Víkurfréttir - 27.12.2012, Blaðsíða 8

fimmtudagurinn 27. desember 2012 • VÍKURFRÉTTIR8
Í fjárhagsáætlun Reykjanes-bæjar fyrir árið 2013 er m.a.
gert ráð fyrir stórbættum al-
menningssamgöngum með 30
mínútna leiðarkerfi, styttri tíma
á milli kjarna í Reykjanesbæ og
Taxibus í Hafnir! Þjónustutími
verður lengdur. Áfram verður
ókeypis í strætó í Reykjanesbæ.
Í nýsamþykktri fjárhagsáætlun
fyrir árið 2013 er gert ráð
fyrir að áfram takist að skila
rekstrarafgangi hjá bæjarsjóði.
„Þetta tekst þrátt fyrir að verulega
sé aukinn stuðningur við þau
verkefni sem sveitarfélagið hefur
lagt áherslu á undanfarin ár,
þ.e. forvarnir í þágu barna og
unglinga, menntun, íþróttir, sam-
göngur og umhverfisbætur auk
fjölbreytts menningarstarfs",
segir í bókun sjálfstæðismanna.
Þar segir ennfremur m.a. að í
baráttu Reykjanesbæjar undan-
farin ár hafi þrautseigja verið
mikilvægasti efniviðurinn.
„Þrátt fyrir að atvinnuverkefni
hafi dregist langt umfram vænt-
ingar heimamanna hefur tekist í
miðri kreppu að reka bæjarsjóð
með rekstrarafgangi undan-
farin tvö ár en verja þjónustu
við barnafjölskyldur og auka
árangur grunnmenntunar.“
Fjöldi dæma úr fjárhagsáætlun
eru nefnd í bókun sjálfstæðis-
manna. Þar má nefna:
n Nýstofnað Ungmennaráð
Reykjanesbæjar lagði fram hug-
myndir um úrbætur sem snúa
að unglingum í lok ársins 2012.
Umfangsmestu tillögurnar varða
bættar almenningssamgöngur.
Miklar umbætur munu eiga sér
stað á því sviði strax í janúar 2013.
n Almenningssamgöngur verða
því stórbættar á nýju ári, 30
mínútna leiðarkerfi, styttri tími
á milli kjarna í Reykjanesbæ og
Taxibus í Hafnir! Þjónustutími
verður lengdur. Áfram verður
ókeypis í strætó í Reykjanesbæ.
n Umönnunargreiðslur til for-
eldra hækka úr 25 þús kr. í
35 þús kr. á mánuði, sem eins
og áður eru greiddar til for-
eldra eða dagforeldra frá því
að fæðingarorlofi lýkur og þar
til barnið byrjar í leikskóla.
n Áfram verður áhersla á að
bæta skólastarfið og styrkja inn-
viði menntunar. Lögð verður
áhersla á að bæta kennslubúnað
í skólum og starfshlutfall
tölvuumsjónarmanna í grunn-
skólum verður aukið.
n Reykjanesbær mun ljúka við
byggingu 60 rúma hjúkrunar-
heimilis að Nesvöllum, sem er
fyrsta sérbyggða hjúkrunar-
heimilið í Reykjanesbæ.
n Rekstrarsamningar við
knattspyrnudeildir Kefla-
víkur og UMFN verða settir
aftur í fyrra horf eftir 17%
skerðingu síðustu 3 ár.
n Tómstundasjóður verður
efldur til að geta gert samninga
á ný við tómstundafélög.
n Framlög til Íþróttasjóðs verða
nær tvöfölduð en þar skiptir
mestu um 50% hækkun á þjálfara-
styrk sem ætlað er að tryggja vel
menntaða þjálfara í þágu barna-
og unglingastarfs íþróttafélaganna.
n Til viðbótar við aðra beina
styrki til íþrótta- og tómstundafé-
laga, er stefnt á að taka upp hvata-
greiðslur að nýju næsta haust.
Þar gefst börnum og unglingum
færi á að nýta ákveðna upphæð til
niðurgreiðslu á íþrótta-, list- eða
tómstundagrein að eigin vali. Að-
staða fyrir bardagaíþróttir hefur
verið bætt, (júdó og taekwondo)
sem munu á næsta ári geta æft
við viðunandi aðstæður og eflt
um leið félagsstarf deildanna.
n Áfram verður unnið að um-
hverfisverkefnum í bænum,
aðkomur í bæinn gerðar fallegri,
heilsustígar tengdir um bæinn og
átaki í gróðurrækt haldið áfram.
n Framlög til atvinnuátaksverk-
efna verða aukin – í gegnum garð-
yrkjudeild, félagsþjónustu, verk-
efnið Virkni-vinna og sérstakan
atvinnuátakslykil. Með verkefninu
Vinna og virkni 2013, mun
Reykjanesbær ábyrgjast störf fyrir
allt að 60 einstaklinga, sem nú eru
að missa atvinnubótarétt sinn.
n Í bókuninni segir enn fremur:
Mestu skiptir að koma öflugum
atvinnutækifærum áfram. Verk-
efni í Helguvík á næsta ári
tengjast vinnu við framþróun
álvers, kísilvers, græns efnagarðs,
vatnsútflutnings o.fl. sem unnið
hefur verið að. Gert er ráð fyrir að
a.m.k. tvö þessara verkefna kalli
eftir störfum við framkvæmdir á
næsta ári. Á Ásbrú er áfram unnið
að þróun svæðisins sem samfélags
frumkvöðla, fræða og atvinnulífs
með skólafélagið Keili í miðpunkti.
Þar er áhersla lögð á háskólabrú,
flugtengda starfsemi, heilsu-
verkefni og tæknitengt nám. Á
Reykjanesi er verið að stækka
orkuverið, byggja upp stóra fisk-
eldisstöð og aðstöðu til fullvinnslu
sjávarafurða, tengt grænni orku.
Unnar verða vinnumarkaðsrann-
sóknir m.a. til að styðja frekar
tengsl atvinnulífs og menntunar.
n Fjárhagsáætlun bæjarsjóðs Reykjanesbæjar skilar rekstrarafgangi þriðja árið í röð:
n Bókun bæjarfulltrúa Samfylkingarinnar:
Stórbættar almenningssamgöngur
Einkennist af óvissuþáttum
Fjárhagsáætlun Reykjanesbæjar fyrið árið 2012 bar með sér að skuldavandi sveitarfélagsins var orðinn það
mikill að meirihluti sjálfstæðismanna stefndi í nýjar hæðir
í sölu eigna Reykjanesbæjar á árinu.
Fjárhagsáætlun sjálfstæðismanna fyrir árið 2012 einkenndist
af tvennu, sölu eigna fyrir um tæpa 8 milljarða og yfirtöku
eigna Eignarhaldsfélagsins Fasteignar hf. Eins og oft áður þá
gengu áætlanir sjálfstæðismanna ekki eftir.
Fjárhagsáætlun sjálfstæðismanna í Reykjanesbæ 2013 ein-
kennist enn eitt árið af sömu óvissuþáttunum er lúta að
eignasölu og yfirfærslu eigna. Það er algjörlega óásættanlegt
að fjármagnsliðir skuli enn og aftur vera í talsverðri óvissu.
Ef áætlunin skyldi aldrei þessu vant ganga að fullu eftir má
gera ráð fyrir að skuldir bæjarsjóðs verði um 20 milljarðar
að eignasölu meirihlutans lokinni en það dugar samt ekki til
þess að daglegur rekstur sveitarfélagsins nái jafnvægi.
Fjárhagsáætlun Reykjanesbæjar 2013 ber keim af erfiðleikum
og þröngri stöðu í fjármálum sveitarfélagsins. Lítið svig-
rúm er til framkvæmda, á flestum sviðum er komið að ystu
brún og enn þrengir að. Skuldir sveitarfélagsins hafa lækkað
nokkuð en ekki nægjanlega til að koma skuldahlutfalli niður
fyrir 230%. Rekstur bæjarsjóðs er enn þungur og verður svo
næstu árin. Áætlunin gerir ráð fyrir að afkoma fyrir afskriftir
og fjármagnsliði um 7% árið 2013 sem er ekki nægjanlegt til
að standa undir fjárskuldbindingum bæjarins.
Fjárhagsáætlunin gerir heldur ekki ráð fyrir lækkun skulda
samrekinna fyrirtækja eins og hjá DS, BS og Kölku né heldur
væntanlegum framkvæmdum við nýtt tjaldstæði bæjar-
félagsins. Rekstur B-hluta fyrirtækja er þó sínu verri og
hallarekstur verð viðvarandi áfram. Staða Reykjaneshafnar er
sérstaklega erfið og ljóst að þar mun Reykjanesbær þurfa að
leggja til fé jafnvel á næsta ári ef áætlanir um álver standast.
Fasteignir Reykjanesbæjar eru í slæmri stöðu og það er ljóst
að fjármagna þarf hallarekstur fyrri ára en ekki er gert ráð
fyrir því í þessari fjárhagsáætlun fyrir árið 2013.
Samfylkingin hefur undanfarin ár gagnrýnt harðlega fjár-
málastjórn meirihluta sjálfstæðismanna. Varað við þeim
afleiðingum er slík óstjórn kynni að hafa um leið og lagðar
hafa verið fram tillögur er afstýrt hefði mögum þeirra vanda-
mála er hvað þyngst hvíla á rekstri bæjarsjóðs nú. Nægir þar
að nefna málefni Reykjaneshafna, sölu bæjarins á hlut sínum
í Hitaveitu Suðurnesja og gengdarlausar fasteignabyggingar
í skjóli Fasteignar ehf. sem nú er komin að fótum fram.
Meirihlutar sjálfstæðismanna hafa valið að fara sínu fram
og hlusta ekki. Niðurstaðan er öllum ljós í fjárhagsáætlun
þeirri er hér er lögð fram. Það mun taka íbúa Reykjanesbæjar
áratugi að greiða niður þær skuldir er sjálfstæðismenn hafa
stofnað til. Sú ábyrgð er mikil að hafa tekið stefnu flokksins
fram yfir hagsmuni bæjarbúa.
Annað árið í röð leggja bæjarfulltrúar Samfylkingarinnar
fram tillögur að breytingum á einstökum liðum fjárhags-
áætlunar þar sem lagt er m.a. til að Reykjanesbær lækki
styrki til stjórnmálaflokka og minnki framlag til kynningar-
mála, auki framlag til atvinnuátaks og að auknu fé verði varið
til barna- og ungmennastarfs – einnig að fé verði veitt til
stefnumótunar í ferðaþjónustu – ört vaxandi atvinnugrein á
Suðurnesjum.
Friðjón Einarsson
Eysteinn Eyjólfsson
Hjörtur M Guðbjartsson
ÁRAMÓTABLAÐIÐ