
Indriði Þorkelsson 73
Án forgjafar
Gísli Guðni Hall 80
Ásgeir Eiríksson 81
Jóhannes Karl Sveinsson 83
Í skálanum beið keppenda vel grillað
folaldafille og öl að hætti hússins en
styrktaraðili mótsins var KB banki hf.
Golfmót
LMFÍ 2006
Verðlaunahafar á minningarmóti
um Guðmund Markússon og Ólaf
Axelsson. Fv. Guðmundur B. Ólafsson,
Brynjar Níelsson, Gísli G. Hall, Rúnar
Guðmundsson og Jóhannes Eiríksson.
Keppendur á minningarmóti um
Guðmund Markússon, hrl., og
Ólaf Axelsson, hrl.
Skrifstofuherbergi til leigu
Til leigu eru tvö herbergi á annari hæð að
Austurströnd 3, Seltjarnarnesi. Henta vel fyrir
lögmannsstofur.
Lög & réttur ehf. – Sími: 561 5525.