Skólavarðan - 01.09.2004, Qupperneq 10

10
FJÖLBRAUTASKÓLI SNÆFELLINGA
SKÓLAVARÐAN 7.TBL. 4. ÁRG. 2004
Sólin skein á Grundarfjörð daginn sem
Skólavarðan brá sér vestur og tók hús á
nýja kennarahópnum sem var í miklum
móð að semja skóla. Kirkjufell sem set-
ur sterkan svip á bæjarmyndina sperr-
ir sig í átt til hafs eins og það ætli að
taka tilhlaup og þennan dag voru allir
að taka tilhlaup. Smiðirnir, sem voru í
óðaönn að byggja skólahúsið, vísuðu
okkur á bókasafnið, kennarahópurinn
hefði afdrep þar við að undirbúa skóla-
starfið. Það átti að setja nýja skólann
eftir nokkra daga.
Guðbjörg Aðalbergsdóttir, skólameist-
ari FSn, nýstofnaðs framhaldsskóla í
Grundarfirði, er borinn og barnfæddur
Suðurnesjamaður og hefur kennt um
árabil í Fjölbrautaskóla Suðurnesja. Guð-
björg er að ljúka meistaranámi í stjórn-
un með áherslu á opinberar stofnanir frá
Warwick-háskóla í Englandi. Hún er flutt
vestur í Grundarfjörð með köttinn til að
stýra nýja skólanum. Skólinn byrjar fyrsta
starfsár sitt með ríflega hundrað nemend-
ur og tuttugu manna starfslið, þar af þrett-
án kennara.
Flestir nemendurnir eru snæfellskir ung-
lingar en á annan tug eru óreglulegir nem-
endur sem hafa mismunandi markmið.
Það eru nemendur sem hafa hætt námi
og kjósa að taka þráðinn upp að nýju; iðn-
nemar sem eru að ljúka námi, eiga kannski
eftir fáa áfanga, og svo fólk sem hefur
aldrei farið í framhaldsskóla, húsmæður
sem hafa verið heima með börn og fólk
sem fór ungt út á vinnumarkaðinn. Þetta
fólk á nú kost á að prófa nokkuð nýtt og
hefja nám heima í héraði. Vegna þess að
skólinn er þar opnast gáttir fyrir þetta fólk
sem er kannski of bundið til að setjast al-
veg á skólabekk. Það hefur aðgang að
kennurum þegar því hentar og getur leit-
að eftir stuðningi og hvatningu ef á þarf
að halda. Það gengur þannig fyrir sig að
nemandinn semur við kennara sína strax
í upphafi um hvernig hann vill haga námi
sínu og á kennarann að eftir það.
Fjölbreytt útfærsla dreifnáms
„Fyrirkomulag kennslunnar í Fjöl-
brautaskóla Snæfellinga er dreifnám,“
segir Guðbjörg. „Stóru grunngreinarnar
eru kenndar í dreifnámi og fer kennslan
fram í hefðbundnum kennslustundum og í
opnum tímum. Forsendur fyrir því að reka
svona skóla, sem er fámennur og býður
upp á fjölbreytt nám, er sú að fá til liðs
við sig gestakennara sem geta komið og
kennt einn og einn áfanga. Við munum
aldrei geta haft kennara í öllum greinum á
staðnum. Við lýsum þessu þannig að þetta
sé millistig milli staðbundins náms og fjar-
náms. Við höfum mikinn áhuga á að þróa
og útfæra dreifnámsaðferðir, helst á fjöl-
breyttan hátt,“ segir Guðbjörg og held-
ur áfram: „Við höfum þegar séð það hjá
gestakennurum okkar að þeir kenna hver
með sínum hætti. Þeir munu nota MSN,
tölvupóst, spjallþræðina inni í Angel-kerf-
inu, fjarfundabúnað og hver veit hvað.
-Tækninni hefur fleygt fram, sérstaklega
í hljóð- og myndvinnslu. Fólk getur talað
saman og séð hvert annað þótt það sé á
ólíkum landshornum, sé þess óskað, en
þessi tækni er enn í stöðugri þróun.
Eina nýjung er vert að nefna og það er
skólablogg. Nemendur blogga á sínum eig-
in síðum og aðrir nemendur og kennarar
geta komið inn í bloggið. Og þá má ekki
gleyma farsímanum. Margir kennarar sjá
rautt ef gemsa ber á góma og banna þá í
kennslustundum en í skólablogginu skipa
þeir mikilvægan sess. Við verðum því að
endurskoða viðhorfið til þessara tækja og
viðurkenna að þau geta verið mikilvæg
hjálpartæki,“ segir Guðbjörg og bætir við,
„en við erum alls ekki að tala um eftirlits-
lausa notkun farsíma. Það verður ekki lið-
ið að þeir trufli vinnuna.“
Venjulegur vinnudagur
Hvernig ætlið þið að tryggja að raun-
Guðbjörg Aðalbergsdóttir skólameistari
Fjölbrautaskóla Snæfellinga tekin tali
Fjölbrautaskóli
Snæfellinga