Feykir - 25.06.1986, Blaðsíða 2

2 FEYKIR 13/1986
Óháð fréttablað
fyrir Norðurland vestra
IWKIR
■ RITSTJÓRI OG ÁBYRGÐARMAÐUR: Jón Gauti
Jónsson ■ ÚTGEFANDI: Feykir hf. ■ SKRIFSTOFA:
Aðalgötu 2, Sauðárkróki ■ PÓSTFANG: Pósthólf4,
550 Sauðárkrókur ■ SÍMI: 95:5757 ■ STJÓRN
FEYKIS HF.: Hilmir Jóhannesson, Sr. Hjálmar
Jónsson, Jón F. Hjartarson, Sigurður Ágústsson,
Sæmundur Hermannsson ■ BLAÐAMENN: Ingi V.
Jónasson, Magnús Ólafsson ■ ÁSKRIFTARVERÐ:
45 krónur hvert tölublað; í lausasölu 50
kr. ■ GRUNNVERÐ AUGLÝSINGA: 140 krónurhver
dálksentimetri ■ ÚTGÁFUTÍÐNI: Annan hvern mið-
vikudag ■ PRENTUN: Dagsprent hf., Akureyri
■ SETNING OG UMBROT: SÁST sf., Sauðárkróki.
leiöari —
Um ferðamál
Ný ferðamannavertíð er að ganga í garð.
Tiltölulega stutt er síðan hægt var að tala um vertíð í
þessu sambandi, vart meira en aldarfjórðungur. Á
þessum stutta tíma hefur fjölgun þess fólks, sem kýs
að eyða sumarleyfinu í ferðalög um ísland orðið mjög
mikil. Er t.d. búist við að í sumar sæki okkur heim yfir
hundrað þúsund útlendingar auk þeirra tugþúsunda
Islendinga, sem leggja munu land undir fót.
í fyrstu Iá leið ferðafólks á fáa staði. Einungis
nokkir staðir hér á landi þóttu skoðunarverðir. Með
auknum ferðalögum og bættum samgöngum verða
þeir sífellt fleiri, sem farnir eru að átta sig á að
allsstaðar á landinu er eitthvað skoðunarvert að
finna, hvort sem það er náttúran, sagan eða mannlífið
eins og það kemur okkur fyrir sjónir. Ennfremur
getur góð þjónusta og ýmsir afþreyingarmöguleikar
vegið þungt á metunum þegar áningarstaður er
valinn.
Sífellt fleiri gera sér nú grein fyrir þeirri staðreynd
að með ákveðnum aðgerðum megi laða að ferðafólk
til nær allra staða landsins og að þar skilji það eftir sig
fjármagn. Á það jafnt við um bæjar- og sveitarfélög,
félagasamtök og einstaklinga. Það hefur hins vegar
stundum viljað brenna við að ekki sé farið rétt að,
þegar hafist er handa um að byggja upp
ferðamannastað, jafnvel byrjað á öfugum enda. Sú
leið sem eðlilegust og réttust hlýtur að vera, er að
huga fyrst að umhverfisþáttunum, tryggja það sem
best að ferðalangurinn komi að aðlaðandi og
snyrtilegu umhverfi þar sem öllum umhverfislýtum
og mengun hefur verið komið fyriri kattarnef. Þessu
næst er að huga að því sem laða á að, og uppbyggingu
á þeirri þjónustu og/eða afþreyingarmöguleikum,
sem í boði eiga að vera. í því sambandi hlýturað vera
nauðsynlegt að líta út fyrir sitt nánasta umhverfi og
taka mið af því sem þar er. Slík uppbygging dugar
hins vegar skammt ef ekki kemur samhliða henni til
jákvætt hugarfar í garð ferðamannsins og hlýlegt
viðmót þegar hann birtist. Þetta er atriði, sem hingað
til hefur verið alltof lítið hugsað um, en kannanir sýna
að geti skipt sköpum um það hvernig til tekst að
byggja upp ferðamannastað. Samhliða þessu öllu og í
kjölfarið kemur síðan sjálf upplýsingamiðlunin, það
að kynna viðkomandi stað þannig að ferðafólk viti af
honum og leggi þangað leið sína.
Allir þessir þættir krefjast mikillar skipulagsvinnu
og samstillts átaks allra þeirra aðila, sem á einn eða
annan hátt eiga þar hagsmuna að gæta. í öllum
landshlutum hafa nú verið stofnuð samtök til að
vinna að ferðamálum, en því miður hafa þau verið of
vanmáttug til þessa. Sjálfsagt má að einhverju leyti
kenna þar um takmörkuðum fjárráðum, en væri ekki
ansi mikið unnið, ef hægt væri betur en nú, að
samstilla kraftana, leggja innbyrðis samkeppni um
smámálin til hliðar um sinn, og fara með jákvæðu
hugarfari að vinna sameiginlega að uppbyggingu
ferðamannaþjónustu á einstökum landssvæðum eða
landshlutum í heild.
Ggj)
-----------------------------bragamál
umsjón:
Ingi V. Jónasson
í Bragamálum tökum við nú
upp þráðinn þar sem frá var
horfið, og lítum á botnana sem
bárust.
Þó að ei sé gatan greið,
geng ég léttum sporum.
Megi þína lýsa leið,
ljós í heimi vorum.
I.S.
Rölti áfram rétta leið,
rofar í huga vorum.
Skagi
Öllum markað æviskeið,
er í heimi vorum.
Valnastakkur
Öll við finnum einhvern seið,
á náttleysu vorum.
Egill
Þegar ástin þreytir mig,
þá er skást að sofa.
Enga sást sem elskar þig,
einn mátt þjást í kofa.
I.S.
Víst þér brást að vara þig,
veikur lást með dofa.
Skagi
Menn sem hugsa mest um sig,
meyiar ekki lofa.
Egill
Valnastakkur vill hafa enda-
skipti á sínu framlagi ogláta það
hljóða svo:
Aldrei brást um ævistig,
að þér dást og lofa.
Þegar ástin þreytir mig,
þá er best að sofa.
I síðustu Bragamálum urðu
leið mistök í brag sem H.G.
sendi okkur. Þar í enda fyrstu
hendingar, fyrstu vísu á að
standa „log” í stað „lag”.
Bragamálum hafa borist tvö
bréf og er annað þeirra frá
Valnastakki. Inniheldur það svo
hljóðandi þakkir til H.G.:
í Bragamálum hlýt ég hér,
hefja þakkar vöku,
því að H.G. miðlar mér,
margri góðri stöku.
Hagmælsku á hróðrar vog,
hlýtur mig að bresta,
hef því varla herðar og,
höfuð yfir flesta.
Þó að rósin þyki fín,
þegnum nokkurs virði,
andans rótin er þó mín,
öll úr Skagafirði.
Ríms og stuðla rækta ber,
reynslunnar í skarði,
arfaklónum eyða réð,
í þeim blómagarði.
Illgresinu verst ég vart,
veldur norðan rokið,
að mér sækir af því margt,
yfir heiðar fokið.
Eg gróðurset á góðum stað,
gjöf frá vinum mínum,
hlýt ég þar að hlúa að,
hugarrósum þínum.
Kær kveðja og þakklæti
Valnastakkur
Hitt bréfið skrifar Egill undir,
en það hljóðar svo:
„I níunda tbl. sendir Valna-
stakkur, góður og vinsæll
vísnasmiður, formhátta- og
höfuðstafaunnandi mér kveðju
og gagnlegar ábendingar. Áð
hans áliti unglingnum og
viðvaning í braglistinni”.
Hér vil ég þakka fyrir það með
þessum orðum þó seint sé.
Með hróðrarsnarl mitt fer á
flakk,
fráleitt neinn þó pretta.
Við vísnajarlinn Valnastakk,
vil ég segja þetta.
Ævibraut ég áfram renn,
ábending þigg kæra.
Tel mig líka ungling enn,
og alltaf vera að læra.
Skáldaleyfi skapa enn,
skima og nýju að leita.
Enda mega allir menn,
út af hefðum breyta.
Vísu um land, sem víða berst,
vel hefur marga orta.
Valnastakki víst því ferst,
vissulega að gorta.
Egill
Bragamálum barst ein vísa
með sunnan golunni um atburð
Iíðandi stundar. Svo hljóðar hún
og fjallar um aðförina að
„Jakanum”.
Slefandi hýenur slóðina rekjandi,
stórmennið „Jaka” frá mannorði
hrekjandi,
með tvíræðri oiðmælgi tortryggni
vekjandi,
taðkögglum innyfla götuna
þekjandi.
Loks barst Bragamálum fyrir-
spurn um, hver hefði ort
eftirfarandi vísu og af hvaða
tilefni.
Gleði veldur, lund fær létt,
lifnar heldur grínið.
Hryssu geldri á harða sprett,
hleypir keldusvínið.
Mörg svör bárust við hinni
velþekktu vísu um atómskáldin
og hina, en því miður verða þær
að bíða næstu Bragamála vegna
plássleysis.
En hér koma fyrripartarnir til
að botna fyrir næsta blað.
Vísu er göfgar vora sál,
við skulum stuðla snöggir.
Syrtir að norðan sýnist mér,
sólskinsmorð ég eygi.
Lesendur eru beðnir aðsenda
inn fyrriparta. Og sem fyrr má
senda efni skriflcga til Feykis,
Aðalgötu 2, Sauðárkróki eða í
síma 5757. Botnarogfyrripartar
verða að hafa borist fyrir
föstudag 4. júlí.
Áskriftarsími Feykis er
5757