Skólavarðan - 01.10.2008, Qupperneq 9

RASMUS.IS
9
Rasmus.is verður til
Það var árið 1998 sem hugmyndin að
stærðfræðivefnum Rasmus.is varð til að
sögn Hugos. „Tómas á hugmyndina og ég
kveikti strax á þessu hjá honum. Hann var
að læra gagnvirka prófatækni á þessum
tíma og datt þetta í hug og sendi mér póst.
Við spjölluðum um þetta í jólamatnum hjá
mömmu og svo heimsótti ég hann á Flúðir,
en hann var þá að kenna þar. Við settum
niður rammann þarna á Flúðum og ákváðum
að vinna þetta þannig að taka eitt og eitt
efnisatriði stræðfræðinnar fyrir í einu,
algebru, almenn brot og svo framvegis, og
vinna námsefnið frá byrjun og upp úr. Eftir
þessu höfum við unnið síðan, lengst af
bara tveir, en nú er Jóhann Ísak Pétursson
samkennari minn genginn til liðs við okkur
í samningu framhaldsskólanámsefnis auk
þess sem fleiri kennarar semja efni og
þýðendur hérlendis og erlendis þýða og
staðfæra efnið yfir á önnur tungumál.
Þegar samning námsefnisins hófst settist
ég með námskrárnar og fór vandlega yfir
þær. Fyrsta demóið sem við bjuggum til var
algebra á grunnskólastigi og síðan kom þetta
hvert af öðru. Ég hef prófað allt námsefnið
sjálfur“, segir Hugo, „það má segja að þetta
séu glósurnar mínar undanfarin þrjátíu
ár! Við Tómas höfum svo notað megnið
af frítímanum í þetta en Tómas minnkaði
við sig í kennslunni um áramótin í fyrra
til að geta sinnt þessu betur.“ Aðspurður
hvernig Rasmus.is hafi verið auglýstur
svarar Hugo brosandi: „Það er nú málið, við
markaðssettum aldrei vefinn. Ég man að ég
lét nemanda sem átti heima í götunni og
þurfti aðstoð við stærðfræðina fá eitthvað
af þessum verkefnum og það spurðist út,
svona gekk þetta koll af kolli. Vefurinn varð
til vegna þess að við Tómas fundum fyrir
þörf á námsgögnum af þessum toga og
höfðum rekið okkur á hin og þessi vandamál
í kennslunni.“
Fjölmenningarlegur námsvefur sem
byggist á heiðarleika áskrifenda
„Jú, jú, við fórum fljótlega að líta í kringum
okkur eftir þýðendum þegar búið var að
semja nokkuð af efni“, segir Hugo þegar
blaðamaður spyr hann hvort Rasmus sé ekki
farinn á flakk eins og nafni hans klumpur í
samnefndri barnabók. „Fyrst fundum við
sænskan þýðanda og Tómas þekkti danskan
kennara sem tók að sér að þýða yfir á sitt
móðurmál. Svo kom tölvupóstur frá norskum
kennara sem vildi þýða fyrir okkur og nú er
svo komið að við erum með um 1300 erlenda
skóla í áskrift að vefnum. Þegar skóli kaupir
áskrift eru foreldrar nemenda látnir vita og
geta þá notað námsefnið á Rasmus.is heima
við. Áskriftin er mjög ódýr og áskriftarverð
það sama og það var þegar vefurinn opnaði
en við erum að endurskoða þetta og búa
til gjaldskrá fyrir framhaldsskólann, ætli
það taki ekki önnur tíu ár,“ segir Hugo og
brosir. „Reyndar er það nú svo að þótt þetta
sé áskriftarvefur þá komast allir inn á vefinn
og allt efni hans. Við ræddum þetta á sínum
tíma, ég og Tómas, og það var of mikið vesen
að hafa lykilorð, auk þess sem skólamenn
eru heiðursfólk. Við bara treystum því að
þeir borgi sem nota.
Nú er búið að bæta við þýðingum á
pólsku, ensku, rússnesku og spænsku og
við fengum styrk til þýðinganna á tvö fyrr-
nefndu málin. Þetta er skemmtilegt og
það sem er sérstaklega gott við þetta er
að Rasmus.is verður fyrir vikið ekki bara
stærðfræðivefur heldur líka tungumálavefur.
Það er til dæmis mikilvægt fyrir foreldra
með annað móðurmál en íslensku, og sem
hafa ef til vill ekki náð jafngóðum tökum á
íslensku og börnin, að geta aðstoðað þau við
heimanám“, segir Hugo. „Svo eru líka margir
nemendur sem hafa íslensku sem móður-
mál en voru langdvölum í skóla erlendis og
skilja ekki stærðfræðihugtök á íslensku en
skilja þau á ensku, svo dæmi sé tekið.“
Eina gulrótin er stærðfræðin
Um þessar mundir eru Hugo, Tómas og
félagar búnir að semja og setja inn námsefni
frá fyrsta bekk í grunnskóla og upp í 500
áfangana í framhaldsskóla. „Jóhann Ísak
gekk til liðs við okkar eftir 200 áfangana
og við erum núna með efni þarna fyrir
raungreinadeildir framhaldsskóla og efni
sem er boðlegt fyrir frumgreinardeildir í
háskóla, enda eru háskólar meðal okkar
viðskiptavina.Við höfum að markmiði að
fara árlega utan, að meðaltali, til þess að
kynnast því sem aðrir eru að gera og kynna
Rasmus.is. Við höfum verið með bás á BETT
og farið á fleiri ráðstefnur, nú síðast í október
á Skolforum í Stokkhólmi. Möguleikarnir eru
miklir og við erum bara rétt að byrja“, segir
Hugo að lokum.
keg
Þessi mynd sýnir aukningu innlita á námsvefinn
Rasmus.is frá árinu 2002 til loka ársins 2007.
Ég er samt aðallega bara
að fiska nemendur á netið
núorðið!
Rasmus.is verður fyrir vikið
ekki bara stærðfræðivefur
heldur líka tungumálavefur
Hugo hjá MK