Feykir - 21.02.2007, Blaðsíða 8
8 Feykir 08/2007
Feyki lá forvitni á að vita aðeins meira um þá menn og konur
sem veljast í efstu sæti framboðslista stjórnmálaflokkanna í
Norðvesturkjördæmi. Sturla Böðvarsson, samgönguráðherra
reið á vaðið og svaraði nokkrum iaufiéttum spurningum.
Sturla Böðvarsson Sjálfstæðisflokki svarar
Hugsjónastarf
--------------------------------)
Nefndu 10 atriði sem þú og þitt framboð hefur
staóið fyrir á síðustu fjórum árum og kemur að
einhverju leyti við íbúa á Norðurlandi vestra.
1. Nýr vegur um Norðurárdal í Skagafirði, um Þverárfjall og
ákvörðun um GSIVI samband þar ásamt lagningu nýs strandvegar
á Sauðárkróki og vegagerðar við Vindheimamela.
2. Uppbygging á Hólum hefur verið studd á allan hátt og
sérstaklega ferðamálabraut skólans.
3. Samningur samgönguráðuneytis um Grettistak, Selasetur
og Gestastofu á Þingeymm. Samningur við Markaðsskrifstofu
Norðurlands ásamt stórfelldri markaðs- og landkynningaraðgerð-
um sem hafa leitttil fjölgun ferðamanna um allt land.
4. Styrkur samgönguráðuneytis og útboð á áætlunarflugi til
Sauðárkróks.
5. Stórfelldarhafnarframkvæmdirá Skagaströnd og Sauðárkróki.
6. Öflug varðstaða varaformanns fjárlaganefndar fyrir skóla,
sjúkrastofnanir, söfn og landbúnaðinn við afgreiðslu fjárlaga hverju
sinni.
7. Flutningur starfa og stofnana í landshlutann. Þar má nefna
innheimtuskrifstofu sekta á Blönduósi o.fl.
8. Samningur fjarskiptasjóðs um stafrænar útsendingar um
gervihnött til sjófarenda ogtil dreifbýlisins.
9. Fyrirtækinu Forsvari á Hvammstanga var falin veigamikil
greiningarvinna og forritun við að koma upp gagnveitu um
íslenskan sjávarútveg. Afraksturinn verðurgagnaveita um íslenskan
sjávarútveg og er að finna á fisheries.is.
10. Matís ohf. tók til við rekstur lceprotein á Sauðárkróki og tekur
þátt í verkefnum í fiskeldi með Háskólanum á Hólum. Stefnt er
að víðtækari uppbyggingu og tækifærum í þróun verkefna og
nýsköpun í Verinu m.a. í samstarfi við fyrirtæki sem hlotið hafa
styrk til slíks frá AVS sjóðnum.
Sturla i skoöunarferð í Norðurárdal.
Hversu lengi hefur þú
starfað í stjórnmálum?
„Fyrstu beinu afskipti mín af
stjórnmálum var þátttaka í
starfi ungra sjálfstæðismanna
á Snæfellsnesi. Á námsárunum
í Reykjavík tók ég þátt í starfi
flokksins og 1967 var ég
kjörinn í stjórn Sambands
ungra sjálfstæðismanna. Árið
1974 var ég ráðinn sveitarstjóri
í Stykkishólmi, en þar hafði D-
listinn náð hreinum meirihluta,
og var þar sem sveitar- og
bæjarstjóri og síðast einnig
sem bæjarfulltúi til ársins 1991.
Áriðvar 1991 var ég kjörinntil
setu á Alþingi sem þingmaður
Vesturlandskjördæmis. Frá
árinu 1999 hef ég verið sam-
gönguráðherra og þingmaður
Norðvesturkjördæmis frá
árinu 2003.”
Hvað er það við stjórnmálin
sem heillar þig?
„Allt starf að stjórnmálum er
hugsjónastarf í mínum huga.
Það sem hefur drifið mig áfram
í störfum mínum er viljinn
til þess að hafa áhrif á þróun
þjóðfélagsins og viljinn til þess
að breyta samfélaginu. Þátttaka
í stjórnmálum er kjörinn vett-
vangur til þess. Mikil samskipti
við fólk, ferðalög og kynni af
landinu er það sem er heillandi
við stjórnmálin.”
Af hvaða máli ertu
stoltastur?
„Sem pólitískur bæjarstjóri
í Stykkishólmi er ég stoltast-
ur af uppbyggingarstarfinu
þar og því að hafa fengið
að starfa með góðu fólki og
halda meirihluta í bæjarstjórn
Stykkishólms í tuttugu ár og í
síðustu kosningum, þar sem ég
var í framboði, fékk D-listinn
tæp 70% sem ég tel að bendi til
þess að ég geti verið stoltur af
þeim ferli mínum.
Sem þingmaður og ráð-
herra er ég ánægðastur með
að hafa fengið samþykkta nýja
löggjöf um samgönguáætlun,
ferðamálaáætlun og íjarskipta-
áætlun. Að fá þessar ályktanir
samþykktar á Alþingi og sjá
árangur af þessum áætlunum
í öllum landshlutum og hafa
nú komið í gegnum ríkisstjórn
og þingflokka tímamóta sam-
gönguáætlun sem mun valda
byltingu í landinu.”
Lumar þú ekki á einni góðri
sögu úr baráttunni?
„Þrátt fyrir að starf stjórn-
málamannsins sé að jafnaði
stöðugt puð og þras þá eigum
við skemmtilegar stundir með
góðu fólki.
Ein skemmtilegasta og um
leið óvæntasta uppákoman
sem ég kynntist var þegar við
Valdimar heitinn Indriðason
vorum í framboðsferð í stórhríð
og ókum fram á frambjóðend-
ur Bandalags jafnaðarmanna
sem höfðu verið með okkur
á framboðsfundi í Búðardal.
Við ókum Heydal á velbúnum
bíl og ösluðum yfir skaflana
og ókum framá þessa ágætu
frambjóðendur sem höfðu
látið öllum illum látum við
okkur á fundinum. Þeir voru
á fremur illa búnu ökutæki svo
ekki sé fastar að orði kveðið.
Þeir máttu eiga líf sitt undir
hjálp okkar í blindhríð en
þeir voru á spariskónum og
illa klæddir eins og þeir hefðu
ætlað að skreppa á milli húsa í
höfuðborginni. Þeir höfðu ekki
gert sér grein fyrir því hvernig
veðrið er á fjallvegum. Þeir
náðu sér ekki á mikið flug gegn
okkur á fundum eftir þetta og
urðu í raun góðir kunningjar
okkar eins og gerist mjög oft
með okkur sem störfum saman
í stjórnmálunum þrátt fyrir að
vera pólitískir andstæðingar.”
Hver eru þín áhugamál utan
stjórnmálanna?
„Sagnffæði, verndun gamalla
húsa, hestamennska og flugu-
veiði.”
Skiðasvæðið I Tindastóli heimsótt é dögunum. Sturla ásamtjóni Magnússyni frá Veg-
agerðinni, Viggó Jónssyni umsjónarmanni skiðasvæðisins og Brynjari Pálssyni.
Snjóframleiðsla á skíðasvæði Tindastóls
Meiri snjó
Það sem af er ári hefur
aðeins verið hægt að fara
á skíði í fimm daga á móti
65 dögum í fyrra. Það er
dýrt að láta mannvirkin
standa ónotuð og hefur
skíðadeild Tindastóls því
hafið undirbúning þess að
setja upp snjóbyssur. En
hvað kosta herlegheitin?
Viggó Jónsson, forstöðu-
maður skíðasvæðis Tinda-
stóls, segir að nú þegar hafi
verið lagt í mikla vinnu til þess
að mögulegt verði að hefja
snjóframleiðsluáskíðasvæðinu
næsta haust. Búið er að kaupa
rör sem þarf í verkefnið og
komir niður um 600m af þeim
en það sem uppá vantar verður
lagt í sumar. Gert er ráð fyrir
að kaupa fjórar byssur til þess
að anna framleiðslu á svæðinu
en ekki er búið að fá endanlegt
tilboð í snjóvélarnar þannig að
ekki er vitað nákvæmlega upp
á krónu hvað þetta kostar en
það fer eftir gengi og þessháttar
óvissu þáttum. En þetta eru
alit þekktar stærðir og engin
vandamál með það í sjálfúm
sér. Reiknað er með að þetta
muni kosta um 23.000.000
með öllu.
- Á skíðasvæði Dalvíkinga
hefur verið framleiddur
snjór með góðum árangri í
1 ár og eins í Hlíðarfjalli á
Akureyri.
-Ef við ætlum okkur að hafa
hér skíðasvæði sem treystandi
er á er nauðsynlegt að setja
þennan búnað upp eins og
dæmin sanna nú í vetur.
Það er ekki gerlegt fyrir
nokkurt fyrirtæki að vera
rekið með svona óvissu eins
og skíðadeild Tindastóls
rekur þetta í dag. Skíðasvæðið
í Tindastól er svo sem ekki
einkamál Skíðadeildarinnar
heldur er þetta gríðarlegt mál
fyrir férðaþjónustuna yfir
vetrartímann, og þetta tel ég að
sé einnig hagsmunamál fyrir
Húnverska ferðaþjónustu ekki
síður.
Ég tel að Húnvetningar
eigi að sýna það í verki að
þeir vilji starfa með okkur að
þessu verkefiii að byggja upp
í Tindastólnum. Veðurfársleg
skilyrði sem þurfa að vera til
staðar eru frost og vatn og við
vitum hvernig það hefur verið í
Tindastól, segir Viggó.
- Hvað kostar að reka
snjóbyssurnar á ári?
-Rekstrarkostnaður á svona
kerfi er náttúrlega brcytilegur
það fer svolítið eftir því hvernig
það er upp byggt og hversu
margar vélar eru teknar en hver
vél er um 25 KW og svo þarf
dælu sem er um 90KW og þá
vitum við aflið en okkur vantar
þá tímann sem við þurfum
að keyra vélarnar. Svæðið
þjónustar í dag Skagafirði
og Húnavatnssýslum og er
mikill metnaður Sklðadeildar
Tindastóls að bæta svæðið enn
frekar. Það er algerlega ljóst að
deildin getur ekki haldið svona
áfram það sér það hver maður.
Á góðu ári koma um 8000
manns á skíði og stendur
svæðið þá undir sér. Komi
hins vegar ár eins og í ár koma
eðli málsins samkvæmt fáir í
brekkurnar og svæðið er rekið
með tapi. Reikningsdæmið er
því að mati þeirra skíðamanna
ekkert flókið. Eigi svæðið að
lifa af fleiri svona vetur verði að
koma til framleiðsla á snjó. Við
leyfúm Viggó að eiga síðasta
orðið. -Skíðadeild Tindastóls
horfir björtum augum fram á
veginn og er hvergi bangin. Það
er ekki eins og þetta sé eitthvað
risa verkefni, við höfum séð
það svartara, það er bara að
vinna í málunum þá ganga
hlutirnir upp.