Morgunblaðið - 19.01.2016, Síða 2

2 FRÉTTIRInnlent
MORGUNBLAÐIÐ ÞRIÐJUDAGUR 19. JANÚAR 2016
Morgunblaðið Hádegismóum 2, 110 Reykjavík. Sími 5691100 Fréttir Guðmundur Sv. Hermannsson, Sigtryggur Sigtryggsson ritstjorn@mbl.is Viðskipti Sigurður Nordal vidskipti@mbl.is Menning Einar Falur Ingólfsson menning@mbl.is
Íþróttir Víðir Sigurðsson sport@mbl.is mbl.is Sunna Ósk Logadóttir netfrett@mbl.is Smartland Marta María Jónasdóttir smartland@mbl.is Umræðan | Minningar | Bréf til blaðsins mbl.is/sendagrein Prentun Landsprent ehf.
Ragnar Þorbergsson var mættur í fiskbúðina
Hafrúnu í gær til að fá sér hrogn og lifur í soðið.
Nú fer sá árstími í hönd þegar þetta góðgæti er á
boðstólum í fiskbúðunum. Annars stendur
hrognatímabilið yfirleitt fram í mars, eða þar til
hrognin eru orðin of þroskuð til að henta til
manneldis. Guðmundur Óskar Reynisson fisksali
sýnir Ragnari hér fersk hrogn, en Ragnar vann
lengi við fiskverkun fyrir vestan.
Hrognatímabilið hafið og sælkerar kætast
Morgunblaðið/Árni Sæberg
Margir fá vatn í munninn þegar þeir sjá hrogn og lifur í fiskbúðunum
þegar skólastarf hæfist í janúar, en
hún framlengdi veikindaleyfi sitt til
1. apríl. Að öllu óbreyttu mun
Dagný taka aftur til starfa sem
skólastjóri að veikindaleyfinu
loknu.
Bekkjarfulltrúaráð Melaskóla
Ingvar Smári Birgisson
isb@mbl.is
„Þetta mál er litið mjög alvarlegum
augum og varðar hag skólastarfs í
þessum góða skóla. Við erum að
vinna að lausn sem tryggir farsælt
starf fyrir nemendur skólans,“ segir
Helgi Grímsson, sviðsstjóri skóla-
og frístundasviðs Reykjavíkur-
borgar, um uppreisn kennara í
Melaskóla gegn Dagnýju Annas-
dóttur, skólastjóra skólans.
Um 30 kennarar hafa skrifað
nafn sitt á lista þar sem lýst er yfir
vantrausti á störf Dagnýjar sem
skólastjóra. Listinn var sendur á
skóla- og frístundasvið Reykjavík-
urborgar og inniheldur hann rök-
stuðning fyrir vantraustsyfirlýsingu
kennaranna. Um 50 kennarar eru
starfandi við skólann.
Ljóst er að ef ekki finnst lausn á
deilu kennaranna við skólastjórann
gæti kennsla í skólanum verið í
lamasessi. Helgi segir mjög sjald-
gæft að starfsmenn geri undir-
skriftalista gegn yfirmönnum sín-
um, en slík tilfelli hafi þó komið upp
innan skóla- og frístundasviðs borg-
arinnar.
Dagný tók við störfum árið 2013
og hefur lengi verið óánægja með
störf hennar í Melaskóla, samkvæmt
heimildum Morgunblaðsins. Hún fór
í veikindaleyfi í lok nóvember eftir
að undirskriftunum var safnað. Til
stóð að hún kæmi aftur til starfa
sendi frá sér ályktun vegna málsins
þar sem kallað er eftir því að Dagný
hverfi frá störfum. „Velferð og
þarfir barna í skólanum og gildi
Melaskóla hafa fallið í skuggann af
ágreiningi skólastjóra og kennara.
Engar lausnir eru í sjónmáli heldur
blasa við uppsagnir í hópi kennara
og í raun atgervisflótti ef og þegar
núverandi skólastjóri kemur aftur
til starfa úr því leyfi sem hún hefur
verið í undanfarnar vikur,“ segir í
ályktuninni.
Djúpstæður stjórnunarvandi
Þá er því mótmælt harðlega að
„skólastarfi Melaskóla sé ógnað á
þennan hátt og krefst þess að skóla-
og frístundasvið Reykjavíkur skeri
án tafar á þann hnút sem herðir að
skólastarfinu“.
Síðan segir í ályktuninni: „Að
mati fundarins getur varanleg lausn
á vandanum innan skólans ekki fal-
ist í neinu öðru en að Dagný hverfi
frá starfi. Trúnaðarbrestur er fyrir
hendi á milli skólastjóra og kennara
og að mati fundarins hefur djúp-
stæður stjórnunarvandi viðgengist
innan skólans undanfarin misseri.“
Uppreisn gegn skólastjóra Melaskóla
Morgunblaðið/Júlíus
Melaskóli Skólastjórinn er í leyfi en á að snúa aftur 1. apríl. Um 30 kenn-
arar hafa skrifað undir vantraustsyfirlýsingu á hendur skólastjóranum.
 Um 30 kennarar hafa skrifað undir van-
traustsyfirlýsingu  Borgin vinnur að lausn
Atli Helgason,
sem dæmdur var
fyrir morð fyrir
fimmtán árum og
afplánaði fangels-
isrefsingu, hefur
fengið uppreist
æru og sækist eft-
ir því að fá lög-
mannsréttindi sín
að nýju. Greint
var frá þessu í kvöldfréttum Ríkis-
útvarpsins í gær. Þegar mbl.is hafði
samband við Atla vildi hann ekki tjá
sig um málið.
Atli var dæmdur fyrir manndráp í
maí 2001. Samtímis var hann sviptur
málflutningsréttindum. Hann lauk
afplánun 2010. Frá þeim tíma hefur
hann starfað á lögmannsstofu sem
lögfræðingur.
Fyrir áramót fékk Atli uppreist
æru sem þýðir að hann er nú með
óflekkað mannorð. Atli hefur lagt inn
beiðni til Héraðsdóms Reykjavíkur
um að réttindasvipting hans verði
felld úr gildi svo hann geti fengið mál-
flutningsréttindi sín að nýju. Í Kast-
ljósi kom fram að mál Atla Helgason-
ar yrði tekið fyrir í héraðsdómi í
vikunni.
Til að eiga möguleika á uppreist
æru þarf að hafa tekið út refsingu
sína. Sé brotið alvarlegt þurfa að hafa
liðið fimm ár frá lokum afplánunar og
brotið þarf að vera fyrsta brot.
Hafi lögmenn verið sviptir lög-
mannsréttindum þurfa þeir meðmæli
Lögmannafélagins og standast próf-
raun til að eiga möguleika á að öðlast
réttindi á ný.
Atli Helga
fékk upp-
reist æru
Atli Helgason
 Sækir um mál-
flutningsréttindi
Skjáltahrina hefur verið í Öxarfirði á
Tjörnesbrotabeltinu síðustu daga. Í
gærmorgun varð skjálfti upp á 3,3
stig, um 30 km vestur af Kópaskeri.
Að sögn jarðskjálftafræðings á vakt
Veðurstofunnar var um eftirskjálfta
að ræða eftir hrinu í síðustu viku. Þá
mældust um 150 skjálftar og sá
sterkasti var einnig 3,3 stig, varð á
svipuðum slóðum sl. miðvikudag.
Um sniðgengishreyfingar er að
ræða og engin merki um eldvirkni.
Var hrinan að mestu gengin niður í
gærkvöldi. Rólegt hefur verið í
Vatnajökli undanfarna daga eftir
nokkra virkni þar í síðustu viku.
Skjálftahrina
í Öxarfirði
Anna Lilja Þórisdóttir
annalilja@mbl.is
Nánast allir verðandi foreldrar á Ís-
landi kjósa fóstureyðingu, greinist
litningafrávik hjá fóstrinu. Árið 2014
greindust 17 fóstur með litninga-
galla, þar af átta með þrístæðu 21
sem veldur Downs-heilkenninu.
Fólki í þessum sporum býðst erfða-
ráðgjöf þar sem áherslan er á að
virða vilja hvers og eins.
„Vissulega eru dæmi um að
ákveðið sé að halda meðgöngunni
áfram, en það eru undantekningar,“
segir Hildur Harðardóttir, yfirlækn-
ir kvennadeildar Landspítalans.
Þegar taldar eru líkur á að kona
gangi með barn með litningafrávik
er henni boðið upp á ástungu og litn-
ingarannsókn.
„Ef greining
leiðir í ljós að
fóstrið er með
litningafrávik er
boðið upp á viðtal
hjá erfðalækni
eða erfðaráð-
gjafa. Fólki er í
sjálfsvald sett
hvort það þiggur
það, sumir eru
ákveðnir í hvað
þeir ætla að gera og telja sig ekki
þurfa ráðgjöf,“ segir Hildur.
Fáir vilja ræða við foreldra
Einnig er boðið upp á viðtal við
prest og sálfræðiráðgjöf og auk
þessa stendur til boða að ræða við
foreldra barna með Downs-heil-
kennið, en að sögn Hildar nýta fáir
sér þann möguleika. Flestir hafa 46
litninga í hverri frumu, 23 frá móður
og 23 frá föður.
Í frumum þess sem er með
Downs-heilkenni er aukaeintak af
litningi 21, þar eru þrír litningar í
stað tveggja og því er talað um þrí-
stæðu. Um helmingur allra fóstra á
Íslandi sem greinast með litn-
ingafrávik er með þrístæðu 21. Önn-
ur frávik eru t.d. á litningi 13, 16 og
18 sem valda miklum veikindum og
deyja börnin með þessar þrístæður
yfirleitt á fyrsta mánuði, að sögn
Hildar.
Engum er boðin fóstureyðing
„Fólk, sem á von á barni, á yf-
irleitt ekki von á að að þurfa á erfða-
ráðgjöf að halda,“ segir Vigdís Stef-
ánsdóttir, erfðaráðgjafi hjá
Landspítalanum, sem segir tilgang
ráðgjafarinnar vera að fólk geti tek-
ið upplýsta ákvörðun. „Flestir, sem
eru í þessum sporum að ganga með
barn sem hefur greinst með litn-
ingafrávik, spyrja: Hvað gera aðrir?
Við reynum að ræða það sem
minnst, heldur leggja áherslu á að
fólk taki ákvörðun á sínum eigin for-
sendum.“
Vigdís segir umræðuna um fóstur-
eyðingar eiga það til að vera ósann-
gjörn. Algengur misskilningur sé að
konum í þessum sporum sé boðin
fóstureyðing. Það sé ekki rétt, for-
eldrar eigi sjálfir frumkvæðið að því
að enda meðgönguna eftir að hafa
hugsað málið vel. „Enginn, sem ég
hef veitt ráðgjöf og er í þessum spor-
um, á auðvelt með að taka þessa
ákvörðun,“ segir Vigdís.
Flestir velja fóstureyðingu
 Enginn á auðvelt með ákvörðunina þegar litningafrávik greinast hjá fóstrum
 17 fóstur greindust með litningagalla árið 2014  Átta með Downs-heilkenni
Hildur
Harðardóttir