Kópavogsblaðið - 01.01.2007, Blaðsíða 14

14 Kópavogsblaðið JANÚAR 2007
Keppendur Gerplu hlutu helming
hæstu afreksstyrkja ÍTK
Á Íþróttahátíð Kópavogs sem
fram fór í Salnum 30. desember
2006 var iðkendum úr Gerplu
veittar viðurkenningar fyrir góð-
an árangur. P-1 var kjörinn flokk-
ur ársins vegna silfuverðlauna á
Evrópumeistaramóti í Tékklandi
í nóvembermánuði sl. ásamt því
að vera bæði Íslands- og bikar-
meistarar á árinu.
Íþróttamenn Gerplu hlutu 3 af
6 afreksstyrkjum Íþrótta- og tóm-
stundaráðs Kópavogs, ÍTK, en að
þessu sinni hlutu 38 íþróttamenn
í Kópavogi afreksstyrk. 6 íþrótta-
menn fengu A-styrk að upphæð
250 þúsund krónur, 11 hlutu B-
styrk að upphæð 125 þúsund
krónur og 21 hlaut C-styrk að
upphæð 25 þúsund krónur.
A-styrkshafar Gerplu eru Krist-
jana Sæunn Ólafsdóttir, Rúnar
Alexandersson og Viktor Krist-
mannsson, B-styrkshafar Fríða
Rún Einarsdóttir, Margrét H. Karls-
dóttir og Róbert Kristmannsson
og C-styrkshafar Ingvar Jochum-
son og Inga Rós Gunnarsdóttir.
Um 300 þátttakendur á
áhaldafimleikamóti
Helgina 3. til 4. febrúar nk. er
Gerpla framkvæmdaaðili stærsta
móts ársins fyrir Fimleikasam-
band Íslands, en það áhaldafim-
leikamót. Um 300 keppendur eru
skráðir til keppni, á aldrinum 9 til
16 ára. Konurnar keppa í golfæf-
ingum, í stökkum, á tvíslá og slá
en karlar á bogahesti, í hringjum,
á tvíslá, í stökkum og á svifrá.
Björn Björnsson hjá Gerplu seg-
ir að næsta verkefni P1-hópsins
sé bikarmót 17. febrúar nk. og
Íslandsmót 9.-10. mars nk.
“Við erum handhafar beggja titl-
anna í dag og ætlum ekki að láta
þá svo glatt frá okkur. Bikarmót-
ið gildir einnig sem úrtökumót
fyrir Norðurlandamót sem hald-
ið er í Stokkhólmi í aprílmánuði.
Nokkrar breytingar hafa orðið á
þeim hópi sem lenti í öðru sæti á
Evrópumótinu í Ostrava síðasta
haust þó kjarninn sé sá sami.
Nokkrar af stelpunum er hættar
og aðrar hafa lent í meiðslum. Við
erum þó ákveðin í að láta þær
breytingar ekki setja strik í reikn-
inginn. Við stefnum á að tryggja
okkur þátttökurétt á Norðurlanda-
mótinu og gera góða hluti í þeirri
keppni,” segir Björn Björnsson.
Fimleikar eru íþrótt sem allir geta notið að fylgjast með. Á myndinni
er P-1 hópurinn sem var kjörinn flokkur ársins á Íþróttahátíð Kópa-
vogs ásamt tveimur af þjálfurum hópsins, þeim Ásu Ingu Þorsteins-
dóttur og Michel Christensen sem eru lengst t.v. á myndinni.
Karatedeild Breiðabliks og
Glitnir hafa gert með sér samn-
ing sem felur í sér að Glitnir ger-
ist aðalstyrktaraðili deildarinnar
næstu 3 árin.
“Samningurinn gerir okkur klei-
ft að efla starf deildarinnar enn
frekar og stendur hugur okkar til
að efla unglingastarf og styðja bet-
ur við keppnisfólk okkar, “ segir
Indriði Jónsson formaður karate-
deildarinnar.
“Í samningnum er auðvitað fjár-
hagsávinningur fyrir deildina en
einnig náðum við inn góðum lið
fyrir þá sem eru að fara í æfinga-
búðir til Lignano á Ítalíu á næsta
ári en þangað stefnir um 100
manna hópur frá okkur ásamt 50
köppum frá Karatefélagi Akraness
og Þórshamri,” sagði Indriði Jóns-
son, sem var mjög ánægður með
samninginn.
Glitnir styður Karatedeild Breiðabliks
HK og Gustur með glæsilegar árshátíðir
Stórglæsileg árshátíð HK verð-
ur haldin í Digranesi laugardaginn
27. janúar nk., og verður húsið
opnað kl. 19.30 en borðhald hefst
kl. 20.00. Margvísleg skemmtiat-
riði verða á boðstólum og því viss-
ara að taka hláturtaugarnar með!
Hljómsveitin Sálin hans Jóns míns
leikur fyrir dansi. Aldurstakmark
er 20 ár.
Árshátíð hestamannafélagsins
Gusts verður haldin laugardaginn
10. febrúar nk. í veislusal félags-
ins á efri hæð reiðhallarinnar.
Gustarar eru hvattir til að efla
félagsandann og fjölmenna.
SPK eykur styrk sinn við
meistaraflokk kvenna í HK
Vegna ánægjulegs samstarfs
og góðs gengis meistaraflokks
kvenna í HK hefur SPK aukið
fjárstyrk sinn við meistaraflokk-
inn en stelpurnar hafa spilað
í DHL deildinni undanfarin ár.
SPK er aðalstyrktaraðili allra
deilda HK og styrkir einnig HK-
Akademíuna.
Innritun
hafin
Stórglæsilegt Þorrablót Breiðabliks
Laugardagskvöldið 10. febrúar
n.k. gefst Kópavogsbúum tæki-
færi til að hittast og blóta Þorra
í Smáranum á vegum Breiða-
bliks. Á boðstólum verður mikið
góðgæti svo sem Bringukollar,
Baggalútur og Björgvin Franz
svo eitthvað sé talið. Upplagt
er fyrir vinnufélaga, sauma- og
spilaklúbba að skella sér sam-
an á blótið, sem haldið verður
árlega hér eftir.
Borðapantanir fyrir hópa
og nánari upplýsingar má fá
hjá Stellu í síma 692 1011 eða
með tölvupósti á netfanginu
stellagudm@hotmail.com. Miðar
eru seldir í íþróttahúsinu Smár-
anum og í Landsbankanum í
Smáralind. Enginn má missa af
fjörinu á Þorrablóti Breiðabliks
sem verður hið glæsilegasta.
���������
��������������
���������������������������
��������������
����������������
��������������
����������������������������
���������������������������
��������������������������������