Nesfréttir - 01.03.2015, Blaðsíða 16

16 Nes ­frétt ir
www.borgarblod.is
Nesvegur 100
Símar 562-1070, 896-4243
Opið virka daga kl. 10 - 18:30
MIKIÐ ÚRVAL SPENNANDI FISKRÉTTA
VERIÐ VELKOMIN
FERSKUR FISKUR
DAGLEGA
Það var líf og fjör í
íþróttahúsinu í Mýrinni Garðabæ
þegar Skólahreysti hóf göngu
sína í ár. Ellefu skólar úr
vesturhluta Reykjavíkur og af Selt-
jarnarnesi kepptu í fjórða undan-
riðli keppninnar. Íþróttahúsið var
fullt af litríkum stuðningsmönnum
sem létu ekki sitt eftir liggja og
studdu skóla sína af lífi og sál.
Skólahreysti er nú haldin í
ellefta sinn í ár með þátttöku yfir
100 grunnskóla af öllu landinu.
Landsbankinn er sem fyrr aðal-
bakhjarl Skólahreysti og mun fylgja
keppninni um allt land.
Skólarnir ellefu sem mættust
í keppninni í gær voru Austur-
bæjarskóli, Hagaskóli, Háaleitis-
skóli, Háteigsskóli, Hlíðaskóli,
Landakotsskóli, Langholtsskóli,
Laugalækjarskóli, Réttarholtsskóli,
Valhúsaskóli og Vogaskóli. Eftir
gríðarmikla baráttu var það lið
Valhúsaskóla sem vann riðilinn
með 56 stigum og komst í úrslit
Skólahreysti annað árið í röð. Í öðru
sæti varð Réttarholtsskóli með 52
stig og í þriðja sæti varð Hagaskóli
með 47,5 stig. Réttarholtsskóli á
enn möguleika að komast í úrslit
sem eitt af tveimur stigahæstu
liðum sem ekki komast sjálfkrafa
áfram sem sigurvegarar.
Keppendur í liði Valhúsaskóla
hafa unnið sér inn þátttökurétt í
úrslitakeppni Skólahreysti 2015
sem verður 22. apríl og sýnd í
beinni útsendingu á RÚV úr Laugar-
dalshöll. Landsbankinn veitti liðum
í þremur efstu sætum undanriðla
vegleg verðlaun. Þá stóð bankinn
einnig fyrir Instagram-myndakeppni
á hverjum viðburði en áhorfendur
geta sent inn myndir merktar
skolahreysti og bestu myndirnar
eru verðlaunaðar á hverjum stað.
Valhúsaskóli í úrslit
Skólahreysti
Seltirningar geta verið stoltir af því að
tómstundastyrkur fyrir börn og unglinga er 50.000
krónur á ári sem er mun hærra en gengur og gerist í
nágrannasveitarfélögunum. Það er engu að síður
áhyggjuefni hversu lágt hlutfall barna og unglinga nýtir
sér styrkinn, en samkvæmt tölum frá Seltjarnarnesbæ
er það einungis helmingur. Það fyrirkomulag að
styrkurinn er borgaður út tvisvar á ári, eftir á, og
að foreldrar þurfi að skila umsóknum um styrkinn á
skrifstofur bæjarins teljum við hjá Neslistanum og
Samfylkingunni að kunni að skýra þetta að hluta. Við
teljum fyrirkomulagið í það minnsta vera óheppilegt.
Meginmarkmið tómstundastyrkjanna er að öll
börn og ungmenni á Seltjarnarnesi geti tekið þátt
í uppbyggilegu frístundastarfi óháð efnahag eða
félagslegum aðstæðum. Það félli klárlega betur að
markmiði styrkjanna ef hægt væri að ráðstafa þeim
jafnóðum, líkt og fordæmi eru fyrir, t.d. í Reykjavík.
Með því móti væri unnt að koma betur til móts við
þær fjölskyldur sem ekki hafa fjárhagslegt bolmagn
til þess að borga gjöld vegna tómsundaiðkunar
barna og unglinga á einu bretti. Einnig teljum við mikilvægt að einfalda
umsóknarferlið með því að gera það rafrænt.
Rán Ólafsdóttir, fulltrúi Neslista í Íþrótta- og tómstundaráði Seltjarnarness.
Eva Margrét Kristinsdóttir, fulltrúi Samfylkingar í Íþrótta- og tómstundaráði
Seltjarnarness.
Gerum
tómstundastyrkina
aðgengilegri
Rán Ólafsdóttir.
Eva Margrét
Kristinsdóttir.