Feykir - 06.03.2008, Blaðsíða 15

09/2008 Feyklr 15
Fermingarundirbúningurinn
Er góða veislu
gjöra skal

Fermingarnar eru á næsta leiti og nú fer
hver að verða síðastur að leggja lokahönd
á undirbúning veislunnar.
Salur, veitingar og skreytingar er eitt af því
sem fyrst er bókað og planað. Allt skal vera
klappað og klárt.
En skyldi ekki vera eitthvað annað sem
þarf að hafa í huga. Feykir lagði í ferðalag
um veraldarvefinn og fann nokkur lauflétt
ráð sem hafa ber í huga á síðustu metrum
fermingarundirbúnings.
Minnislisti fyrir pabba
og strákana á neimilinu
■ Fjölskyldubílinn þarf að þrífa svo fermingarbarnið og fjölskyldan skíti sig nú ekki út á ferðalaginu í
kirkjuna.
• Ef það er snjór og hálka þá þarf að vakna snemma og moka og salt eða sandbera tröppur og
gangstétt. Tilvalið verkefni fyrir ungu kynslóðina
• Ef veislan á að vera heima er gott að yfirfara perur, fara yfir fjöltengi og slík praktísk mál í tíma.
■ Ef von er á mörgum börnum í veisluna skal gera ráð fyrir að þau hafi eitthvað annað við að vera
en hlaupa stjórnlaust um. Tilvalið er að koma upp sjónvarpshorni þar sem góð mynd er í tæki. Taka
til dótakassa, liti, litabækurog spil.
Minnislisti fyrir fermingarbarnið
■ Það þykir sjálfsögð kurteisi að taka vel á móti gestum sínum, heilsa þeim öllum með handabandi
og gefa sér smá tíma til þess að spjalla við frænkur og frændur.
• Ef fermingarbarnið hefur það hlutverk að bjóða gesti velkomna með nokkrum orðum og bjóða
þeim að gjöra svo vel er gott að vera búin að skrifa þau orð niður og æfa sig.
• Ekki vera feimin/n að koma með þínar hugmyndir hvað veisluna varðar. Það er ekki nein ein
uppskrift af fermingarveislu. Þetta er þinn dagur og þú átt númer eitt, tvö og þrjú að njóta hans.
• Gerðu ráð fyrir gjafaborði þar sem gjöfunum er komið fyrir og gestir geti skoðað gjafirnar. Gott ráð
er að geyma að taka þær upp þar til eftir veisluna og gera það þá í ró og næði með fjölskyldunni.
v______________________________________________________________________/
Minnislisti fyrir hina
ofurstressuou móöur
fermingarbarnsins
• Eftir að hafa hugsað fyrir öllu varðandi alla aðra í fjölskyldunni, taktu þér þá tíma og hugsaðu fyrir
þérsjálfri. Taktu þértíma til að klæða þig, fara í greiðslu og líta vel út. Þetta erjú líka þinn dagur.
• Flottar veitingar, pinnamatur og nýtískulegir réttir eru jú flottir á pappírum en ekki gleyma yngstu
kynslóðinni. Pizzasnúðar, kleinur, muffins ogfleira íþeim dúrereitthvað sem alltafslærígegn ogætti
að eiga heima með á borðum þarsem ungviðið er.
■ Ekki láta mömmu þína eða tengdamömmu taka þig á taugum á lokametrunum. Þær meina vel. Ef
þær eru alveg að gera útaf við þig brostu þá bara blítt og segðu ákveðið: „Við erum nú eiginlega búin
að ákveða að hafa þetta öðruvísi". Stimplaðu það síðan inn í minni þitt að þegar þú verður amma
fermingarbarnsins þá munt þú ekki láta svona.
Til minnis fyrir alla
• Ekki gleyma að njóta dagsins, þetta eru tímamót sem aldrei koma aftur og eiga ekki að helgast
að pirringi og stressi heldur kærleika og ást.
( ÚR ELDHÚSI LESENDA )
Hrefna Óska og Póröur Rafn kokka
Súkkulaðikaka
Þau Hrefna Ósk og Þórður Rafn á Blönduósi bjóða upp
á uppskriftir vikunnar að þessu sinni. En þau bjóða
upp á þrjár uppskriftir sem óspart eru notaðar á þeirra
heimili. Þau Hrefna og Þórður skora á Stefán Þórarinn
Ólafsson og Erlu ísafold og munu uppskriftir þeirra
birtast í Páskablaði Feykis að hálfum mánuði liðnum.
Rosalega góð
súkkulaðikaka
Hráefni:
200 gr. dökkt súkkulaði,
t.d. Síríus Konsum
200 gr. smjör
4 stk. egg
3 dl. sykur
1 dl. hveiti
100 gr. heslihnetur
gróft skornar.
Kremið:
175 gr. dökkt súkkulaði,
t.d. Síríus Konsum
1 stk. stórt Mars
1 dl. Grand Marnier
Skvetta afrjóma
Smjör og súkkulaði brætt
yfir vatnsbaði og látið kólna
aðeins. Egg og sykur þeytt
saman. Súkkulaðibráðinni
og eggjahrærunni blandað
vel en varlega saman.
Hveiti og heslihnetum
blandað varlega saman við.
Smelluform smurt og hveiti
stráð yfir, deiginu hellt í og
bakað í ca. 40-50 mín. við
180°c.
Bökunartíminn er afar
mismunandi á milli ofha,
best að stinga gaffli í miðja
kökuna til að athuga
ástandið. Deigið á/má
festast aðeins á gafflinum
þegar hann er dreginn út,
þó ekki of mikið.
Kremið: Súkkulaði brætt
yfir vatnsbaði (tekur
dálítinn tíma að bræða
Marsið). Grand Marnier
og rjóma, bætt út í þar til
kremið verður hæfilega
þykkt. Best að setja kremið
á þegar kakan er orðin köld.
Skreytið eftir hugmynda-
flugi, t.d. með jarðaberjum
eða blæjuberjum.
Kaldur réttur
Hráefni:
Grcen vínber
Rauð paprika
Skinka
Camembert ostur
Sýrður rjómi
Brauð rifið niður
Blaðlaukur
Hráefhin eru skorin niður og
öllu blandað saman. Hlutföll
og magn er eftir smekk. Best
fyrir hvern og einn að finna
hvað honum finnst best.
Sítrónulœri
húsbóndans
Hráefni:
1 stk. lambalæri
1 stk. hvítlauksrif, stórt
1 msk. engifer,
ferskur og saxaður
1 msk. Dijon sinnep
2 msk. ólífuolía
Börkur og safi
úr 2 sítrónum.
Rífið börkinn af sítrónunni
með fínu rifjárni, kreistið
safann úr ávextinum í aðra
skál og geymið. Fínsaxið
engifer og hvítlauk og
blandið saman við börkinn
ásamt Dijon sinnepi og
olíu. Skerið rákir í fitulagið
á kjötinu og aðeins ofan í
það. Smyrjið maukinu í
rákirnar og látið standa í 2
tíma. Þegar kjötið er sett í
ofngrindina til steikingar,
hellið sítrónusafanum þá
yfir kjötið.
Verði ykkur að góðu!!