Skólavarðan - 01.09.2004, Qupperneq 3

3
FORMANNSPISTILL
SKÓLAVARÐAN 7.TBL. 4. ÁRG. 2004
Ég er grunnskólakennari og er stoltur af því. Frá því ég hóf
kennslu fyrir u.þ.b. 30 árum hefur margt breyst í starfi kennara.
Þá var kennslan aðalatriðið en nú hefur verið bætt inn verkefni á
verkefni ofan þannig að kennslan, undirbúningur og úrvinnsla er
að verða aukaatriði. Í kjarasamningi FG og viðsemjenda frá 2001
segir að meginhlutverk kennarans sé kennslu- og uppeldisfræði-
legt starf með nemendum; - veita þeim innblástur og handleiðslu
í þekkingarleit þeirra. Raunin er sú í dag að kennarar leggja á
sig ómælda vinnu umfram vinnuskyldu til að geta sinnt kennsl-
unni með sóma. Því má segja að metnaðarfullir kennarar verði
nokkurs konar „samviskufangar“ í vinnunni. En fá þeir greitt fyrir
þessa aukavinnu? Nei, því fer fjarri. Þessi breyting á kennarastarf-
inu kallar á breytingu á vinnutímaskilgreiningunni. Þetta gengur
viðsemjendum okkar illa að skilja og því er nú svo komið að kenn-
urum er misboðið. Þess vegna hafa þeir boðað til vinnustöðvunar
20. september ef ekki hefur samist fyrir þann tíma. Þessi vinnu-
deila snýst ekki einungis um launin heldur einnig um vinnutím-
ann. Til að samningar takist verða sveitarfélögin að kosta meiru
til og auka fjárveitingar sínar til grunnskólans.
Miklar væntingar voru til síðasta kjarasamnings sem þó var
mjög umdeildur enda færðum við þar miklar fórnir til að hækka
grunnlaunin og að margra mati voru launahækkanir þá of dýru
verði keyptar. Um slíkt má deila en eitt er víst að hefðu menn séð
fyrir hvernig samningurinn reyndist í framkvæmd, hefði hann ver-
ið kolfelldur. Kerfisbreyting sú sem samningurinn kveður á um
hefur ekki reynst sem skyldi. Markmið hennar var m.a. að draga
úr miðstýringu og auka sjálfstæði skóla. Raunin hefur því miður
orðið önnur. Miðstýring hefur ekki minnkað og túlkun samnings-
ins hefur reynst flókin og valdið deilum og sundrung.
Í samningaferlinu núna hefur okkur lítið miðað fram á við
enda viðsemjendur ákveðnir í að hlusta hvorki á né heyra það
sem við höfum fram að færa. Að þeirra mati er samningurinn full-
kominn og engin þörf að breyta í honum stafkrók. Í þessu ferli
höfum við sífellt þurft að eyða tíma og orku í að fást við óheilindi
viðsemjenda. Nægir þar að nefna rangar glærur á heimasíðu SÍS
sem sagðar voru sameiginleg sýn samningsaðila, rangan saman-
burð á vinnutíma danskra og íslenskra kennara og fleiri upp-
hlaup og rangfærslur.
En hver eru laun kennara? Byrjunarlaun 24 ára grunnskóla-
kennara, sem er nýútskrifaður úr námi, eru um 160 þúsund krón-
ur á mánuði. Grunnlaun 30 ára kennara með umsjón eru 170 -180
þúsund og meðalgrunnlaun stéttarinnar eru um 219 þúsund á
mánuði. Markmið samninganefndar FG liggja ljós fyrir. Við viljum
að kennarastarfið sé metið að verðleikum. Við viljum hækka laun
grunnskólakennara þannig að þau verði sambærileg við laun ann-
arra háskólamenntaðra hópa opinberra starfsmanna. Við viljum
jafna kennsluskyldu í grunnskólum við kennsluskyldu í framhalds-
skólum í áföngum og lengja undirbúningstímann.
Til að nálgast þessi markmið höfum við lýst því yfir að við séum
tilbúin að loka samningi með innan við 35% kostnaðarauka fyrir
sveitarfélögin ef samið verði fyrir 20. september.
Ágætu félagar. Framundan er átakatími og því mikilvægara
en nokkru sinni að við stöndum saman og hvikum ekki frá settu
marki í baráttunni fyrir bættum kjörum. Markmið okkar með
nýjum kjarasamningi er að gera kennarastarfið að aðlaðandi og
eftirsóknarverðu ævistarfi. Árangur okkar í starfi jafnast fyllilega
á við það besta sem gerist í nágrannalöndunum en í skýrslu frá
Hagfræðistofnun Háskóla Íslands kemur fram að háskólanám
grunnskólakennara skilar þeim engum arði! Þessu verður að
breyta til betri vegar, að öðrum kosti verður kennarastarfið ekki
eftirsóknarvert.
Við eigum ekki að líða fyrir það að sveitarfélögin sömdu af sér
þegar grunnskólinn var fluttur frá ríki til sveitarfélaga. Sýnum og
sönnum að við erum stétt þar sem einn berst fyrir alla og allir fyrir
einn. Við erum grunnskólakennarar og erum stolt af því.
Finnbogi Sigurðsson
Háskólanám grunn-
skólakennara skilar
engum arði!
Finnbogi Sigurðsson