Feykir - 19.12.1984, Blaðsíða 7

FEYKIR 7
Tröllaskagi
Framhald af 5. síou.
Vikið, og samkvæmt mælingum okkar mun hann hafa
verið um það bil 1300 metra hár. Hæðartölur eru fáar á
kortum yfir þetta svæði, enda urðum við varir við, að
varlega ber að treysta kortunum, því nákvæmni þeirra
er ekki sem best verður á kosið þarna. Ofan af
hnjúknum sáum við of heima alla líkt og Óðinn úr
Hliðskjálf forðum. Við sáum ofan í fram-Svarfaðardal,
ofan í Ólafsfjörð, ofan í Fljót og Skagafjörð. Til suðurs
gnæfðu tindar Tröllaskagans, risavaxin steintröll og
risar, sem gera nafngiftina skiljanlega hverjum sem það
lítur. Dvöldum við þarna nokkra stund, snæddum nesti
og biðum þess hvort til Fljótamanna sæist. Þar eð
nokkuð tók að líða á dag, og við vildum hafa bjart til
byggða aftur, var haldið aftur af stað, þegar örvænt
þótti um komu Fljótamanna. Fréttum við enda síðar,
að minna hafði orðið úr för þeirra en til stóð. Var
ákveðið, að til þess að þurfa ekki að fara sömu leið
aftur og kanna nýjar, að halda ofan af Unadalsjökli og
út Unadal allt til Hofsóss, en við höfðum svo ýmsa
útvegi tilbúna til þess að komast heim þaðan. Fram til
þessa, hafði Sigurþór haft forystuna á hendi eins og
mun jafnan vera í ferðum þeirra félaga, en nú tók Ingólfur
við því hlutverki. Ingólfur hafði útbúið úr álplötu litla
snjóþotu til að hafa aftan í sleða sínum, og flutti hann
þar varaforða af bensíni. Nú var tekið að draga upp á
suðurlofið blikutrefjar, og farið að kula nokkuð af
suðri. Tók þá fljótlega að skafa, og spilltist skyggni
nokkuð hið næsta okkur þegar neðar dró á jökulinn.
Ingólfur ók fremstur, sem fyrr segir, og síðan hinir
á eftir, tveir og tveir samhliða. Þar eð Ingólfur var
nokkuð á undan, sáum við, sem voru aftastir hann ekki
alltaf jafnvel í kófinu. En við urðum varir við, að félagar
okkar stöðvuðu sleða sína skyndilega því Ingólfur hafði
gefið hættumerki með hendinni, ogsíðan horfiðsjónum
þeirra, eins og jökullinn hefði gleypt hann. Það fyrsta,
sem okkur datt í hug var að sjálfsögðu jökulsprunga,
en rétt í því vetfangi svifaði kófinu frá, og sáum við þá,
að við vorum staddir ofanvert við krappa hvilft í
jökulinn, líklega myndaða af stöðugum vindsveip, og
var brúnarhengja efst í hvilftinni. Langt, langt fyrir
neðan sáum við Ingólf gefa merki með höndunum, og
benda okkur að aka til suðurs. Við vorum að sjálfsögðu
fegnir að sjá, að Ingólfur var ómeiddur, og í ljós kom, að
litlu sunnar mátti komast með góðu móti utan með
hvilft á skafli. Líklega hefði þó verið erfitt að komast
þar upp á þessum gömlu sleðum. Þegar niður kom, var
Ingólfur spurður spjörum úr um þessa flugferð sína, því
flugferð hafði þetta greinilega verið. Sleðinn hafði ekki
snert snjóinn á 60-70 metra kafla, en snjóþotan góða,
sem var aftan í sleðanum, hafði lafað niður á fluginu, og
lækkað þyngdarpunkt sleðans nægilega til þess að hann
snaraðist ekki, og Ingólfur gat því setið hann eins og
ekkert hefði í skorist. Þótti okkur öllum, sem við
hefðum hann úr Helju heimtan. Þegar þarna niður var
komið, hafði dregið mjög úr skafrenningi og vindi, og
hélst það niður af jöklinum og niður á dal. Neðan við
jökulinn tók við krappt gil, og leist okkur illa á að
komast það og niður á dalinn. Mun á renna þarna
undan jöklinum, efstu drög Unadalsár. Greinilegt var, að
foss var þarna í gilinu, en ís og hjarn huldi hann Tóku
menn þann kostinn, að láta sleðana fara mannlausa
þarna niður af fossbrúninni, en klifra sjálfir niður á
öðrum stað. Tókst þetta vonum framar, en Friðrik lét
sig hafa það að sitja sleðann niður, enda ýmsu vanur í
þeim efnum. Héldum við síðan niður dalinn. Þótti
okkur Unadalur allmiklu lengri en við töldum hann
vera, því neðan frá að minnsta kosti lítur hann út fyrir
að vera örstuttur, en raunin er önnur. Var degi tekið
mjög að halla er við komum niður undir þjóðveginn.
Snjó var tekið að leysa, því þíðviðri var komið og
sunnan þeyr. Tókum við þó þann kost að reyna að aka á
sleðunum eftir vegarskurðum inn Höfðaströnd og
Oslandshlíð allt til Smiðsgerðis, þar sem jeppar og
kerrur biðu okkar. Var þetta allsukksamt ferðalag, því
víða var orðið blautt yfirferðar. Tókst þetta þó að
lokum og var orðið myrkt er við komum inn að
Smiðsgerði. Voru menn heldur handfljótir að koma
sleðunum á kerrurnar og var síðan haldið heim á leið og
gekk heimferðin vel.
Þetta ferðalag verður þeim sem þátt tóku í því
minnistætt, þótt skrásetjara verði það trúlega
minnisstæðara en öðrum, vegna þess að hann eróvanur
slíkum ferðum, svo sem fyrr greinir. Ekki skal því látið
hjá líða, að þakka þeim félögum fyrir tillitssemi og
þolinmæði við óvaninginn, því ekki þarf að fara
mörgum orðum um það, að slíkir tefja oft illa fyrir
hinum þjálfaðri.
Sú þekking og kunnátta á landslagi þarna mun og
síðar hafa komið þeim félögum aðgagni, er þeir tóku að
sér að koma skála ferðafélaganna Hörgs og Svarfdæla
upp á Tungnahrygg síðar. Var það mikið afrek og þarf
að tíunda síðar, að koma skálanum upp snarbratta
fjallshlíð og jökul upp í rúmlega tólf hundruð metra
hæð, þar sem hann stendur. En hér verður látið staðar
numið í bili.
Séra Róbert
Jack kominn úr
sinni árlegu
Skotlandsferð
— Já, ég er nýkominn heim úr þriggja
vikna ferð til Skotlands, Englands og Wales,
sagði séra Róbert Jack prófastur á Tjörn á
Vatnsnesi í stuttu símtali við blaðamenn eitt
kvöldið nýlega. í þeirri ferð kvaðsthann hafa
horft á marga knattspyrnuleiki og hittvini og
kunningja þar ytra. Séra Róbert er
heiðursfélagi Glasgow Celtic og hefur verið
það frá 1961. Hann fer árlega utan en er
venjulega ekki svo lengi sem nú.
— Ég er alltaf jafn mikill áhugamaður um
knattspyrnuna, sagði séra Róbert. — En
breytingar eru miklar í þessari íþróttagrein.
Nú er orðinn miklu meiri hraði en var á
mínum tíma og nú eru flestir leikmannanna
bundnir því að leika samkvæmt ákveðnu
kerfi. Einstaklingarnir fá því ekki að njóta sín
jafn mikið og fyrrum, meira er lagt upp úr
samspilinu.
í ferðinni talaði séra Róbert á
bændaklúbbsfundi í dalnum Rhonda í Wales.
Sagði hann frá íslenskum landbúnaði og var
hugur í bændum þar að koma í kynnisferð til
íslands næsta sumar.
Séra Róbert sagði að mikið annríki yrði hjá
sér um hátíðarnar. Nú þjónar hann á fjórum
kirkjum og messartvisvar, bæði ájóladag og
á annan í jólum.
Sendum félagsmönnum
okkar bestu jóla- og nýárskveðjur.
Verkamannafélagið FRAM
Sæmundargötu 7a, Sauðárkróki.
Jólahangikjötið
Á föstudaginn kynnum við jólahangikjötið
og þá fáið þið að bragða á kjötinu og
um gæði þess.
Hangiframpartur ............... 171
Úrbeinaður hangiframpartur......304
Hangilæri ...................... 314
Úrbeinað hangilæri...............472
London lamb, læri................475
London lamb, frampartur..........404
Hamborgarhryggur................271
50
ihdtjfi/ðintjmi)
Þú þarft ekki annað!
munu koma við í Skagfirðingabúð
á föstudag og laugardag kl. 16.
Þeir vita hvar hagkvæmast er að versla.
Ekta jól
Amerísku Delicius jólaeplin
á sérstöku jólatilboðsverði:
18 kg í kassa á aðeins
950:-
53:-
Þetta tilboð gildir til jóla.
pr. kg