Ritröð Guðfræðistofnunar - 01.01.2008, Blaðsíða 65

Sveinbjörnsson svaraði í sama blaði nokkru síðar og hrakti röksemdafærslu
Jóns Axels sem aftur svaraði með nýrri grein. Enn kemur Jón Axel að þessu
í Lesbókargrein 2008 og sömuleiðs Clarence Glad guðfræðingur. Auk þeirra
Jóns Axels og Clarencar Glad má lesa um sama efni í grein eftir Gunnar
Þorsteinsson í Krossinum í Morgunblaðinu 2005. Ég vísa aðeins til þessara
greina ef einhverjir skyldu hafa áhuga á þeim skoðanaskiptum.
Merking grísku orðanna malakoi og arsenokoites hefur lengi vafist fyrir
mönnum eins og m.a. kom fram í grein Clarencar Glad. í íslenskum bibl-
íuþýðingum hefur arsenokoites verið þýtt:
1747: þeir sem Skomm drygia med Karlmonnum
1841/1859: þeir, sem leggjast med karlmonnum
1866: þeir sem leggjast með karlmönnum
1912: mannhórar
1981: kynvillingar
Malakoi hefur aftur á móti verið þýtt sem:
1540/1747: sælgætingar
1841/1859/1912: mannbleyður
1981: kynvillingar
Til fróðleiks má nefna að nýja danska þýðingin hefur hér: ,, mænd, der
ligger i med mænd“ og nýja sænska þýðingin ,, mán som ligger med andra
mán“.
Þýðingarnefndin kaus að hafa á þessum vandmeðfarna stað: „enginn
karlmaður sem lætur nota sig eða notar aðra til ólifnaðar". Þessu hafa sumir
tekið illa aðrir eru glaðir og þakklátir en þetta viðkvæma vers er erfitt að
þýða svo að öllum líki. Eins og skýrt kemur fram hjá Clarenci Glad er ekk-
ert augljóst við þýðingu þessara hugtaka, sem Jón Axel gefur í þó í skyn í
sínum greinum, og þýðingin 2007 því ekki fráleitari en aðrar.
11.4 Þrœlar eða þjónar
Illugi Jökulsson skrifaði pistil í 24stundir og kvartaði undan því að orðinu
þrœll hefði verið breytt í þjón. Hann skrifaði:
63