Kópavogsblaðið - 01.01.2007, Blaðsíða 9

Toyota á Íslandi hefur starfað á
Nýbýlaveginum í Kópavogi síðan
1970. Úlfar Steindórsson tók við
starfi forstjóra Toyota á Íslandi,
eins stærsta fyrirtækis í Kópavogi
síðustu áratugi, í janúarmánuði
2005 en frá árinu 2004 hafði hann
setið í stjórn þess fyrir þáverandi
eigendur fyrirtækisins. 20. desem-
ber 2005 keypti Magnús Kristins-
son útgerðarmaður í Vestmanna-
eyjum fyrirtækið, en fasteignirn-
ar eru skráðar á eignarhaldsfyr-
irtækið Bergey en reksturinn er
hjá Toyota á Íslandi. Magnús fékk
Úlfar til þess að starfa áfram sem
forstjóri. Árið 1989 tók Úlfar við
starfi fjármálastjóra fyrirtækisins,
en hvarf síðan til annara starfa um
skeið.
Erfitt er að ímynda sér annað en
að forstjóri stærsta bílainnflutnings-
fyrirtækis landsins sé mikill bílaá-
hugamaður. En er það svo?
Úlfar segir að hann verði líklega
seint talinn sérstakur bílaáhugamað-
ur en hann líti á fyrirtækið sem þjón-
ustufyrirtæki þar sem verið sé að
sinna viðskiptavinunum, og gera
það sem best.
“Ég verð aldrei kallaður “bíla-
dellukarl” en mér finnst óskaplega
gaman að keyra góða bíla, og finnst
yfirhöfuð gaman að keyra. Þegar
fjölskyldan er t.d. erlendis keyrum
við mjög mikið, og höfum gaman
af. Það starfar hins vegar mikið af
bílaáhugafólki hér hjá Toyota og hér
fólk sem hefur starfað hér í allt að
30 ár. Ég get t.d. nefnt hann Harald
sem er framkvæmdastjóri sölusviðs
sem hefur frá 16 ára aldri verið að
snúast kringum bíla, s.s. á bílasöl-
um fyrir notaða bíla og þó hann hafi
verið að starfa eitthvað annað tíma-
bundið hafa bílar verið hans helsta
áhugamál, hans ær og kýr. Það er
því hér til staðar gríðarleg þekking
á bílum.”
- Toyota er með hæstu sölutölur
bíla á Íslandi, og hefur verið það all-
lengi. Er það vegna góðrar og mark-
vissrar sölumennsku, vegna gæði bíl-
anna, eða haldast þessir tveir þættir
kannski eitthvað í hendur?
“Toyota er hvergi í heiminum að
ná svipuðum árangri og við hér á
Íslandi, nema í Japan. Hún er hér
liðlega 28% en í Japan er hún 45%.
Toyota er alls staðar þar sem er
ekki framleiðsla á local vörumerkj-
um annað hvort númer eitt eða tvö
í markaðshlutdeild.
Staðreyndin er sú að Toyota er
bílaframleiðandi sem hefur unnið
mjög skipulega og markvisst, og
voru t.d. fyrstir með framleiðsluað-
ferð þar sem hver einasti starfsmað-
ur í framleiðslulínunni er einnig eftir-
litsmaður. Þannig getur hver einasti
starfsmaður í framleiðslulínunni
stoppað framleiðsluna ef hann sér
að eitthvað er að, eitthvað stenst
ekki gæðakröfur Toyota. Svo fram-
leiðir fyrirtækið aldrei bíla nema
að þeir séu seldir, það er aldrei
framleitt á lager. Það eru komnar
pantanir á alla bíla sem settir eru í
framleiðslu. Þannig gátum við ekki
bugðist við aukinni sölu fyrri hluta
ársins 2006 með því að kaupa ein-
hverja bíla af lager, þeir eru ekki til.
Síðustu tvö ár hefur okkur yfirleitt
vantað bíla. Undirbúningsferlið að
því að kynna nýtt módel hjá Toyota
er yfirleitt mjög langt en skipulagt.
En það að panta nýja bíla frá Íslandi
tekur yfirleitt um fjóra mánuði, þ.e.
frá því að pöntun fer heðan frá okk-
ur í nýjan bíl og þar til hann hann er
kominn hingað til okkar. Því skiptir
allt áætlanaferli hjá okkur gríðarlega
miklu máli.”
- Stóðuð þið þá frammi fyrir því að
síðasta ári að það vantaði ákveðnar
tegundir Toyotabifreiða?
“Fyrri hluta ársins var í raun vönt-
un á öllum tegundunum vegna gríð-
arlegrar aukningar í sölu en þegar
gengið féll um mitt ár dró aðeins
úr sölu, en í haust hófst aftur viss
söluaukning. Salan á Land-Cruiser
er þannig að yfirleitt geta menn
ekki komið inn af götunni og fengið
slíkan bíl afhentan. Ef þú mundir
vilja kaupa bíl í dag með ákveðnum
lit að utan og á innréttingu og t.d.
með sjálfskiptingu, sóllúgu og auka-
sætum, skiptir það máli hvort við
næðum að panta hann í dag til að
hraða afhendingu eins og mögulegt
er. Það gæti þýtt að þú værir að fá
hann afhentan í maímánuði, jafnvel
ekki fyrr en í júnímánuði, þ.e. það er
um fjögurra mánaða bið eftir slíkum
bíl.”
Aðstæður skapa aukna
jeppaeign
- Áhugi Íslendinga á kaupum á
jeppum hefur aukist verulega á síð-
ustu árum, jafnvel áratugum. Er þetta
jafnvel óeðlilega mikill áhugi og
fjöldi í samanburði við fólksbíla?
“Aðstæður á Íslandi eru bara með
þeim hætti að það er eðlilegt að
áhugi á jeppum og fjórhjóladrifsbíl-
um hefur aukist alveg gríðarlega.
Það er ekki bara vegna þess að þeir
sem eru að ferðast geta lent í erfiðri
tíð heldur hefur til viðbótar við það
bæst við aukin notkun á fjórhjólum,
vélsleðum og mótorhjólum, og allt
þetta þýðir það að koma þarf því á
milli staða á kerru og til að draga
kerrurnar þurfa menn stærri bíla til
að draga þær, t.d. jeppa.
- Þið gerið áætlun um það hversu
marga bíla á að panta af hverri teg-
und. Fór einhver tegund langt fram
úr áætlun hvað varðar eftirspurn og
vætningar?
“Eftirspurnin eftir Land-Cruiser er
yfirleitt meiri en við erum að gera
ráð fyrir. En það er líka dýrari bíll.”
- Þið seljið líka notaða bíla. Hvern-
ig hefur salan á þeim gengið?
“Mjög vel og raunar ótrúlegur
fjöldi bíla sem við erum að selja.
Salan á notuðum bílum hefur aukist
alveg gríðarlega á á síðustu árum,
ekki bara hjá okkur heldur almennt
hjá bifreiðainnflytjendum. Fólki
finnur líka að það er meira öryggi
að kaupa notaðan bíl af fyrirtæki
sem hefur átt bílinn heldur en af
einhverjum einstaklingi. Þeir sem
kaupa notaðan bíl hjá Toyota vita
að búið er að fara yfir hann. Jafn-
framt veitir Toyota ábyrgð á bílnum
í 3 eða 12 mánuði, í þeim tilvikum
sem að verksmiðjuábyrgðin er fallin
úr gildi.”
Byggingaframkvæmdir
við Nýbýlaveginn að loknu
deiliskipulagsferli
- Eru uppi einhver áform um að
flytja fyrirtækið úr Kópavogi?
“Nei. Okkur líður alveg óskaplega
vel hérna í Kópavoginum. Við létum
erlent ráðgjafafyrirtæki framkvæma
fyrir okkur á síðasta ári athugun
á því hvar við ættum að staðsetja
okkur með tilliti til þess að það væri
að meðaltali jafn langt fyrir alla að
koma til okkar. Punkturinn var nán-
ast hér á Nýbýlaveginum. Árið 2005
keyptum við auk þess Krókslóðina
og fyrir síðustu áramót gengum við
frá kaupum á lóðunum sem Kópa-
vogsbær átti á milli Krókslóðarinn-
ar og okkar, þ.e. Dalbrekku 2, 4 og 6.
Við eigum nú lóð alveg út að Skelja-
brekkunni og í framhaldi hefur farið
fram þarfagreining innan fyrirtækis-
ins um það hvað hver deild þarf mik-
ið rými undir sína starfsemi miðað
við áætlun til allra næstu ára.
Við gerum okkur vonir um að fyr-
ir næsta vor verðum við búnir að
fara í ákveðna vinnu með bæjaryf-
irvöldum í Kópavogi um deiliskipu-
lag á þessum reit. Í framhaldi af því
munum við hefja undirbúning að
framkvæmdum á svæðinu. Bæjar-
yfirvöld í Kópavogi hafa sýnt mik-
inn skilning á því að hafa mikla og
vaxandi atvinnustarfsemi í bæjarfé-
laginu, það er ekki eingöngu verið
að horfa til íbúðabyggða. Kópavogs-
bær hefur verið að skapa atvinnufyr-
irtækjum ágætis umhverfi og sýnt
ótvíræðan vilja til þess að hafa okk-
ur hjá Toyota í Kópavogi.”
Hátt skor í
starfsánægjukönnun
- Í þessu fyrirtæki vinna mjög
margir. Er það skilyrði fyrir því að fá
atvinnu að aka um á Toyota-bifreið?
“Alls ekki. Við hins vegar hvetjum
fólk til að keyra á Toyota, og að sjálf-
sögðu eru flestir á Toyota!
Toyota er hins vegar þannig vöru-
merki að þegar þú hefur starfað hér
um hríð ertu farinn að anda þessu
einnig inn með húðinni. Það er mjög
sérstakt og ég hef trú á því að þessi
tilfinning sé ríkari hér en hjá öðr-
um bílaumboðum. Við látum fram-
kvæma starfsánægjukönnun hér og
þar kemur berlega í ljós að starfs-
menn Toyota eru stoltari af sínu fyr-
irtæki en starfsmenn flestra annara
fyrirtækja.
Styrkur fyrirtækisins liggur líka
í því að við erum í grunninn að
selja eitt vörumerki, þ.e. Toyota, en
einnig Lexus sem Toyota á, en á
sama tíma eru samkeppnisaðilarnir
að selja nokkur vörumerki. Við þurf-
um aðeins að fara á einn fund til að
fá upplýsingar um alla bílana sem
við seljum.
Markaðshlutdeild okkar á síðasta
ári var 28,8% sem gerir 5.444 bíla
en einnig tæplega 4.700 notaða bíla,
eða að jafnaði um 400 notaða bíla
á mánuði, eða yfir 10 þúsund bíla
á síðasta ári,” segir Úlfar Steindórs-
son, forstjóri Toyota á Íslandi.
9KópavogsblaðiðJANÚAR 2007
Smiðjuvegi 5
200 Kópavogur
www.skola. is
Sími 585 0500
Opið virka daga 9-18
og laugardaga 10-14
O
D
D
I H
Ö
N
N
U
N
P
O
6.
O
O
.2
96
Stórútsala á
prjónagarni og
hannyrðavörum
allt að
0%6
Fimmti hver bíll í eigu Kópavogsbúa er Toyota
Úlfar Steindórsson, forstjóri Toyota á Íslandi.