Feykir - 20.08.2009, Blaðsíða 9
30/2009 Feykir 9
( TÖLVUPÓSTURINN )
Margrét Björk Arnardóttir er nýráöin náms- og starfsráögjafi hjá Farskóla
Noröurlands vestra meö aösetur á Sauðárkróki. Staóa Margrétar er
langþráð stööugildi hjá Farskólanum og veröur spennandi aö fylgjast meö
störfum hennar. Feykir sendi Margréti tölvupóst of forvitnaóist örlítiö um
hana sjálfa og ekki síöur starfiö nýja.
Allir fullorðnir
velkomnir í ráögjöf
Hver er konan? -Ég er fædd á
Siglufirði, gekk í grunnskóla á
Hofsósi og í Menntaskóla á ísafirði.
Ég bjó erlendis í 8 ár en flutti heim
í ársbyrjun 2002, fyrst í Kópavoginn
en haustið 2002 á Sauðárkrók, en
hér hef ég búið síðan, nema frá sé
dregið þau tvö ár sem ég fór suður.
Égergift Ragnari Einarssyni múrara
frá Hamri í Hegranesi og eigum við
tvær dætur 3 og 5 ára. Ég á einnig
tvo stjúpsyni sem eru 16 og 19
ára.
Hver er þinn bakgrunnur? - Ég
er menntaður félagsráðgjafi frá
Den Sociale Hojskole í Odense og
náms- og starfsráðgjafi frá Háskóla
íslands. Ég stunda masternám
við Hl í náms- og starfsráðgjöf.
Ég hef starfað sem náms- og
starfsráðgjafi frá árinu 2002 fyrst
við Árskóla á Sauðárkróki og s.l.
tvö ár við Breiðholtsskóla. Ég hef
starfað sem félagsráðgjafi, bæði
hjá Félagsþjónustu Kópavogs
og greiningar- og ráðgjafadeild
sveitarfélagsins Odense. Ég hef
einnig starfað sem leiðbeinandi
í leik- og gmnnskóla, þjónn,
fiskvinnslukona, blaðamaður og
fleira.
Nú ert þú komin í nýtt starf, hvernig
leggst það í þig? -Þetta leggst
mjögvel í mig. Móttökurnarsem ég
hef fengið hafa verið alvegfrábærar
og margir hafa þegar komið að máli
við mig til að forvitnast um starfið
og þjónustuna.
í hverju mun starf þitt verða
fólgið? -Starfi mínu má í raun
skipta í þrennt. Náms- og
starfsráðgjöf á vinnustöðum, náms-
og starfsráðgjöf fyrir háskólanema
og náms- og starfsráðgjöf lyrir
almenning.
Á vinnustöðum er markmiðið
að hvetja fólk til símenntunar og
auka þannig þekkingu og færni
starfsmanna, hvetja til starfsþróunar
og auka starfsánægju.
Háskólanemar hafa aðgang að
fræðslu og ráðgjöf um vinnubrögð
í háskólanámi, aðstoð við skipu-
lagningu, lestraráætlanir og annað
í þeim dúr.
Almenningur getur síðan
fengið ráðgjöf og upplýsingar til
að auðvelda ákvarðanatöku vegna
náms- og starfsvals. Ég veiti m.a.
upplýsingar um nám og störf og
aðstoða við að finna námsleiðir og
starfsvettvang við hæfi. Það skal
skýrt tekið fram að öll þjónusta
náms- og starfsráðgjafa er
þátttakendum að kostnaðarlausu.
Getur hver sem er leitað til þín eða
hvernig virkar þetta? -Markhópur
farskólans eru fullorðnir, svo allir
sem tilheyra þeim markhópi em
velkomnir í ráðgjöf.
Nú langar marga að láta gamlan
draum rætast og setjast aftur á
skólabekk en það er alltaf eitthvað
sem stoppar. Hvað segir þú um
það?- Við þurfum öll að takast á
við óteljandi hindranir í lífinu. Ef við
bíðum endalaust eftir nákvæmlega
rétta augnablikinu til að gera það
sem okkur langar til er ansi líklegt
að það komi ekki. Það sem mestu
máli skiptir er að fá aðstoð við
skipulagningu og undirbúning og
vita út í hvað maður er að fara.
Ef fólk á við námserfiðleika að
stn'ða og hefur slæma upplifun af
skólakerfinu er nauðsynlegt að fá
ráðgjöf og aðstoð. Einnig þarf að
tryggja að fjölskyldan sé vel með
á nótunum og svo er bara að láta
drauminn rætast.
Munt þú verða eingöngu með
viðtöl á Sauðárkróki eða kemur þú
til með að fara á milli staða? -Ég
kem til með að bjóða upp á viðtöl
á öllum starfestöðvum Farskólans,
þ.e. á Skagaströnd, Blönduósi,
Hvammstanga og Siglufirði.
Eitthvað að lokum? -Ég vil hvetja
alla sem eru að velta fýrir sér
að fara í nám eða á námskeið,
skipta um starf eða horfa fram á
starfslok að nýta sér þá þjónustu
sem náms- og starfsráðgjöf í
Farskólanum hefur uppá að
bjóða. Allar nánari upplýsingar
um náms- og starfsráðgjöfina er
að finna á heimasíðu farskólnas
www.farskolinn.is undir hlekknum
þjónusta og ráðgjöf.
Byrðuhlaupið 2009
Guömundur Elí hljóp hraðast
Byrðuhlaup Ungmenna-
félagsins Hjalta var haldið í
fyrsta sinn laugardaginn 15.
ágúst síðast hðinn á dögum
Hólahátíðar. Hlaupið var frá
Grunnskólanum að Hólum
sem leið lá eftir vegum og
göngustígum upp í
Gvendarskál.
Átta hlauparar tóku þátt og
varð Guðmundur Elí Jóhanns-
son fyrstur í mark á tímanum
34:09 mínútum.
-Það var gaman að fylgjast
með hversu kappsamir þátt-
takendur voru og kepptust þeir
um farandbikarinn en hlaupið
verður árlegt og því um að gera
fyrir áhugasama að byrja að
æfa fyrir næsta ár, segir
Sigurlaug Rún Brynleifsdóttir
hjá UMFH.
Ungmennafélagið Hjalti vill
koma á framfæri bestu þökkum
til Claudiu, Eyrúnu, Önnu
Guðrúnu, LOju Rún og Gumma
fyrir ómetanlega aðstoð við
undirbúning og framkvæmd
hlaupsins.
Guömundur Elítekur viö bikarnum úr höndum Jóhanns Bjamasonar.