Kópavogsblaðið - 01.01.2007, Blaðsíða 8

8 Kópavogsblaðið JANÚAR 2007
A F H Á L S I N U M
Fyrir tæpri viku héldu þau
Stefán Höskuldsson flautuleik-
ari og rússneski píanóleikarinn
Elizaveta Kopelman, eiginkona
Stefáns, tónleika í TÍBRÁ, tón-
leikaröð Kópavogs í Salnum. Á
efnisskránni voru verk eftir Carl
Philip Emanuel Bach, Gabriel
Fauré, Claude Debussy og Segei
Prokofiev. Fljótt frá sagt, þarna
voru miklir listamenn á ferðinni
enda sýndu tónleikagestir þakk-
læti sitt og hrifningu í verki.
Stefán vakti ungur athygli fyr-
ir flautuleik sinn. Hann starfar
nú sem fastráðinn flautuleikari
í hljómsveit Metropolitan óper-
unnar í New York og var til þess
valinn úr hópi 350 umsækjenda.
Stefán er eini Íslendingurinn sem
að hefur hlotið stöðu við þá hljóm-
sveit. Stefán vinnur þar með list-
möunnum eins og James Levine,
Valerie Gergiev og Christoph
Eschenbach, Placido Domingo,
René Fleming og Anna Netrebko.
Auk þessa er Stefán meðlimur í
Metropolitan Kammerhljómsveit-
inni sem kemur árlega fram í
Carnegie Hall.
Elizavetu Kopelman frumflutti
allar prelúdíur og fúgur meistara
Sjostakovitz fyrir píanó á tvenn-
um TÍBRÁR-tónleikum í nóvem-
bermánuði sl. Elizaveta lærði
við Central School of Music hjá
Dina Parachina og hjá Arnaldo
Cohen við Royal Northern Col-
lege í Manchester, þar sem hún
vann til fjölmargra verðlauna.
Árið 1995 var Elizaveta valin til
að halda tónleika á vegum Young
Concert Artist Trust í London.
Hún hefur komið fram sem ein-
leikari í Bretlandi, Evrópu, Banda-
ríkjunum og Suður-Ameríku og
spilað debut tónleika og almenna
tónleika við tónlistarhús á borð
við Purcell Room, Harewood Hou-
se, Wigmore Hall, Barbican Cent-
er, Royal Opera House Linbury
Studio Theatre, Bridgewater Hall
og Weill Recital Hall í Carnegie
Hall. Skipulagðir tónleikar á næst-
unni eru meðal annars í Rochest-
er, Philadelphiu og New York og
tónleikaferð í Bretlandi, Evrópu,
Rússlandi og Úkraínu.
Elizaveta Kopelman og Stefán Höskuldsson.
Frábærir flaututón-
leikar í Salnum
Á flakki milli Þýskalands,
Bretlands og Kópavogs!
Ólafur Kjartan Sigurðarson
óperusöngvari hóf æfingar á titil-
hlutverkinu í óperunni Kullervo
eftir finnska tónskáldið Aulis Sal-
linen í Saarbrücken, Þýskalandi,
í byrjun janúar. Hann segir að
um afar spennandi verkefni sé
að ræða fyrir hann, hlutverkið
sé stórt og mikið og henti hon-
um afar vel. Þetta er fyrsta verk-
efni hans við þýskt óperuhús, en
hingað til hefur hann aðallega
unnið á Íslandi og í Bretlandi.
Hann segist hafa stefnt stefnt að
því í nokkurn tíma að fikra sig
inn á meginland Evrópu og þetta
verkefni komi því á hárréttum
tíma.
“Fjölskyldan er heima í Kópa-
voginum og hugurinn því heima
eins og gefur að skilja. Auðvit-
að er bæði erfitt og leiðigjarnt að
vera langdvölum frá fjölskyldu og
vinum en þetta starf býður ekki
upp á annað. Í fjölskyldu minni
hafa verið þónokkrir sjómenn og
líki ég mínu starfi oft við þeirra,
þó ég telji mig hafa það snöggt-
um þægilegra á túrum. Samhliða
sýningum hér í Þýskalandi mun
ég vinna verkefni bæði heima á
Íslandi og í Englandi. Á næstu
mánuðum mun ég því verða á
stöðugu flakki milli Þýskalands,
Bretlands og Kópavogs,” segir
Ólafur Kjartan Sigurðarson, óperu-
söngvari.
Ólafur Kjartan Sigurðarson fór með hlutverk álfakóngsins þegar
Landsbankinn hélt upp á þettándann á Ingólfstorgi í Reykjavík.
Margir kannast við að eiga í fór-
um sínum gamlar ljósmyndir sem
ekkert er vitað um og e.t.v. orðið of
seint að spyrja nokkurn mann í fjöl-
skyldunni um, annað hvort vegna
þess að enginn er eftir, eða elli
kerling búin að svipta fólk minni.
Ástæða er til þess að hvetja fólk til
þess að gæta þess að láta vitneskju
um myndefni fylgja ljósmyndum
sínum, þannig að þetta komi ekki
fyrir, því ljósmyndir verða rusl ef
þeim fylgir engin saga.
Ljósmyndir (kópíur) skemmast
ef á þær er ritað með penna, og því
betra að láta þeim fylgja upplýsing-
ar á miðum, áletrun við myndir í
albúmi eða á umslagi.
Filmur eru ákjósanlegt varð-
veisluform, þær er best að varð-
veita á köldum og þurrum stað.
Varðveisla stafrænna mynda er
vandasöm, en hægt er að setja þær
á góðan ljósmyndapappír og vona
það besta.
Fjöldi mynda án
upplýsinga
Minnisleysi um myndefni herjar
einnig á skjalasöfn. Héraðsskjala-
safn Kópavogs varðveitir mikið af
ljósmyndum frá ýmsum tímum.
Til allrar óhamingju er ekki alltaf
ljóst hvert myndefnið er, staðir eru
óþekktir og nöfn fólks ókunnug.
KÓPAVOGSBLAÐIÐ hefur nú
veitt Héraðsskjalasafninu kærkom-
ið tækifæri til þess að reyna að
bæta úr þessu með því að birta
hér ljósmynd og óska eftir aðstoð
lesenda. Sameiginlega reyna KÓPA-
VOGSBLAÐIÐ og Héraðsskjalasafn
Kópavogs að bjarga sögulegum
fróðleik frá glötun. Með dyggri þátt-
töku lesenda verður framhald á
myndbirtingu. Hvað heitir fólkið
á myndinni? Hvenær og hvar er
myndin tekin? Hver tók myndina?
Viti einhver lesandi blaðsins eitt-
hvað af þessu væri vel þegið að
því yrði komið á framfæri við Hér-
aðsskjalasafn Kópavogs, Hamra-
borg 1, 200 Kópavogi, netfang
hrafns@kopavogur.is
Hverjir? Hvenær? Hvar?
Úrval af heilsuvörum og
mögnuð matstofa.
Bestir í lífrænu
Hæðasmára 6, sími 58 58 710.
Opið virka daga kl. 10–20, laugardaga kl. 10–17.