Morgunblaðið - 18.08.2015, Síða 22

22 MINNINGAR
MORGUNBLAÐIÐ ÞRIÐJUDAGUR 18. ÁGÚST 2015
✝ Ingólfur Kon-ráðsson fædd-
ist á Efri-Grímslæk
í Ölfusi þann 19.
júní 1929. Hann
lést þann 6. ágúst
2015 á Landspít-
alanum við Hring-
braut.
Foreldrar Ing-
ólfs voru Konráð
Einarsson, f. 21.11.
1898, d. 17.8. 1980,
bóndi á Efri-Grímslæk og kona
hans Soffía Ásbjörg Magnús-
dóttir, f. 1.5. 1898, d. 31.1. 1995
frá Efra-Skarði í Svínadal.
Systkini Ingólfs eru Gunnar, f.
4.7. 1928, Magnús, f. 8.9. 1933
og Sigríður, f. 20.2. 1937.
Þann 19. janúar 1962 kvænt-
ist Ingólfur eftirlifandi eig-
inkonu sinni, Ragnheiði Hall-
dórsdóttur, f. 8.8. 1936.
Foreldrar hennar voru Halldór
Marías Ólafsson, f. 2.11. 1894,
d. 12.9. 1955 og Ólöf Helga
Fertramsdóttir, f. 2.11. 1893, d.
14.5. 1992.
Börn Ingólfs og Ragnheiðar
eru: 1) Helga María, f. 10.10.
1954, maki Þorsteinn Helgason.
Þeirra börn eru: a. Hlynur, f.
1988, maki Jóna Rán Sigurjóns-
dóttir, b. Eyþór, f. 1990, sambk.
sínu og vann við tilfallandi
landbúnaðarstörf á sínum
yngri árum, m.a. á Laug-
arvatni. Hann vann svo sem
sjómaður sem varð hans að-
alstarf um nokkurt skeið. Eft-
ir að í land var komið starfaði
Ingólfur hjá Sigurði Kr. Árna-
syni byggingameistara en það-
an lá leiðin til Sambandsins,
fyrst við byggingu Holtagarða
og síðar hjá Samskipum. Hjá
Samskipum vann hann við ým-
is störf er sneru að skipa-
afgreiðslu og síðast starfaði
hann þar sem vaktmaður. Ing-
ólfur og Ragnheiður bjuggu í
Njörvasundi 31 í rúmlega 50
ár en þangað fluttu þau 12.
ágúst 1961. Í desember árið
2012 fluttu þau hjónin í nýja
íbúð á Suðurlandsbraut 58.
Áhugamál Ingólfs voru eink-
um ferðalög og voru þau hjónin
dugleg að ferðast. Algengt var
að fara í langa ferð til sólar-
landa bæði á vorin og á haustin
en í þeim ferðum leið Ingólfi
vel enda átti hitinn vel við
hann. Þegar Ingólfur og Ragn-
heiður ferðuðust innanlands þá
var ýmist dvalist í tjaldi eða í
orlofshúsum víðs vegar um
landið. Ingólfur var um skeið
duglegur að mæta í sund í
Laugardalslauginni en þá var
spjallað við ýmsa sundfélaga
eða lagst á bekk til að njóta
sólarinnar.
Útför Ingólfs fer fram frá
Fossvogskirkju í dag, 18. ágúst
2015, kl. 13.
Stefanía Björk
Jónsdóttir, c. Bryn-
dís, f. 1993,
sambm. Ágúst
Pálsson. 2) Andrés
Reynir, f. 3.4.
1956, maki Guð-
laug Helga Kon-
ráðsdóttir. Fyrri
kona Andrésar var
Arna Steinþórs-
dóttir, d. 1996.
Börn Andrésar og
Örnu eru: a. Ása, f. 1980, b.
Arnþór Ingi, f. 1987, d. 2011, c.
Auður Ásta, f. 1989, maki Ben-
jamin Beier. Sonur þeirra er
Anton Máni, f. 2014. 3) Halldór,
f. 18.5. 1962, maki Elísabet
Þórunn Ásthildur Maack Pét-
ursdóttir. Dætur þeirra eru: a.
Petra Andrea Maack, f. 1987,
sambm. Felix Bleimund, b.
Ragnheiður Björk, f. 1991. 4)
Ása, f. 4.4. 1965, d. 8.9. 1968. 5)
Ásberg Konráð, f. 31.5. 1971,
sambk. Þórhildur Guðmunds-
dóttir. Dætur þeirra eru: a. El-
ínborg Ása, f. 2001, b. Matt-
hildur, f. 2004.
Ingólfur gekk í Hveragerð-
isskóla og var svo við nám í
Héraðsskólanum á Laugar-
vatni. Hann byrjaði snemma
að hjálpa til á æskuheimili
Elsku Ingi minn.
Ég kveð þig með miklum
söknuði og þakka þér öll ynd-
islegu árin sem við áttum sam-
an.
En komin eru leiðarlok
og lífsins kerti brunnið
og þín er liðin æviönn
á enda skeiðið runnið.
Í hugann kemur minning mörg,
og myndir horfinna daga,
frá liðnum stundum læðist fram
mörg ljúf og falleg saga.
Þín vinartryggð var traust og föst
og tengd því sanna og góða,
og djúpa hjartahlýju og ást
þú hafðir fram að bjóða.
Og hjá þér oft var heillastund,
við hryggð varst aldrei kenndur.
Þú komst með gleðigull í mund
og gafst á báðar hendur.
Svo, vinur kæri, vertu sæll,
nú vegir skilja að sinni.
Þín gæta máttug verndarvöld
á vegferð nýrri þinni.
Með heitu, bljúgu þeli þér
ég þakka kynninguna,
um göfugan og góðan dreng
ég geymi minninguna.
(Höf. ók.)
Minninguna um þig mun ég
alltaf bera í hjarta mínu.
Ragnheiður Halldórsdóttir.
Elsku pabbi,
nú ert þú farinn á braut frá
okkur hinum. Við hin minnumst
þín með gleði í hjarta og þakk-
læti fyrir samveruna. Að eiga
þig að var dýrmætt og ég er
þakklátur fyrir það. Það sem þú
kenndir mér hefur hjálpað mér
í svo mörgu á lífsleiðinni. Þegar
ég hugsa til þín koma orð í hug-
ann eins og traustur, réttsýnn
og vinnusamur í huga. Þetta
innprentaðir þú í huga minn
sem það sem allir þyrftu að
hafa til að bera. Ég minnist
þess að í bernsku varst þú mik-
ið að heiman í sjósókn. Þar
voru jafnan átök og erfiði en
miðað við það sem ég þó dró
upp úr þér get ég ímyndað mér
hve mjög þú lagðir þig fram í
vinnu til að gera okkur fjöl-
skyldunni heimili. Ég man vel
eftir því þegar þú varst í sigl-
ingum með fisk á markaði er-
lendis en þá var tilhlökkunin
mikil er heim kom. Jafnan stór
kassi sem var fullur af nammi,
sem ekki var á boðstólum eins
og nú er. Einnig man ég eftir
dótatraktor og gröfu sem var
einstakt á þeim tíma og við
systkinin lékum okkur oft með.
Þú fórst með mig í sveitina til
að kynna mér þann hluta sem
þér var kær og til að kynna mér
fyrir vinnu. Taldir þetta ómiss-
andi hluta af uppeldi og man að
þér þótti aldrei vinna nema lík-
amleg væri, sem hugsanlega
hefur þó breyst með tímanum.
Sérstaklega er minnisverð ferð-
in þegar litli bróðir kom í heim-
inn. Þá fórum við saman austur
fyrir fjall og hve glaður þú
varst og stoltur af litla bróður.
Á sama hátt man ég hve mjög
það tók á þig þegar litla systir
fór frá okkur og þá sá ég hve
stórt hjarta þitt var gagnvart
fjölskyldunni og þeim gildum
sem þú lifðir fyrir. Jólin voru
svo þinn tími og heimili okkar
var vel skreytt í uppeldi sem og
síðar. Kannski hefur það gefið
mér þá gleði sem fylgir þeim
dásamlega tíma hve vel tókst til
hjá þér og hve áríðandi var að
vel væri gert. Þessi var og er
tími barnanna og ósköp gladdi
það þig þegar barnabarnahóp-
urinn stækkaði og var saman-
kominn hjá þér á þessum tíma.
Að ferðast varð með árunum
þitt áhugamál. Við hjónin vor-
um svo lánsöm að fá ykkur
mömmu í heimsókn þegar við
vorum í námi í Þýskalandi og
ekki skemmdi fyrir að þá vor-
um við komin með litla Petru.
Ferðir okkar um Evrópu voru
sérlega ánægjulegar. Þar varst
þú í essinu þínu með henni og
máttir vart líta af henni í
löngum ferðum okkar. Það var
mikilvægt á þeim tíma að eiga
þig að en þegar á bjátaði varst
það þú sem gerðir útslagið um
að námsdvöl okkar gekk upp.
Það varst þú sem kynntir mig
fyrir vinnunni sem ég hef alla
tíð verið í. Eitt stutt samtal við
Óla Þorsteins í maí 1979 breytti
lífi mínu og eftir það var ekki
aftur snúið. Auðvitað var sá
sem þú kynntir mig fyrir með
öllum þeim eiginleikum sem þú
hafðir og ég hef reynt að til-
einka mér í öllu starfi síðan. Nú
þegar þú ert farinn þá munum
við minnast alls þessa, halda
áfram og bera fram þessar
áherslur sem þú kenndir okkur.
Við munum gera okkar til að
byggja upp og gera heiminn
betri eins og þú lagðir áherslu á
við okkur. Ég held á lofti minn-
ingu þinni með gleði í hjarta.
Hvíl í friði elsku pabbi, ég er
þakklátur að hafa átt þig að.
Sjáumst síðar.
Halldór Ingólfsson.
Í dag er til hvílu borinn ynd-
islegur tengdafaðir minn, Ing-
ólfur Konráðsson.
Kletturinn sem alltaf stóð við
bakið á okkur, studdi okkur í
öllu sem við tókum okkur fyrir
hendur. Hjálpaði okkur með
margt sem taldi ekki þá, en í
dag telur það mikið. Stærsta
hjálpin var stuðningurinn þegar
við hjónin vorum í námi í
Þýskalandi, það hefði verið
ógerlegt nema af því að þú
varst til staðar.
Þessi 34 ár sem við þekkt-
umst hafa gefið mér mikið og á
ég eftir að sakna þín sárt, en ég
veit að þér líður vel.
Kallið er komið,
komin er nú stundin,
vinaskilnaðar viðkvæm stund.
Vinirnir kveðja
vininn sinn látna,
er sefur hér hinn síðsta blund.
Margs er að minnast,
margt er hér að þakka.
Guði sé lof fyrir liðna tíð.
Margs er að minnast,
margs er að sakna.
Guð þerri tregatárin stríð.
Far þú í friði,
friður Guðs þig blessi,
hafðu þökk fyrir allt og allt.
Gekkst þú með Guði,
Guð þér nú fylgi,
hans dýrðarhnoss þú hljóta skalt.
(Vald. Briem)
Hafðu þökk fyrir allt.
Þín tengdadóttir,
Elísabet Maack
Pétursdóttir.
Þar sem englarnir syngja sefur þú
sefur í djúpinu væra.
Við hin sem lifum, lifum í trú
að ljósið bjarta skæra
veki þig með sól að morgni
(Bubbi Morthens)
Margar eru minningarnar og
sögur sem við eigum um hann
Inga afa. Ef við hugsum til
baka, sjáum við fyrir okkur
stofuna í Njörvasundinu þar
sem hann sat í stólnum sínum í
horninu með bók og bunka af
Morgunblöðum. Svo þegar við
systur urðum stærri og verið
var ræða málin sló hann sér á
læri og sagði „Ja, það held ég
nú“ eða „nei... nei... nei...“ ef
það var eitthvað sem honum
leist nú ekki á. Í loftinu ilmar
Boss-rakspíri og má heyra afa
segja, „hérna, fáðu þér drukk“
og „svona, éttu þetta greyið
mitt“ þegar veitingar voru á
borðum.
Ég, Ása, er elsta barnabarn-
ið þar til Arnþór Ingi bróðir
bættist í hópinn sjö árum
seinna sem segir sig sjálft
hversu mikla athygli ég fékk
hjá ömmu og afa. Sagan segir
að eitt kvöldið þegar mamma
og pabbi ákváðu að skella sér í
bíóferð og komu við til að koma
mér fyrir í pössum, en amma
var á slysófundi. Mamma eins
ákveðin og hún var við afa, var
nú ekkert að gefa það eftir og
Ása litla var skilin eftir hjá
Inga afa. Mér leist nú ekkert á
þetta fyrst og þurfti afi að eyða
góðri stund með mér út í
glugga í eldhúsinu, þar sem
hægt var sjá innkeyrsluna. En
þegar amma Stella kom svo
heim vorum við orðnir hinir
bestu vinir og var ég lítið að
veita ömmu einhverja athygli
þetta kvöld.
Árin liðu og við minnumst
þess systur þegar farið var í ís-
bíltúr og komið var við hjá afa í
vinnunni þar sem hann vaktaði
öryggishliðið hjá Samskip undir
lok starfsævi sinnar. Þar var
sko takki sem hægt var að ýta á
sem opnaði hliðið. Það var sko
flott. Fastur liður um jólin var
svo að mæta til ömmu og afa í
Njörvasundið og opna jóla-
pakka á aðfangadag og fá afa-
kjöt (hamborgarhrygg) á jóla-
dag.
Elsku afi, með þér sendum
við ást og hlýju og stórt knús til
mömmu og Arnþórs Inga.
Ása Andrésdóttir og
Auður Ásta Andrésdóttir.
Elsku besti afi minn,
dagurinn í dag er mjög erf-
iður dagur. Í dag kveð ég þig,
minn allra besti afi. Ég kveð
þig með söknuð í hjarta en á
sama tíma gleðst ég yfir þeim
dýrmætu minningum sem við
eigum saman.
Heppnust allra finnst mér ég
vera að hafa fengið að vera
mikið í pössun hjá ykkur ömmu
þegar ég var lítil ásamt Petru
stóru systur. Við vöknuðum á
morgnana og fengum að horfa
á barnaefnið meðan þú undir-
bjóst morgunmat fyrir litlu afa-
prinsessurnar þínar. Á boðstól-
um var ein skál af Honeynut
Cheerios, hálfur banani skorinn
í hliðarnar til að auðvelda okk-
ur að opna hann, mjólkur- eða
djúsglas og að sjálfsögðu lýsi.
Við tók svo ávallt viðburðamik-
ill dagur. Sterkastar eru minn-
ingar mínar af sundferðunum
okkar í Laugardalslaugina,
ferðunum niður að tjörn til að
gefa bra bra brauð, af því þeg-
ar við röltum saman yfir göt-
una til að ná í flatkökur og
mjólk í Bónus og þegar við
gengum saman frá þvottinum
og ég fékk að snúa rullunni
hennar langömmu til að pressa
fötin. Tímunum saman gastu
spilað við mig „áttu áttu“,
leyfðir mér að útbúa með þér
„kjötið með augunum“, taka
mér einn mola úr Macintosch-
dollunni í fataskápnum meðan
amma sá ekki til og hoppa í
kringum þig þegar þú slóst
grasið úti á lóðinni. Okkur
leiddist aldrei saman. Á kvöldin
söngst þú svo með mér „bí bí
og blaka“ þar til ég sofnaði.
Eftir því sem ég eltist fann ég
svo ávallt fyrir meiri og meiri
stuðningi frá þér. Ég hringdi
alltaf í þig strax og ég fékk í
hendurnar einkunnaspjöldin úr
skólanum. Alltaf tók ég eftir
því hvað þú varst stoltur af
mér, sem hvatti mig til að
standa mig betur á hverju
misseri.
Fyrir þig, afi minn, mun ég
ávallt gefa mitt allra besta í
það sem ég hef ánægju af og
halda þannig áfram að gera þig
stoltan þar sem þú situr nú á
fínu dúnskýi og brosir út í ann-
að. Ég er þakklát fyrir allt sem
þú hefur gert fyrir mig, fyrir
alla þá ást og umhyggju sem þú
hefur sýnt mér og allar þær
góðu minningar sem þú hefur
gefið mér. Ég elska þig af öllu
mínu hjarta! Þar til næst.
Þín,
Ragnheiður Björk.
Elsku afi minn,
Þar sem ég náði ekki til þín
áður en þú fórst, þá er ég er
handviss um það að þú hafir
komið og kvatt mig í flugvél-
inni á leið þinni upp til himna.
Þegar ég hugsa til þín þá
koma upp ótal margar minn-
ingar, ég brosi og hjarta mitt
fyllist af gleði. Öll skiptin sem
við systurnar vorum í pössun
hjá ykkur ömmu. Við vöknuð-
um eldsnemma til að geta borð-
að seríos, hálfan banana og smá
drukk áður en barnaefnið byrj-
aði. Svo stálumst við saman inn
í fataskáp til að ná okkur í einn
mola eða tvo. Þegar þú dróst
okkur Ragnheiði niður í þvotta-
herbergi til að ná í frysta
brauðskorpuna sem varð af-
gangs við brauðtertugerð
ömmu. Það dugði ekkert að
láta okkur fá nokkrar sneiðar,
heldur fengum við sinn hvorn
pokann fullan af skorpu til að
gefa öndunum brauð við tjörn-
ina. Þú varst alveg einstakur
og þolinmæðin sem þú hafðir
fyrir mér var ótrúleg. Enginn
annar nennti að spila lönguvit-
leysu eins lengi og oft við mig
og þú og heldur ekki að púsla
sama púsluspilið aftur og aftur
og aftur.
Skemmtilegast fannst mér
þó þegar ég fékk að fara með
þér í bíltúr til langömmu Ásu
og þá helst ein. Því að þá fékk
ég að sitja aftur í með öll 3 bíl-
beltin spennt. Allt í kross og
svo syngja saman þegar við
keyrðum yfir ójafna brúna. Já,
afi, það er svo ótalmargt sem
þú hefur gefið mér að allar
blaðsíður heimsins væru ekki
nóg til að koma því á blað. Ég
mun alltaf geyma þig í hjarta
mínu, fá mér Quality street-
mola eða Mackintosh eins og
þú kallaðir það og hugsa til þín.
Með ástarkveðju.
Þín,
Petra Andrea.
Ingólfur
Konráðsson
Blómaverkstæði Binna | Skólavörðustíg 12 | Sími: 5613030
ALLAR SKREYTINGAR UNNAR
AF FAGMÖNNUM
Ástkær eiginkona mín, móðir, tengdamóðir,
amma og langamma,
JÓHANNA ERLA SIGURÞÓRSDÓTTIR,
Helgafelli,
Stokkseyri,
lést á Landspítalanum í Fossvogi
fimmtudaginn 13. ágúst.
Útförin fer fram í kyrrþey að ósk hinnar látnu.
.
Steingrímur Jónsson,
Marteinn Arilíusson, Sigríður Birgisdóttir,
Óskar Arilíusson, Þórhildur Ingvadóttir,
Linda Arilíusdóttir, Skarphéðinn Ómarsson,
Oddný Steingrímsdóttir, Hinrik Árnason,
Guðleif Steingrímsdóttir, Jón Haraldsson,
Anna Steingrímsdóttir, Nikulás Ívarsson,
barnabörn og barnabarnabörn.
Minn ástkæri eiginmaður, faðir, tengdafaðir,
afi og langafi,
JÓN MAGNÚS JÓHANNSSON,
lést á hjúkrunarheimilinu Sóltúni
laugardaginn 15. ágúst í faðmi fjölskyldu.
Útför verður auglýst síðar. Þeim sem vilja
minnast hans er bent á Minningarsjóð Sóltúns.
.
Erna Hallbera Ólafsdóttir,
Einar Jónsson, Kristín Þ. Magnúsdóttir,
G. Jóhann Jónsson, Elna T. L. Þorbjörnsdóttir,
Guðrún Jónsdóttir,
Guðný Jónsdóttir, Sigurður Jón Jónsson,
María Jónsdóttir, Börkur Gunnarsson,
Bjarki Páll Jónsson, Sóley Ragnarsdóttir
og afabörn.
Elskulegur móðurbróðir og afi,
JÓN PÁLL BJARNASON
gítarleikari,
varð bráðkvaddur á heimili sínu
þann 16. ágúst.
Fyrir hönd aðstandenda,
.
Ása Atladóttir,
Sveinn Guðmundsson.