Fréttabréf - 01.10.1995, Page 15

Stjórnarandstöðublað 1. des.
Málgögn hinna stjómarandstöðuflokkanna á þingi höfðu nýlega sam-
band við Veru vegna þess að var að undirbúa útgáfu á sameiginlegu
tölublaði Alþýðublaðsins, Vikublaðsins og Þjóðvakablaðsins og var
erindið að fá Veru til að taka þátt í útgáfunni. AÖeins verður um þetta
eina tölublað að ræða og kemur það út 1. desember. Þar sem Vera er
ekki beinlínis málgagn Kvennalistans heldur óháð tímarit um kven-
ffelsismál þótti ekki rétt að nota hana af slíku tilefni. Framkvæmdaráð
ákvað að okkar framlag til þessa blaðs yrði Pilsaþytur og var Þórhildi
Þorleifsdóttur falið að sitja í ritstjóm fyrir okkar hönd.
Nú þegar fréttabréfið er að fara í fjölritun er verið að leggja síðustu
hönd á efni og vinnslu blaðsins og munu áskrifendur fréttabréfsins fá
eintak sent. Vonandi verður þar eitthvað við allra hæfi.
Kvennasýning í Nýlistasafninu
Laugardaginn 2. desember kl. 16:00 verður opnuð sýning á verkum 16
bandarískra myndlistarkvenna í Nýlistasafninu, Vatnsstíg 3B í Reykja-
vík. Sýningin er unnin í samstarfi við Artemisia gallery í Chicago og
ber yfirskriftina Viðhorf, góðar stelpur / slæmar konur (Attitudes, good
girls / bad women) og vora verkin á sýningunni valin með tilliti til
femínísks inntaks. 3. nóvember s.l. var, á móti, opnuð sýning á verkum
8 íslenskra myndlistarkvenna, „Altitudes", í sýningarsölum Artemisia í
Chicago.
Artemisia gallery er rekið af myndlistarkonum. Það var stofnað árið
1973 sem andsvar við hefðbundum sölugalleríum sem konur höfðu
nánast engan aðgang að.
Þetta er fyrsta samstarfsverkefni Nýlistasafnsins og Artemisia og er
ekki séð fyrir endann á því hvemig þau tengsl munu þróast.
Nýlistasafnið er opið kl. 14:00-18:00 alla daga. Sýningunni lýkur
sunnudaginn 17. desember.
15