Vestfirska fréttablaðið - 15.02.1980, Blaðsíða 9

vestfirska
FRETTABLASIS
Eðlilegt að varavöllur verði
í Önundarfírði
segir Kristján Jóhannesson,sveitarstj.
Við teljum eðlilegt og sjálf-
sagt, að varavöllurinn verði hér
í Önundarfirði. Við teljum úti-
lokað, að Þingeyri verði vara-
völlur fyrir ísafjörð, allavega
ekki yfir vetrartímann. Ég fæ
a.m.k. ekki séð að það dæmi
geti gengið upp. Við höfum
ianga reynslu af því að hingað
er hægt að fljúga dag eftir dag,
þegar ófært er á ísafjörð, en við
höfum þó ekki kannað þessi
mál hjá flugvallarstjóranum á
ísafirði. Þannig fórust Kristjáni
Jóhannessyni, sveitarstjóra á
Flateyri orð, er Vestfirska ræddi
við hann nýlega um þau mál,
sem ofarlega eru á baugi þessa
stundina: flugsamgöngur við
ísafjörð.
„Það er líka verið að vinna að
þessum málum á öðrum vett-
vangi,“ hélt Kristján áfram. Kar-
vel Pálmason hefur flutt um það
tillögu á Þingi að ákveðið verði í
eitt skipti fyrir öll hvar varavöllur-
inn eigi að vera. en væntanlega
munu tæknimenntaðir menn taka
lokaákvörðun um það.
Það sem okkur svíður mest er að
við vorum „settir út af sakrament-
inu“ á síðustu fjárhagsáætlun flug-
málastjórnar um framkvæmdir við
þennan flugvöll og var í því sam-
bandi bent á nýju raflínuna. sem
sett var niður í um 400 metra
fjarlægð frá brautarendanum.
Meðan línan er þarna verður ekk-
ert gert, en við erum að vinna að
því núna að hún verði fjarlægð.
BRÚIN STYTTIR LEIÐINA
—Það kom fram hjá kollega
mínum á Þingeyri, Jónasi Ólafs-
syni, f Vestfírska fréttablaðinu um
daginn. að þeir Þingeyringar berj-
ast nú fyrir að fá varaflugvöllinn
fyrir ísafjörð. Ég minnist þess í því
sambandi. að þegar brúarfram-
kvæmdirnar voru hafnar hér í
firðinum í fyrravor urðu mikil læti
og fyrirgangur og þessar fram-
kvæmdir voru nefndar ýmsum
nöfnum. Meðal annars fengu þær
mótbyr hjá sveitarstjóranum á
Þingeyri, en ef hann vill núna fá
varavöllinn á Þingeyri, þá hlýtur
brúarframkvæmdin að koma því
til góða. því að hún styttir leiðina á
Þingeyri. Við getum að sjálfsögðu
ekki bannað Jónasi eða öðrum að
hafa skoðanir á þessum málum.
Þær eru skiptar. En við teljum
okkur hafa fyrir því gild rök. að
það sé óhagkvæmt og raunar úti-
lokað að hafa varavöllinn á Þing-
eyri nema þá farþegarnir séu sel-
fluttir á milli í flugvélum. sem
kynni að reynast æði dýrt. Ein-
hverra hluta vegna hafa Flugleiðir
ekki hagnýtt sér þessa möguleika.
þótt þeir séu fyrir hendi.
Ég hef h eimildir fyrir því. að
tveir möguleikar hafi verið ræddir
i þessum málum: einhverjir blettir
í Súðavík. sem nota mætti sem
varavöll og hinsvegar Önundar-
fjörður. Augljóst er að um þetta
mál.verður að fjalla af fullri al-
vöru þegar í stað. Nauðsyn þess
hefur berlega komið í ljós á und-
anförnum mánuðum. sagði Krist-
ián að lokum.
etj-
Patreksfjörður:
65 m. kr. til gatnagerðar
Viöbygging viö grunnskólann
á Patreksfirði veröur væntan-
lega eitt af stærri verkefnum,
sem byrjað verður á í ár, að því
er Úlfar Thoroddsen, sveitar-
stjóri á Patreksfirði, sagði í
samtali við Vestfirska. Hér er
um að ræða steinsteypt hús á
tveimur hæðum. Gólfflöturinn
er alls 1496 fermetrar, en húsið
er 5780 rúmmetrar. Stórt og
myndarlegt grunnskólahús er
fyrir á staðnum, en það dugir
ekki til lengur.
Mikið hefur verið unnið að
gatnagerð á Patreksfirði að undan-
förnu og er áætlað að verja til
þeirra hluta um 65 milljónum kr. á
árinu. sem nú fer í hönd. Hafnar-
framkvæmdir eru einnig í gangi og
er verið að koma upp nýrri 50
tonna bílvog við höfnina og er að
því stefnt að taka vogina í notkun
með vorinu. Þá er fyrirhugað. að
sanddæluskipið Grettir komi til
Golfklúbbur Isafjaröar
Almennur
klúbbfundur
veröur haldinn í Sjómannastofunni
á ísafiröi þriöjudaginn 19.
febrúar n.k. kl. 8:30
Almennar umræður
um málefni klúbbsins
og starfið framundan
Félagar eru hvattir til að mæta
og taka virkan þátt i starfi
klúbbsins
Allir áhugamenn um golf
eru velkomnir á fundinn.
Patreksfjarðar og hreinsi út innsig-
lingarennu. Er þar um að ræða
framhald á verki. sem unnið hefur
verið að um nokkurt skeið.
Flugsamgöngur hafa verið með
allra þokkalegsta móti við byggð-
arlagið allt fram i þessa viku. að
sögn Úlfars. Völlurinn er upplýst-
ur og geta flugvélar því lent þar
utan birtutímans. Flugleiðir fljúga
á Patreksfjörð þrisvar í viku.
DAGVISTUN i
FÉLAGSHEIMILINU
Þá sagði Úlfar:
„Við erum einnig að berjast í að
koma upp dagheimili fyrir börnin.
en þetta er verkefni sem við áður
höfum orðið að fresta vegna fjár-
magnsskorts. Við höfum ekkert
dagheimili fyrir og léysum vanda-
málið á heldur frumstæðan hátt i
félagsheimilinu. Geta má þess. að
félagsheimilið. sem tekið var að
mestu leyli í notkun l. desember
1978. leysti mikinn vanda hér á
staðnum. Þetta er mikil og vegleg
bygging, eins og kunnugt er - gólf-
flötur er 1048 fermetrar. Fram-
undan er hótelálma. sem sennilega
verður upp á tvær hæðir. en hún
er bará á umræðustiginu ennþá.
Til er teikning af þessari hótel-
álmu. en hún er orðin nokkuð
gömul og hugsanlega verða gerðar
á henni einhverjar breytingar.
—I bígerð er einnig íþróttarvall-
argerð, hélt Úlfar áfram. en við
ætlum okkur að gera stórt átak í
þeim efnum og fá góðan útivöll.
íþróttahús er ekki komið á dag-
skrá hjá okkur enn. en að því
hlýtur að reka fyrr eða síðar og við
verðum að koma okkur upp stærri
íþróttasal. hvernig sem við leysum
rað mál.
Til sölu
svefnsófi og tveir stólar
Upplýsingar í síma 3380
Óska eftir
Óska að kaupa skíði, 110
cm.
Upplýsingar í síma 3720
STARF
VERSLUNARSTJÓRA
HJÁ KAUPFÉLAGINU I SÚÐAVIK
ER LAUST FRA 15. MARS N.K.
ALLAR UPPLÝSINGAR UM STARFIÐ
VEITIR KAUPFÉLAGSSTJÓRI.
KAUPFÉLAG ÍSFIRÐIKGA
Austurvegi 2 - ísafiröi - Sími 3266
—Loks má geta þess að nýlokið
er byggingu heilsugæslustöðvar.
en framkvæmdir við þá byggingu
hófust á árinu 1976. Húsið er núna
fullklárað að innan og litilsháttar
frágangur eftir utandyra. Næsti
framkvæmdaáfanginn er að búa
heilsugæslustöðina tækjunt. Stöð-
in er steinsteypt hús. kjallari og
tvær hæðir. gólfflötur alls I400
fermetrar. Þetta er mikill minnis-
varði. sem Matthías hefur reist sér
hérna. en hann var ráðherrann að
þessari framkvæmd. sagði úlfar
Thoroddsen að lokum.
etj.-
Eldsvoði
orsakaðist
af óvitaskap
Að sögn Jóns Ólafs Sigurðs-
sonar slökkviliðsstjóra tók það
menn hans um Vi tíma að kæfa
eldinn að mestu en slökkvistarf-
ið tók í allt um einn og hálfan
tíma. Jón sagði að í þetta skipti
hefði gengið vel að boða menn-
ina en boðunarkerfi liðsins er
mjög gallað. Svo hepþilega
vildi til að Jón var ennþá stadd-
ur á stöðinni og var því fljótur
að senda boðin til hinna, en í
kringum stöðina búa eða vinna
10 slökkviliðsmenn sem eiga
ekki að vera lengur en 2-4 mín-
úturá staðinn.
Tjón á íbúðinni i suðurendan-
um varð mjög tilfinnanlegt. Her-
bergin 4 sem eldur varð laus í.
brunnu öll og klæðning og máln-
ing öll ónýt annarsstaðar vegna
hitans. Ekki tókst að bjarga neinu
af innbúinu en það var mjög lágt
vátryggt. fbúðin í norðurendanum
fylltist af reyk og skemmdist af
reyk og vatni en innbúinu var öllu
bjargað. Enginn var heima í hvor-
ugri íbúðinni þegar eldurinn kom
upp.
Það hryllilegasta við þennan at-
burð er að hann orsakaðist af
óvitaskap unglinga sem voru að
fikta með eld í portinu, bakvið
húsið. Guðmundur Sigurjónsson
fulltrúi bæjarfógeta tjáði blaðinu
að að undanförnu hafi gengið yfir
íkveikjufaraldur meðal unglinga í
bænum. Fyrr um daginn höfðu
nokkrir krakkar kveikt í bréfarusli
í portinu og töldu sig hafa slökkt i
með snjó en eldurinn hefur komist
innundir klæðninguna. í þurran
viðinn með þessum hörmulegu af-
leiðingum. Guðmundur nefndi
sem dæmi um þennan faraldur að
nú nýlega var kveikt í símaskrá í
símaklefa í húsi Pósts og Sima og
hún látin brenna til ösku. Sáu
yfirmenn stofnunarinnar sér ekki
annað fært en að loka klefanum
kl. 8 á kvöldin eftir þetta atvik en
FASTEIGNA
VIÐSKIPTI
Túngata 18, 2 herb. ca. 60
ferm. íbúð. Laus fljótlega.
Hagkvæm í rekstri.
Sundstræti 27, 3 - 4 herb.
ca. 65 ferm. íbúð. Laus í
endaðan apríl.
Tangagata 20, 3-4 herb. í-
búð ca. 75 ferm. á 2. hæð,
auk geymslu og þvottahúss
í kjallara. Sérkynding m.
varmaveitu. Eignarlóð. Af-
hendist fljótlega.
Miðtún 27, 2 herb. ca. 53
ferm. íbúð á jarðhæð. Mjög
snotur íbúð. Afhendist
strax.
Sundstræti 14, 4 herb. ca.
85 ferm. íbúð á 2. hæð,
norðurenda. Afhending í
endaðan apríl.
Túngata 12, 2 herb. ca. 65
ferm. íbúð á jarðhæð.
Væntanleg varmaveita.
Sérinngangur. Laus til af-
nota 1. febrúar.
Skólastígur 22, Bolungar-
vík. 140 ferm. parhús. 5
herb. og eldh. 4 svefnherb.
á efri hæö og bað. Neðri
hæð stofa, eldhús, wc, hol,
búr. þvottahús. Allt sér.
Stór bílskúr.
Hreggnasa 3, 5 herb. ca.
85 ferm. íbúð í tvíbýlishúsi,
mjög þokkaleg íbúð á
hagstæðu verði. Laustil af-
nota fljótlega.
Smiðjugata 8, 2 herb. íbúð
ásamt bílskúr og eignarlóð.
Afhendist strax.
Tryggvi
Guðmundsson,
LÖGFRÆÐINGUR
Hrannargötu 2 sími 3940
[safirði
Hópferðir
Hópferðabílar,
48 manna, 25 manna og 21
manns.
Leigubíll 5 farþega.
Sendibflaþjónusta.
Þórdís Guðmundsdóttir
Ásgeir Sigurðsson
Seljalandsvegi 76
Sími3666

Frímerki
FYRIRTÆKI —
EINSTAKLINGAR
Kaupi öll frímerki,
bæði ónotuð og not-
uð hæsta verði.
Fylkir Ágústsson,
Hafnarstræti 6
ísafirði
'sími 94-3745
klefinn var áður opinn til mið-
nættis.
Þessi atburður í Mánagötunni
sýnir enn einu sinni að eldur er
ekkert leikfang og er hörmulegt til
þess að vita að saklaust fólk þurfi
að missa aleigu sína til þess að
unglingarnir skynji þessi augljósu
sannindi.
Þess má geta að starfsfólk íshús-
félags ísfirðinga safnaði síðasta út-
borgunardag sinn. peningum til
handa þeim sem urðu fyrir þessu
hryllilega tjóni og er óskandi að
fleiri fari að dæmi þeirra.
EÞ.