Skólavarðan - 01.10.2008, Qupperneq 13

PíANóþING
eiga mjög mikið af píanótónlist, þeir eru
duglegir að koma henni á framfæri og nota
hana sjálfir mikið við kennslu.
Í bókunum er einnig kafli um spuna
og hljómborðsleik sem gerðar eru kröfur
um í valþætti á áfangaprófum samkvæmt
aðalnámskrá tónlistarskóla. Við kynningu á
námsefninu komu fram þrjátíu nemendur
í grunnnámi sem höfðu æft finnsk lög úr
bókunum. Þú getur rétt ímyndað þér hvað
það var krúttlegt. Allir mjög öruggir á sínu
og svo fínir og sætir að spila sóló eða
fjórhent í flottasta tónleikahúsi landsins!“
Ekki að spyrja að Finnum
Tuttugu nemendur á mið- og framhaldsstigi
komu fram á „masterclass“ þar sem þær
Rebekka og Eeva leiðbeindu til skiptis, að
sögn Halldóru. Efnið var að langstærstum
hluta finnskt. „Þær voru alveg yndislega
ólíkar,“ segir Halldóra, „Rebekka svo fínleg
og nákvæm og kennari fram í fingurgóma,
fann hvernig landið lá hjá hverjum nem-
anda fyrir sig. Eeva algjör skellibjalla, létti
andrúmsloftið og sagði brandara en þekkti
sín finnsku tónskáld út og inn. Þá var
Rebekka einnig með kynningu á finnska
tónlistarskólakerfinu sem var mjög fróðleg.
Það er ekki að spyrja að Finnum þegar
menntunarmál eru annars vegar.“
Helginni lauk með svolitlu hófi í boði
finnska sendiráðsins sem sendi einnig full-
trúa sína í Salinn til að spjalla við þær Eevu
og Rebekku og þinggesti. „Þessi helgi var
mjög hvetjandi,“ segir Halldóra, „mér fannst
sjálfri voðalega gaman að kenna vikuna
á eftir og fann ekki fyrir þreytu þrátt fyrir
að hafa ekki fengið mitt helgarfrí. Efnið
sem var tekið fyrir stendur manni næst
og maður getur tekið það og notað beint í
kennslunni. Þessi fjölbreytta blanda af náms-
efniskynningu, tónleikum, „masterclass“ og
fyrirlestrum kom mjög vel út. Þetta var
ákjósanlegur vettvangur fyrir píanókennara
til að hittast. Það þurfti ekki nema að líta
yfir hópinn í kaffipásunum til að sjá hvað
píanókennarar höfðu mikla þörf fyrir að
hittast og bera saman bækur sínar.“
keg
Rebekka Angervo: Svo fínleg og nákvæm og
kennari fram í fingurgóma, fann hvernig landið lá
hjá hverjum nemanda fyrir sig.
Með fingurna á lyklunum (puttana á púlsinum): Píanókennarar nutu þess
að hittast á píanóþinginu. „Þessi fjölbreytta blanda af námsefniskynningu,
tónleikum, masterclass og fyrirlestrum kom mjög vel út.“
Eeva Sarmanto-Neuvonen: Algjör skellibjalla,
létti andrúmsloftið og sagði brandara en þekkti
sín finnsku tónskáld út og inn.
13