Feykir - 19.12.1984, Blaðsíða 9

FEYKIR 9
„Mér er iDa \ið að stjóma með
með tilskipunum”
í haust var Eiríkur Jónsson
settur skólastjóri við Grunn-
skóla Blönduóss. Hann er
fæddur og uppalinn í Reykholti í
Borgarfirði, sonur Jóns Þóris-
sonar kennara þar og konu
hans, Halldóru Þorvaldsdóttur.
Hann lauk kennaraprófi frá
Kennaraskólanum 1972. Síðan
kenndi hann tvö ár í Grindavík
og eitt ár í Stykkishólmi. Síðustu
níu árin kenndi hann við
skólann á Kleppjárnsreykjum í
Borgarfirði. Hann er kvæntur
Maríu Ingadóttur og eiga þau
tvö börn.
Blaðamaður Feykis tók Eirík
tali og spurði fyrst hvort það
væri mikill munur á að kenna
við skóla eins og er á Blönduósi
eða heimaakstursskóla í sveit
eins og er á Kleppjárnsreykjum.
„Já, það er vissulega nokkuð
mikill munur. Þaðeraðvísulítill
munur á nemendunum, en það er
verulegur munur á stærð
skólanna. Hér er skóli af mjög
heppilegri stærð, þannig að hér
eru hvorki of margir né of fáir í
bekk. Nú stefnir hins vegar í það
að hér verði svo fjölmennir
árgangar að skipta þurfi
bekkjum. Þannig virðist mér
fimm ára árgangurinn vera það
stór að það þuríi að skipta
honum þegar að skólagöngu
kemur. Annað er það, að í
heimaakstursskóla verður að
taka mjög mikið tillit til
akstursins þegar kennslan er
skipulögð. Loks má nefna
félagslíf nemendanna. Það
verður mun minna þar sem
nemendur búa fjarri skól-
anum.”
Hvernig er félagsiífið hér?
„Það er all gott. Þó mætti
auka það fremur en hitt. Hér eru
bekkjarkvöld öðru hvoru þar
sem nemendur koma saman
með umsjónarkennurum sínum.
Einnig eru „opin hús” á hálfs
mánaðar fresti fyrir nemendur
fimmta bekkjar og eldri. Þá er
diskótek í einni stofu og í öðrum
er spilað, teflt eða leikinn
borðtennis. Nemendur níunda
bekkjar sjá um bekkjarkvöldin
og er það liður í fjáröflun þeirra
vegna væntanlegs skólaferða-
lags. Þá má nefna það að frjálsir
tímar eru i íþróttasal undir
eftirliti kennara. Annað félagslíf
er lítið í skólanum enn sem
komið er, en mun vaxa þegar
líður á og farið verður að
undirbúa árshátíð.”
Ætlar þú að beita þér fyrir
einhverjum nýjungum í skóla-
starfinu hér?
„Mér er illa við aðstjórna með
tilskipunum. Ég vil eiga gott
samstarf við alla sem ég vinn
með. Þannig næst bestur
árangur í starfi. Hér er mjög góð
samvinna meðal kennara og
virkilega góður andi. Ég var
vissulega búinn að velta ýmsum
málum fyrir mér áður en ég kom
hingað, en hvort um einhverjar
nýjungar verður að ræða getur
reynslan ein leitt í ljós. Um það
er of snemmt að fjalla á þessu
stigi.”
Hvernig finnst þér að koma til
Blönduóss og hefja hér störf?
Rætt við Eirík Jónsson skólastjóra á Blönduósi
„Mér fannst mjög þægilegt að
koma hingað og fólk tekur mér
mjög vel. Ég hef að vísu ekki
kynnst mjög mörgum ennþá en
kunningjahópurinn stækkar stöð-
ugt og mér líkar vel.”
Er ekki erfitt að ákveða að
flytja með fjölskylduna á stað þar
sem maður þekkir engan?
„Jú, það var erfið ákvörðun.
Það er einnig erfitt að rífa
fjölskylduna upp úr því
umhverfi sem maður gjör-
þekkir. Flytja úr sínu húsi ogfrá
sínum kunningjum. Hins vegar
tel ég að ákveðin hreyfing innan
skólakerfisins sé mjög til bóta.
Það er gott að kynnast nýju fólki
og nýjum hugmyndum. Ef
maður er alltaf á sama stað er
hætt við að maður staðni.
Mig langaði líka til að prófa
að stjórna. Ég er mjög vel settur
að byrja sem skólastjóri við ekki
þó stærri skóla en er hér á
Blönduósi. Þá er það ekki lítið
atriði að hafa sér við hlið
yfirkennara sem er gamalgróinn
skólamaður og hefur verið bæði
skólastjóri og fræðslustjóri, en
það er Sveinn Kjartansson.
Þetta var því, þegar á allt er
litið, ekki mjög erfið ákvörðun.
Nú, svo á ég mitt hús suður við
Kleppjárnsreyki, en ég hef til að
byrja með ársleyfi frá störfum
þar. Þangað get ég því snúið ef
mér líkar ekki hér þegar
veturinn er liðinn.”
Að lokum Eiríkur, segðu mér
aðeins frá þínum áhugamálum
öðrum en skólamálum.
„Ég er fæddur inn í
ungmennafélagshreyfinguna og
hef alltaf reynt að vera virkur
þar. í fyrstu starfaði ég í
ungmennafélaginu í minni sveit,
en síðar var ég kosinn í stjórn
UMSB. Þar sat ég í þrjú ár, fyrst
sem gjaldkeri og síðar sem
formaður. Þá hef ég starfað
mikið í kennarafélaginu og taka
öll þessi félagsstörf mikinn tíma.
Áður fyrr stundaði ég íþróttir
nokkuð og keppti í frjálsum
iþróttum og körfubolta. Á síðari
árum hef ég látið nægja að æfa til
þess að halda mér í góðri
líkamlegri þjálfun. Loks má
geta þess að stundum gríp ég í
spil og spila þá aðallega bridge.”
Feykir þakkar viðtalið og
óskar Eiríki og fjölskyldu hans
alls hins besta.
Goðdalakirkja í Vesturdal 80 ára
Goðdalakirkja.
Goðdalakirkja í Skagafirði er 80
ára á þessu ári. Kirkjan varreist
árið 1904, en árið áður hafði
kirkja sú, er fyrir var, fokið af
grunni í sunnanhvassviðri.
Yfirsmiður við kirkjubygg-
inguna var Þorsteinn Sigurðs-
son á Sauðárkróki, en hann
reisti sem kunnugt er margar
kirkjur í Skagafirði og
Húnavatnssýslu.
Goðdalakirkja, sem nú
stendur, er hið fegursta guðshús
og vel við haldið af söfnuðinum.
í Goðdalasókn eru nú 19 bæir.
Formaður sóknarnefndar er
Þórey Helgadóttir, Tunguhálsi.
Af merkum gripum, sem
kirkjan á, má sérstaklega nefna
altarisklæði frá 1736, listilega
útsaumað, sem enn er í notkun.
Altaristaflan er dönsk, máluð
eftir hinni frægu kvöldmál-
tíðarmynd Leonardo da Vinci
og setur hún sterkan svip á
kirkjuna.
Síðastliðið sumar fóru fram
talsverðar endurbætur á kirkj-
unni. Skipt var um járn á þaki
og það einangrað, einnig gerðar
lagfæringar á turni. Var
framkvæmd þessi orðin mjög
aðkallandi.
Áttatíu ára afmælis Goðdala-
kirkju var minnst með
hátíðarmessu í kirkjunni sunnu-
daginn 18. nóvember s.l. Þar
predikaði prófasturinn, sr.
Hjálmar Jónsson, en sóknar-
prestur þjónaði fyrir altari.
Kirkjukór Mælifellsprestakalls
söng við undirleik Heiðmars
Jónssonar og flutti kórinn m.a.
sálm eftir sr. Tryggva Kvaran,
sem eitt sinn þjónaði söfnuð-
inunr.
Góðir gestir sóttu kirkjuna
heim í tilefni afmælisins, m.a. sr.
Bjartmar Kristjánsson á Lauga-
landi, fyrrverandi sóknar-
prestur á Mælifelli og sr.
Gunnar Gíslason, fyrrverandi
prófastur í Skagafirði.
Að lokinni messu flutti Björn
Egilsson frá Sveinsstöðum
erindi um Goðdalakirkju og
Goðdalapresta. Kom hann víða
við í erindi sínu, rakti fyrst sögu
kirkjunnar, en fjallaði síðan um
presta þá sem setið hafa
Goðdali.
Goðdalir voru lengst af
prestssetur og var annexía Ábær
í Austurdal. Síðasti prestursem í
Goðdölum sat var sr. Sveinn
Guðmundsson, faðir hinna
þjóðkunnu lækna, Jónasar og
Kristjáns, en hann fékk Iausn frá
embætti 19. júlí 1904, og var
prestakallið síðan lagt niður og
sameinað Mælifellsprestakalli
árið 1907.
Erindi Björns var bæði
fróðlegt og blandið gamni, og
fylgir hér með að lokurn vísa eða
bæn, sem talin er vera ort af sr.
Sveini Pálssyni, er prestur var í
Goðdölum 1736-1757, og
hljóðar svo:
Ó, Drotinn, miskunna þú aumum iýð
einkum á Hofi og Bjarnastaðahlíð,
Bakkakoti og Bústöðum,
Breiðagerði og Anastöðum,
komdu seinast að Sveinsstöðum.
Ólafur Þ. Hallgrímsson.