Kópavogsblaðið - 01.01.2007, Blaðsíða 11

11KópavogsblaðiðJANÚAR 2007
Nú í byrjun árs 2007 leitaði KÓPA-
VOGSBLAÐIÐ svara hjá tveimur
bæjarfulltrúum í Kópavogi sem
tóku sæti í fyrsta sinn í Bæjarstjórn
Kópavogs eftir bæjarstjórnarkosn-
ingar á sl.vori. Þeir eiga báðir sæti í
minnihluta bæjarstjórnar.
Þau voru spurð að:
1. Þú tókst sæti í bæjarstjórn Kópa-
vogs eftir kosningarnar vorið 2006.
Hafa störf þín í bæjarstjórn Kópa-
vogs verið með þeim hætti á sl. ári
sem þú áttir von á?
2. Hvað kom mest á óvart?
3. Fyrir hvaða málum muntu helst
beita þér á árinu 2007?
4. Hvað ætti bæjarstjórn helst að
gera á árinu 2007 til þess að bæta
hag íbúa og gera búsetu í Kópavogi
enn betri en hún er í dag?
Guðríður Arnardóttir bæjarfull-
trúi Samfylkingarinnar:
1. Já að mörgu leyti. Ég hef alla
tíð fylgst vel með bæði bæjarmál-
um og landsmálum og gerði mér
svo sem alveg grein fyrir því hvern-
ig vinnu bæjarfulltrúa er háttað.
Þó eru ýmis atriði sem ég kannski
geri mér betur grein fyrir þegar ég
stend sjálf í framlínunni. Það verða
örlög þeirra hvers hlutskipti er að
vera í minnihluta að veita meirihlut-
anum aðhald í öllum málum. Við
erum gjarnan gagnrýnisröddin þeg-
ar menn fara of geyst eða við telj-
um menn ekki vinna af fullum heil-
indum að tilteknum málum. Þótt
við vissulega leggjum oft fram góð-
ar tillögur reynist það erfitt að fá
meirihlutann til að samþykkja þær.
Oft eigum við þó góðar hugmyndir
sem meirihlutinn hafnar í fyrstu en
tekur svo upp og gerir að sínum og
þá gildir “það er sama hvaðan gott
kemur” Sú hugsun hefur þó sótt
á mig undanfarna mánuði að í bæj-
arstjórn sitja 11 fulltrúar kjörnir af
bæjarbúum. Þegar menn mynda
svo meirihluta með 6 bæjarfull-
trúum má kannski segja að 5 séu
vængstífðir. Ef raunin væri sú að
allir þessir 11 fulltrúar legðu saman
krafta sína og ynnu að góðum mál-
um í sameiningu held ég að okkur
tækist betur til. Auðvitað væri það
lýðræðislegasta leiðin, að virkja alla
og fagna öllum góðum hugmyndum
sama hvaðan þær koma.
2. Það er kannski ekki eitthvað
eitt sem kom mér mest á óvart. Þó
er ýmislegt sem maður verður að
temja sér þegar maður tekur þátt
í hinum pólitíska dansi meirihluta
og minnihluta þar sem menn takast
jafnvel harkalega á. Í fyrstu held
ég að mér sé óhætt að viðurkenna
að ég tók það talsvert nærri mér
þegar ráðist er gegn mér og minni
persónu í málflutningi meirihlutans
í bæjarstjórn. Eftir bæjarstjórnar-
fundi setjast menn niður og borða
saman og fara þá gjarnan að ræða
fótbolta eða eitthvað sem er haf-
ið yfir dægurþrasið. Það tók mig
tíma að átta mig á að þótt tekist
sé harkalega á verða menn að geta
sest niður og látið sér renna reið-
ina því oft hitnar í kolunum þegar
menn eru ekki sammála. Ég er nú
búin að ná tökum á þessu, held ég,
og bít bara á jaxlinn ef ég móðgast
eða ef mér er misboðið og reyni að
halda pólitísku þrasi til hliðar við
þau mannlegu samskipti sem við
þurfum öll að eiga sem sitjum í bæj-
arstjórn og sem betur fer eru þau
oftast góð.
3. Ég mun að sjálfsögðu vinna
samkvæmt stefnu Samfylkingarinn-
ar og vinna að þeim málum sem við
lögðum upp með í kosningunum í
vor. Þar höfum við sérstaklega lagt
áherslu á málefni fjölskyldunnar,
bæði barna og eldri borgara. En
það er á brattann að sækja fyrir
okkur sem sitjum í minnihluta að
koma einstaka stefnumálum okk-
ar í framkvæmd en þess mikilvæg-
ara að veita meirihlutanum strangt
aðhald. Ég vil t.d. meina að bætt
vinnubrögð við lóðaúthlutanir sé
okkur að þakka, við höfum gagn-
rýnt þessi vinnubrögð harkalega
og menn eru farnir að vanda sig í
kjölfarið.
Hvað mig varðar reikna ég með
að alþingiskosningarnar framundan
muni taka töluvert af tíma mínum
til vors. Ég mun vinna af kappi við
hlið félaga minna og gera allt sem
í mínu valdi stendur til að tryggja
Samfylkingunni sigur í vor. Ég hef
óbilandi trú á málstaðnum sem við
stöndum fyrir og það hefur aldrei
verið mikilvægara en nú að koma
jafnaðarmönnum í ríkisstjórn. Við
þurfum að skapa nýtt jafnvægi á
Íslandi og engum treysti ég betur
til þess en Samfylkingunni.
4. Við í Samfylkingunni teljum
bæjarsjóð Kópavogs hafa borð fyr-
ir báru til að hlúa að innviðum bæj-
arins. Það virðist enn ekki hafa tek-
ist að tryggja stöðugt starfsmanna-
hald leikskólanna og enn á ný er
verið að loka deildum og senda
börn heim. Við þurfum að leysa
þetta til framtíðar í stað þess að
stinga hausnum í sandinn í hvert
sinn sem þessi staða kemur upp.
Málefni eldri borgara eru afar brýn,
það þarf að efla heimaþjónustuna
og þrýsta á ríkisvaldið til að fjölga
hér hjúkrunarrýmum. Reyndar hef-
ur nú þokast í rétta átt hvað það
varðar en betur má ef duga skal.
Skipulagsmálin munu verða ofar-
lega á baugi á árinu. Uppbygging
í Kópavogi er gríðarlega hröð og
framundan eru miklar skipulags-
breytingar á Kársnesinu og upp-
bygging í Smáranum og nýja Glað-
heimahverfinu. Það er mikilvægt
að vinna að þessum verkefnum af
skynsemi og brýnt að tryggja greið-
ar samgöngur samfara þessari upp-
byggingu.
Skipulagsmál eru nefnilega mjög
fyrirferðarmikil hér í Kópavogi og
sé illa staðið að verki getur það
vissulega haft áhrif á hag bæjar-
búa.
Ólafur Þór Gunnarsson, bæjar-
fulltrúi VG:
1. Að mörgu leiti er starf bæjarfull-
trúa svipað þeim væntingum sem ég
hafði um starfið. Vissulega er það
erilsamt, en mjög skemmtilegt. Ég
hefði jafnvel haldið að ég ætti í meiri
beinum samskiptum við kjósendur,
væri oftar stoppaður úti í búð og
spurður e.þ.h.. Hins vegar eru þau
stopp að aukast, og vafalítið koma
bæjarbúar meira að máli við mann
þegar þeir fá á tilfinninguna að mað-
ur sé að komast inn í málin.
2. Þrasgirni manna kemur mér
nokkuð á óvart, en þó ekki mikið.
Viljaleysi manna til að miðla mál-
um sem mér finnst vera augljósar
lausnir á kemur mér líka á óvart.
Það sem kemur mér þó þægilega
á óvart er að þrátt fyrir að hafa lítil
eiginleg völd, verandi í minnihluta,
getur skynsemdarrödd haft heilmik-
il áhrif.
3. Hlutverk minnihlutaflokka eins
og okkar hlýtur alltaf að vera að
hluta til að veita meirihlutanum
aðhald. VG mun á árinu beita sér í
þeim málum er snúa að þjónustu
við bæjarbúa. Strax í upphafi árs
hafa komið upp slík mál, og VG
beitt sér í þeim (leikskólamál, mál-
efni félagsþjónustunnar, skólamál).
Við munum standa vaktina fyrir
málefnum eldra fólks, og öryrkja,
líkt og við höfum gert í haust er
leið. VG mun halda áfram að leggja
fram mál sem varða lækkun þjón-
ustugjalda á leikskólum, í grunn-
skólum og á þjónustu við eldri borg-
ara. Við munum leggja til að bættur
fjárhagur bæjarins verði í meira
mæli notaður til að lækka gjöld bæj-
arbúa, frekar en halda sífellt áfram
á þeirri þenslubraut sem farin er
nú.
Ég mun beita mér sérstaklega til
að hægt verði að ná góðri lendingu
í málefnum Kársnessins, en það
er gríðarlega mikilvægt að þar tak-
ist vel til. Þá mun VG halda áfram
þeirri baráttu sinni að fá áheyrnar-
fulltrúa í nefndir bæjarins.
4. Eitt af því sem bærinn gæti
gert er að halda áfram á þeirri
braut að lækka leikskólagjöldin.
Bærinn verður að hugsa um þá
íbúa sem eru hér nú áður en hann
veltir fyrir sér hvernig hann geti
laðað til sín fleiri. Bæjarstjórn ætti
einnig í meira mæli að leita sjónar-
miða bæjarbúa á stórum málum.
Hafa störfin í bæjarstjórn verið samkvæmt væntingum?
Guðríður Arnardóttir
Ólafur Þór Gunnarsson