Víkurfréttir - 01.06.1989, Page 16

V/KUR
16 Fimmtudagur 1. júní 1989
GARÐUR
Tilboð
óskast
í brottflutning eða niðurrif íbúðarhúsanna
Gerðavegs 18 og Steinboga í Garði. Um er
að ræða bárujárnsklædd timburhús sem
standa á steyptum sökkli annað og steypt-
um kjallara hitt.
Verktaki skal fjarlægja húsin, brjóta sökk-
ul og kjallara og jafna yfir með grús. Verk-
inu skal lokið fyrir 1. sept. 1989.
Þeir sem hug hafa á geta vitjað útboðs-
gagna og fengið nánari upplýsingar hjá
undirrituðum.
Tilboðsfrestur er til kl. 11 mánudaginn 12.
júní nk. Réttur áskilinn til að taka hvaða til-
boði sem er eða hafna öllum.
Sveitarstjóri Gerðahrepps
Byggðasafn Suöurnesja
Opið á laugardögum kl. 14 - 16.
Aörir timar eftir samkomulagi.
Upplýsingar í símum 13155, 11555 og 11769.
»i\
MÍ í« W ii Bi | í
11 __. J
ÚTBOÐ
Byggingarnefnd flugstöðvar á Kefla-
víkurflugvelli býður út gerð lang-
tímabílastæða og lóðarfrágang við
Flugstöð Leifs Eiríkssonar á Kefla-
víkurflugvelli. Um er að ræða bíla-
stæði fyrir 340 bíla og tilheyrandi lóð-
arfrágang.
Útboðsgögn verða afhent á Almennu
verkfræðistofunni, Fellsmúla 26,
Reykjavík, eftir kl. 13.00 þriðjudag-
inn 30. maí 1989.
Fyrirspurnir og óskir um upplýsing-
ar skulu berast Almennu verkfræði-
stofunni eigi síðar en 5. júní 1989.
Tilboðum skal skilað til byggingar-
nefndar, varnarmálaskrifstofu utan-
ríkisráðuneytisins, Skúlagötu 63,105
Reykjavík, fyrir kl. 14, mánudaginn
12. júní 1989.
Byggingarnefnd flugstöðvar
á Keflavíkurflugvelli.

Sameinumst um gott
hundahald
Tilefni skrifa minna er að
vekja hundaeigendur, sem
ekki geta sinnt sínum hundum
samkvæmt lögum, upp til vit-
undar um þá ábyrð sem á þeim
hvílir. Ekki bara sjálfra þeirra
vegna, heldur líka hundaeig-
enda sem verða þolendur
vegna vanrækslu fyrrnefndra.
Eg ætla líka að leyfa mér að
tala máli þeirra sem eru á móti
hundahaldi í þéttbýli almennt.
Einnig vil ég vekja athygli á
nánast takmarkalausu aðgerð-
aleysi þeirra sem eiga að sjá
um að farið sé að lögum um
hundahald fyrir hönd bæjar-
félagsins.
Hundar eru eins misjafn-
lega lundaðir og við mennirnir
og því minna sem þeir eru sið-
aðir og vandir, því meiri
ástæða er til að ætla að þeir
verði óöryggir og leitandi út
fyrir heimili sitt. Bæði börn og
fullorðnir, sem ekki hafa haft
tækifæri til að kynnast hund-
um sem heimilishundum og
félögum, er ekkert um lausa-
gang hunda gefið (að sjálf-
sögðu) og finna gjarnan til
hræðslu gagnvart þeim. Eg hef
sjálfur orðið fyrir áreitni
hunda sem ganga lausir og skil
því vel þau óþægindi sem slíkt
hefur í för með sér. En ég hef
líka, sem betur fer, kynnst
betri hliðinni á þessum dýrum
og skil því einnig þá ánægju og
þann félagsskap sent hafa má
af hundum.
Þar sem ekki er við blessuð
dýrin að sakast, þá ætla ég að
beina máli minu til þeirra sem
hafa með þau að gera. I vetur
er leið tókum við tík, þá sex
mánaða, inn á heimili okkar til
reynslu fyrst og þá sem hún
uppfyllti alla þá kosti sem
prýða mega heimilishund
ákváðum við að taka hana að
okkur.
Ekki liðu margir dagar
þangað til við fengum hótun-
arbréf frá Heilbrigðiseftirlit-
inu, þar sem þess var krafist að
við færum að lögum um
hundahald, „án tafar, að öðr-
um kosti o.s.frv.“ Borist hafði
kvörtun vegna hundsins, sem
þá var enn til reynslu hjá okk-
ur og við vildum ekki skrá
strax þess vegna.
Við hlýddum kallinu og höf-
um síðan farið að tilmælum
He i I brigðiseft i r li tsi ns um
hundahald. Þó hefur tíkin
nokkrum sinnum sloppið úr
bandinu, en náðst fljótlega og
aldrei farið á flakk.
En eðlið sækir náttúruna
heim og nú er að skapast nán-
ast óþolandi ástand við heim-
ili okkar og nágrenni þess,
vegna lausra hunda, sem
ganga frjálsir ferða sinna án
þess að nokkuð sé að gert. Að
kvarta við meindýraeyði er
eins og að hrópa upp í vindinn.
Reyndar eru skráðir viðtals-
tímar hjá því mæta fólki í líku
samræmi við það aðhald sem
það sýnir hundahaldi og lög-
um þar um. Þess vegna spyrég
hundaeftirlitsmann á Suður-
nesjum: Hvers vegna er ekki
farið eftir 3.-4. grein um sam-
þykkt um hundahald, þegar
um margítrekað brot hunda-
eigenda er að ræða? Hvers
vegna eru ekki virtar óskir þol-
enda að fjarlægja hunda, þegar
kvartað er yfir þeim? Eru
máske önnur lög til sem
vernda hundaeigendur sem
fara ekki að lögum? Og þá
hvers vegna er þeirra ekki get-
ið í samþykktum um hunda-
hald?
Þegar þetta er skrifað,
29.5.’89, er tíkin okkarað lóða
í fyrsta sinn. Þetta finna bless-
aðir hundarnir Iangar leiðir og
leita á vit ævintýranna. Núsíð-
ustu vikurnar hafa tveir hund-
ar nánast vaktað heimili okk-
ar, okkur og nágrönnunum til
mikils ama. Það hefur gengið
svo langt að við höfum orðið
að fara með tíkina út fyrir bæ-
inn til að viðra hana.
Eigendur þessara hundaeru
Lúðvik Finnsson, Heiðarbóli
51, og Gunnar Örn Örlygsson,
Lágmóa 1. Eg vil taka fram að
það eru fleiri hundar sem
ganga lausir, en ég hef ekki
náð þeim til að athuga hverjir
eigendur þeirra eru. En nú vil
ég spyrja eigendur þessara
hunda: Hver er ástæðan fyrir
því að þið getið ekki sinnt ykk-
ar hundum eins og lög gera ráð
fyrir? Og Gunnar Órn er
kannski tilbúinn til að koma
upp í Heiðarholt 1C og greiða
kostnaðinn vegna læknisað-
gerða, sem við urðum aðgera á
tíkinni til að varna því að hún
yrði hvolpafull? Þín er ábyrgð-
in en ekki hundsins, Gunnar.
Að lokum vil ég biðja Suð-
urnesjamenn að sameinast um
að hundahald geti þrifist hér
með sóma. Gagnkvæm virð-
ing og tillitssemi gegn náung-
anum er besta leiðin til að gera
samfélagið heilbrigt og
ánægjulegt.
Virðingarfyllst,
Sigfús Sigfússon.
Vilt þú skrifast á við Bandaríkjamann?
Annað slagið konta á póst-
húsið í Keflavík bréf frá ung-
um bréfaskrifurum víðsveg-
ar að úr heiminum, sem óska
eftir því að eignast penna-
vini hér á Suðurnesjum.
Nvlega kom bréf frá tólf
ára dreng frá Dallas í Texas
sem hefur áhuga á því að
eignast pennavini á Suður-
nesjum. Hann segist búa í
Dallast með foreldrum sín-
um, nokkrum fiskum,
feitum ketti og systur sinni.
Ahugamál bréfritarans
eru m.a. að teikna og spila á
klarinett. Einnig hefur hann
áhuga á körfubolta. horna-
bolta, lestri og fiskveiðum.
Þeir sem áhuga hafa á að
skrifast á við strákinn geta
sent bréf á ensku til:
Anthony Marcon
10316 Pinecrest Dr.
Dallas, Texas 75228
U.S.A.
Póst- og sima-
málastofnunin
auglýsir:
að svæðisskrá fyrir 92 svæðið er
komin og gildir fyrir öll Suðurnes.
Verð kr. 130. Takmarkað upplag.
Stöðvarstjóri
X)ST oo StMAMALHSTOfWUN