Afmælisrit F.U.J. - 01.06.1938, Blaðsíða 15

13
AFMÆLISRIT F. U. J.
Filippusdóttir, Valgeir Sigurðsson og
Þorsteinn Björnsson. Og þegar heim
kom, samþykkti félagið einum rómi
gerðir fulltrúa sinna á fjölmennum
fundi, eftir harðar umræður við kom-
múnista úr Reykjavík, sem sóttu fund-
inn allfjölmennir. Og ekki hvarf einn
maður í F. U. J. í Hafnarfirði burt úr
félaginu vegna klofningsins.
F. U. J. hefir frá byrjun átt menn í
stjórn S. U. J., þótt þeir verði hér ekki
taldir.
í útgáfu Kyndils átti F. U. J. í Hafn-
arfiröi drjúgan þátt. Árið 1930 lagði það
fram tæpar 150 kr. til útgáfunnar. í
ársbyrjun 1931 flutti blaðið til Hafnar-
fjarðar. Frímann Eiríksson, Jón Magn-
ússon og Jón Pálsson sáu um afgreiðsl-
una og fjármálin, en Guðm. Gissurar-
son og Ólafur Þ. Kristjánsson áttu á-
samt Árna Ágústssyni sæti í ritstjórn-
inni. Þeir sátu þar einnig árin 1932 og
1933, eftir að blaðinu var breytt í tíma-
rit, en lítil var þátttaka þeirra í rit-
stjórninni síðara árið.
Útgáfustarfsemi.
í síðasta kafla hér fyrir ofan, er
sagt frá þátttöku F. U. J. í útgáfu og
stjórn „Kyndils". Hér skal því einu bætt
viö, að fyrir Alþingiskosningarnar 1931
var eitt blað „Kyndils“ algerlega helgað
kosningabaráttunrú í Hafnarfirði, og
var það borið í hvert hús í bænum. Þetta
blað höfðu þeir ritað allt, Bjarni M.
Jónsson og Ólafur Þ. Kristjánsson.
Fyrir bæjarstjórnarkosningarnar 1930
gaf félagið út „Ávarp til unga fólksins“,
og 1933 gaf það út lítinn, pólitískan
bækling, „Vér mótmælum“.
Þegar 1. maí var í fyrsta sinn haldinn
hátíðlegur í Hafnarfirði (1931), var gefið
út sérstakt blaö, „1. mai“. Átti F. U. J.
sinn þátt í þeirri útgáfu, ásamt hinum
félögunum og lagði tii ritstjórann. En
1934 gaf F. U. J. eitt út blaðið „1. maí“,
og sá Jón Magnússon um það.
Það sama ár (1934), gaf félagið út
afmælisrit, „Leiftur“, eins og áður hefir
verið minnzt á. Og nú, á 10 ára afmæli
félagsins, þetta rit', sem hér birtist.
Niðurlag.
Hér hefir verið gerð grein fyrir starf-
semi F. U. J. í Hafnarfirði og fram-
kvæmdum þess í þau 10 ár, sem liðin eru
frá stofnun þess. Ályktanir verða hér
engar af því dregnar, og getur hver
gert það fyrir sig. Það eitt skal samt
sagt hér, að þó að stundum hafi þótt
dauft yfir starfsemi félagsins og hún
jafnvel legið niðri eitt ár, þá verða þó
þeir hlutir, sem félagið hefir gert, ekki
gerðir nema miklu starfi og miklum tíma
sé til þeirra varið, en þeir einir, sem
sjálfir hafa eitthvað starfað að félags-
málum, geta gert sér glögga hugmynd
um, hve mikið starf og hve mikinn tíma
slíkt kostar, ekki sízt þegar starfið er
unnið af ungu fólki, sem flest hefir litla
eða enga æfingu í félagsstarfsemi.
Fundir verða taldir, skrifaðar og
prentaðar blaðsíður sömuleiðis, tillögur
og samþykktir er hægt að reikna saman
eftir orðafjölda, en hitt verður aldrei
talið né tölum metið, hve mikils þroska
allfjölmennur hópur æskumanna hefir
aflað sér með starfi sínu í Félagi ungra
jafnaðarmanna í Hafnarfirði. En sá
þátturinn í starfsemi félagsins er mest
virði, að það hefir verið og er skóli fyrir
ungt fólk í félagsstarfsemi.
Ólafur Þ. Kristjánsson.