Feykir - 05.12.1984, Síða 8

Miðvikudagur 5. desember 1984
Feykir
25. tölublað - 4. árgangur

XLM*
WmiuW-w
Diskómeistarinn
Helgina fyrir þá síðustu birtist
óvenjulegur gestur á Sauðár-
króki. Enginn annar en
heimsmeistarinn í diskódansi
1984, Frankie Johnson jr. Eins
og þeir muna sem sáu keppnina í
sjónvarpinu á s.l. vetri þá varð
íslenski þátttakandinn, Ástrós
Gunnarsdóttir, í 4. sæti í þessari
keppni.
Heimsmeistarinn sýndi á
Sauðárkróki fyrir alla aldurs-
hópa, fyrst fyrir krakka 6-12ára
og svo fyrir 12-17 ára og loks
þegar liðið var á kvöldið fyrir þá
sem eru eldri en 18 ára. Sýningin
fór fram á Hótel Mælifelli og
strax morguninn eftir hélt
kappinn til Akureyrar þar sem
hann átti að koma fram um
Skagfirskar
æviskrár
Út er komið nýtt bindi af
Skagfirskum æviskrám og er
það annað bindi þess tímabils
sem nær yfir árin 1850-1890. Á
árunum 1964-1972 komu út
fjögur bindi af æviskrám
búenda í Skagafirði átímabilinu
1890-1910. Eru því bindin orðin
sex af Skagfirskum æviskrám.
í nýju bókinni eru 190 þættir
um skagfirska búendur, raktar
eru ættir þeirra og að nokkru
getið barna. Auk þess er talinn
æviferill, nefnd búseta og
efnahagur og fjölmargar aðrar
upplýsingar eftir því sem
heimildir greina. Bókin er um
370 síður með ítarlegri nafna- og
heimildaskrá.
Útgefandi þessa bindis, sem
hinna fyrri, er Sögufélag
Skagfirðinga.
Feykir
Frá og með 1. janúar n.k.
hækkar auglýsinga- og áskrifta-
verð Feykis, en hvoru tveggja
hækkaði ekkert á síðasta ári. Nú
verður ekki lengur undan vikist
og vonum við að verðið haldist
álíka stöðugt næsta ár.
Grunnverð auglýsinga mun
verða 120 kr. Hvert tölublað
mun kosta 28 kr. í áskrift.
Ritstjóri.
kvöldið. Sannarlega ekki gefin
nein grið í þeim bransa og fyrsta
spurningin var auðvitað: Er
gaman að vera diskómeistari?
— Það er mjög gaman, já. Ég
hef ferðast mikið á þessu ári og
hitt mikið af nýju og
skemmtilegu fólki og séð nýja
flugvelli.
— Flugvelli?
— Já, þetta eru alltafsvo stutt
stopp á hverjum stað að ég sé
yfirleitt ekki mikið annað en
flugvellina og skemmtistaðina.
— Hvernig finnst þér að vera
á Islandi?
— Mér finnst það gott. Fólkið
er almennilegt og fallegt,
sérstaklega stelpurnar, og svo
geta flestir talað einhverja ensku
svo tungumálið er ekki til
hindrunar. Unga fólkið er mjög
hresst og það eldra virðist ekki
síður hresst, þó það sé ekki eins
mikið á ferðinni þar sem ég sýni
og kem fram.
— Er einmanalegt að vera
heimsmeistari í diskó?
— Já, það getur verið það. Ég
er að sýna þegar aðrir eru að
skemmta sér og þó ég tali við
fullt af fólki og hitti marga, þá
kynnist maður ekki mörgum
neitt að ráði og því auðvelt að
verða mjög einmana. Ég verð að
vísu ekki mjög einmana, en ég
get ímyndað mér að svo sé það
hjá mörgum í þessum bransa.
— Einhver skilaboð að lokum
til ungu kynslóðarinnar á
íslandi?
— Já, segðu þeim að fara
varlega þegar þau eru aðbreika.
Þessi snúningur á bakinu og
höfðinu getur verið stórhættu-
legur. Það hafa orðið mörg slys
erlendis undanfarið vegna þessa
og því fyllsta ástæða til að fara
varlega. Best er að sleppa
þessum haussnúningi alveg.
Hryggurinn og hálsliðimir eru
viðkæmir líkamshlutar.
— Hvert ferðu héðan?
— Heim til Englands til að
taka upp þætti fyrir börn í
breska sjónvarpinu.
r
Olafur Friðriksson, kaupfélagsstjóri
Kaupfélags Skagfirðinga:
Niðurfelling á
flutningskostnaði
lækkar vöruverð
Nú nýverið var ákveðið á fundi
hjá stjórn Sambands íslenskra
samvinnufélaga að fella niður
flutningskostnað á vörum sem
Sambandið selur til kaupfélaga
út um allt land og stuðla þannig
að jöfnun vöruverðs milli
landshluta. Feykir sneri sér til
Ólafs Friðrikssonar, kaupfé-
lagsstjóra Kaupfélags Skagfirð-
inga og spurði hver áhrif þetta
myndi hafa á vöruverð í
verslunum KS.
„Þetta hlýtur aðverðatilþess
að vöruverð lækkar. Þarna er
fyrst og fremst um mat- og
nýlenduvörur að ræða og að
meðaltali verður lækkunin um
tvær krónur á hverju kílói. Ég
get ekki nefnt hversu mikið
einstakar vörutegundir muni
lækka, en flutningskostnaður á
mat- og nýlenduvörum er tvær
krónur á kg að jafnaði.
Við vitum ekki nákvæmlega
hvenær þetta kemur til
framkvæmda en ætti að öllum
líkindum að verða í þessari viku.
Sú breyting mun einnig eiga
sér stað varðandi flutninga
hingað til Sauðárkróks að
Sambandið hyggst taka upp
sjóflutninga á vörum, þar sem
Ríkisskip hyggst fjölga ferðum
sínum í eina á viku nú á
næstunni í stað einnar á hálfs
mánaðar fresti hingað til. Þetta
gæti skapað einhveija erfiðleika
hjá okkur um tíma, en Ríkisskip
munu ætla að fjölga ferðum í
tvær á viku eftir að
Steinullarverksmiðjan er komin
í gang og þá ættu þessi
flutningamál að vera komin í
örugga höfn. En niðurfelling
flutningsgjalds mun valda
beinni lækkun vöruverðs í
verslunum okkar, eins og ég
sagði í upphafi,” sagði Ólafur
Friðriksson kaupfélagsstjóri.
r
í
STJORNMAL STJORNMAL STJORNMAL STJORNMAL STJORNMAL ST
Ungir framsóknarmenn
álykta um atvinnumál
Stjórn Félags ungra framsókn-
armanna í A-Hún. hefurskorað
á Alþingi og iðnaðarráðherra að
beita sér fyrir eflingu iðnfyrir-
tækja í héraðinu og einnig að nú
þegar verði hafnar rannsóknir á
hagkvæmni þess að reisa hér
iðnfyrirtæki sem veitt geti 80-
150 manns atvinnu. Rannsókn-
um þessum verði hraðað svo
hægt verði að hefja byggingar-
framkvæmdir strax og draga
tekur úr framkvæmdum við
virkjun Blöndu.
I greinargerð, sem fylgir
tillögunni segir m.a. að mikill
fjöldi fólks muni á næstu árum
starfa við virkjunarframkvæmd-
ir í héraðinu, en þegar þurfi að
fara að huga að framtíðarat-
vinnu handa þessu fólki, bæði
heimamönnum og eins þeim
sem flytja í héraðið meðan á
virkjunarframkvæmdum stend-
ur og vilja vera hér áfram. Þá er
bent á þá staðreynd að
Norðurland vestra er eitt mesta
láglaunasvæði landsins og því
verði að gera hér átak í
uppbyggingu atvinnulífs.
I greinargerðinni er bent á
svæðið milli Blönduóss og
Skagastrandar sem heppilegan
stað fyrir iðnfyrirtæki af þessari
stærð. Með góðum vegi yfir
Þverárfjall yrði iðjuverið aðeins í
30 km fjarlægðfrá Sauðárkróki.
Þá er einnig bent á það að með
bættum samgöngum í Húna-
vatnssýslum báðum má fara að
líta á allt þetta svæði sem eitt
atvinnusvæði.
I lok greinargerðarinnar segir
að það sé krafa þess unga fólks,
sem nú er að vaxa úr grasi, að vel
verði að þessum máium staðið
og Alþingi hafi þar frumkvæði.
Aðalfundur kjördæmisráðs Sjálfstæðisflokks
Aðalfundur kjördæmisráðs
Sjálfstæðisflokksins í Norður-
landskjördæmi vestra var
haldinn á Siglufirði 5. og 6.
október s.l. Fundinn sátu 35
fulltrúar og einnig alþingis-
mennirnir Pálmi Jónsson,
Eyjólfur Konráð Jónsson.
Friðrik Sophusson, varafor-
maður Sjálfstæðisflokksins,
mætti á fundinn og ræddi hann
ýtarlega um stjómmálavið-
horfið.
Miklar umræður fóru fram á
fundinum um ýmis lands- og
héraðsmál og kom fram í máli
flestra ræðumanna gagnrýni á
það fjármagnsstreymi frá
landsbyggðinni til höfuðborg-
arsvæðisins sem nú ætti sér
stað.
Stjórn kjördæmisráðsins sem
kosin var á fundinum er
þannig skipuð: Ólafur B.
Óskarsson, Víðidalstungu, for-
maður; Jón Gunnarsson,
Barkarstöðum; Sigurður Ey-
mundsson, Blönduósi; Eggert
J. Levý, Húnavöllum og Páll
Dagbjartsson, Varmahlíð.
Fundurinn var í alla staðið
hinn ánægjulegasti og sjálf-
stæðisfólki á Siglufirði, sem sá
um framkvæmd hans, til
mikils sóma.
Eftirfarandi ályktanir voru
samþykktar á fundinum:
Alyktun um menntamál
Aðalfundur kjördæmisráðs
Sjálfstæðisflokksins í Norður-
landskjördæmi vestra, haldinn
á Siglufirði 5.-6. október 1984,
telur eitt brýnasta úrlausnar-
efni í skólamálum landsmanna
að stemma stigu við vaxandi
flótta úr kennarastétt, sem
hlýtur að leiða til versnandi
kennslu og lélegra skólastarfs.
Lögverndun starfsins ásamt
hærri launum er algjör
forsenda þess að snúa þessari
þróun við.
Fundurinn ítrekar ályktun
25. landsfundar Sjálfstæðis-
flokksins, þar sem segir:
„Tryggja verður að allir fái
notið menntunar óháð búsetu,
tjárhag eða fötlun.”
Bent er á að betri stjórnun
menntamála fæst með því að
færa vald og ákvarðanatöku
nær þeim sem eiga að njóta.
Fræðsluumdæmin ættu að
verða sem sjálfstæðust hvað
varðar framkvæmd grunn-
menntunar.
Fundurinn varar við mis-
notkun á frelsi einstakra
kennara og skóla í vali
námsefnis. Námsefni og
námskröfur á sama skólastigi
verði samræmdar sem mest.
Fundurinn ítrekar fyrri
samþykktir um stofnun
Fiskvinnsluskóla á Siglufirði.
Ályktun um byggða-
og atvinnumáJ
Aðalfundur kjördæmisráðs
Sjálfstæðisflokksins í Norður-
landskjördæmi vestra 1984,
telur að aðgerðir stjórnvalda í
peningamálum síðustu mán-
uði hafi valdið því að
atvinnulíf landsbyggðarinnar
sé að stöðvast vegna rekstrar-
fjárskorts á sama tíma og næg
verkefni eru fyrir hendi.
Bankastofnanir úti á landi
eru fjárvana, laun almennings
duga vart fyrir nauðþurftum á
sama tíma og auðvelt virðist að
fá fyrirgreiðslu á Reykjavíkur-
svæðinu til þjónustustarfsemi
og laun þar komin langt út
fyrir þann ramma sem
kjarasamningar hafa sett.
Þetta, ásamt fleiru svo sem
aðstöðumunur til menntunar
og annara þátta er að leiða af
sér búseturöskun sem ekki er
séð fyrir endann á.
Fundurinn lýsir áhyggjum
sínum vegna fjárhagsafkomu
bænda í kjördæminu, en
fagnar framkomnum tillögum
í verkefnalista ríkisstjórnar-
innar um fullt verð til bænda
fyrir framleiðslu ársins. Jafn-
framt fagnar fundurinn á-
formum um aðskilnað milli
framleiðslu og vinnslu land-
búnaðarvara.
Fundurinn bendir á mjög
alvarlega stöðu í útgerð og
fiskvinnslu, og alvarlegar
afleiðingar þess fyrir byggðar-
lög sem byggja afkomu sína að
mestu leyti á fyrirtækjum í
sjávarútvegi, ef þau verða að
hætta starfsemi sinni.
Aðalfundurinn fagnar þeim
áfanga sem náðst hefur með
byggingu Steinullarverksmiðju
á Sauðárkróki, en leggur
áherslu á áframhald uppbygg-
ingar á iðnaði í kjördæminu.
Þá vekur fundurinn einnig
athygli stjórnvalda og staðar-
valsnefndar á, að möguleikar á
uppsetningu stóriðjufyrirtækis
eru einnig á Norðurlandi vestra
eins og í öðrum landshlutum.